Jenesese 3:16 - Anatunya Buku Baepole Ole Testamene Pii Lapo dee Nuu Tesamene

¹⁶ Lapala dee enda doko kando lamaiyuo, Emba wane manjinya dokopa mata pyaramopa randa andake nao manjo nyere laro, leya. Randa nyepalape akalinyi nyelana mona nyuo pisirinyipa baa embena mupwa ingyuo karara, leya.

Jenesese 3:16 ပူးပေါင်းရင်းမြစ်များ

Jenesese 4:7

Emba rolae piri ramo doko rae maiyuo paa narese? Dee yulu rolae pii napinyi dokona koo renge anda kambu repeta yalu pyuo muumee silyamo. Dokome emba nyipuli yaka lao suu pyao silyamo dokona emba rangeme nyuo anamasi minyuo karape, leya.

Aisaya 53:11

Baa randa yasupi naparamo dokopa enakana baa rae maingi renge dee kamba nyera. Baa doo randa naramo dupwa mee male male lao randa neyolyamo lao suu pyaa nara. Nambana kendemande dokome namba mona retenge doko kando namba rae maingi. Baame peparaena koo dupwana randa nyeramopa banya lao nambame nakamana koo dupwa kame sakamiru.

Jeremaya 6:24

Dokopa Jerusaleme wambu dupwame lao, Namwa pii doko simwa. Sepala namwa porainya renge mende pali napala namwana kingi dupwa yukyuo wale letamo. Enda wane manjinya mata pilyamo dokopa randa andake nao karenge doko suu pyao randa reeko doko namwa keta sii lao epelyamo.

Jone 16:21

Enda mende wane mata pilyamo dokopa rangena yuu gii doko pyaka sipyalyamo lapala mona randange. Dopa pilyamopape wane doko manjo nyepala dokopa raeko maipala baa randa neyamo dupwa nyuo kame singi.

1 Korina 11:3

Dee Koraisame wambu peparaena mupwa karenge. Dee akalimi etenge isili lao karaminyipa Anatumi Koraisa isili laro karamo doko selapa lao langilyu.

1 Korina 14:34

Juu wambunya Lowa palengenyili pyuo misi anda peparaena enda dupwa pii laa nao inyimungu petena letamo.

1 Korina 7:4

Akalingi banya endana yongo dokona mupwa ingyuo iso karara. Enda baa range mupwa ingyuo iso kara nara. Doko suu pyao akali keta yulu dopaleoko palira.

Kolosi 3:18

Etenge dupwa akalinyinya pii minyuo laraminyili pyuo soo pisipwape. Dokopa Kamongona lenge kambu dokona rolae ingyuo sera.

1 Tesalonaika 5:3

Wambumi lao, Namwa koo soo au pyuo petamano laraminyi gii dokopa aopa randa andake dokome nakama kokwa sinyi nembara. Randa andake eparamo doko enda wane mata pilyamopa yanga mangau lao randa nyingi dopale ingyaramopa randa doko wanja narami.

1 Timoti 2:13

Doko Anatumi Atame baa wambo ingyuo wasapala Ipi enakana wasiya.

1 Timoti 2:15

Dopa piyamopape enda dupwa Yesu kapa ingingi lao suu pyao mona nembo Anatunya Imambunya yulu pyuo inyimungu pisarami ramo dokopa wane mandenge yuu gii pyaka sera ramo Yesumi iso karara.

Taitesa 2:5

Nakama suu pingi rangeme kame pyuo minyuo mondo lao piso anda dokona yulu au pyuo pyuo nakamana akalinginya pii soo petena. Dopa pirami ramo dokopa lapome Kurisene yulu kooŋo lao laa narami.