Jenesese 28:20 - Anatunya Buku Baepole Ole Testamene Pii Lapo dee Nuu Tesamene

²⁰ Lapala Jekope kana minyuo lalu lao laodopa leya. Anatumi kinyi nambapa role pyao dopa pyuo karo lara ramo doko paronodupwana nenge nengepe wapungipi jera.

Jenesese 28:20 ပူးပေါင်းရင်းမြစ်များ

Jenesese 28:15

Kando karape. Nambame embapa karapala anja panda parene dupwa minyuo paeyo dee yuu dakena laeyo lanyuo eparo. Dopa pyuo nambame emba yaki nyii nao karo langipu dokona palyapala kaeyaro, leya.

Jenesese 31:13

Lapala, Namba Anatu yuu Betele dokona emba keta paneyo kande dokoŋo. Doo embame kana londende pisapala dokona mamba kisapala pii nambapa lalu lao langii kande. Dakepa sipurapala emba mandeyaminyi yuu dokona range puu langiya, leya.

Jenesese 35:3

Dokopa namwa dae yaki nyuo yuu Betele dokona yuku monale. Dokona nambana randa epeyamo dokopa Anatu nyisiya dokona lao mena pyao kiso maingi kana pyare mende lakamiru. Baa namba anja mendasa peyono dupwana yuu peparae yaki nyii napala kyawa minyuo kareya.

2 Samyuele 15:8

Namba yuu Gesu yuu Siria dokona singi yuu dokona paleyo dokopa nambame Kamongo kando lalu lao lao, Baame namba yuu Jerusaleme kamba kapu kyuo lanyuo para ramo doko nambame baa yuu Eperone dokona lakandaro, leyo, leya.

Samu 116:14

Banya wambu epo wato larami dokona nambame baa mairu lao kaeyonuli pyuo mairu.

Samu 116:18

Jerusaleme tembole anda kambu dokonape embena wambu wato laraminyi dokonape nambame emba jinya lao kaenge kandale doko jero ingilyamo. Kamongona kingi doko lakando palena.

Samu 119:106

Nambame embena mana pii rolae doko rape rape lao minyuo yaki nyii naroŋo lao pii lalu lao lenge ingyuo andakena palyuo lao retapunu pilyamo.

Samu 132:2

Baame embapa lao kana minyuo Isaraele wambunya Anatu Porai dokome pii porai leyamo doko suu pyao karape.

Samu 22:25

Mitiŋi andake lao pisirami dokopanambame embena yulu piinyi dupwana kingi lakando laro ingilyamo. Dopa pyuo wambu embapa kingi wapambupi lakao lakandelyaminyi dupwana lenge kambu dokona bange kiso jero lao lalu lao lasi dupwa kiso jero ingilyamo.

Jone 1:16

Mona keyange palyuo ipingi renge baa keta palyuo simbulyamopa imambunya renge keyange dupwa namwa peparae konda pyuole jepa pingi.

APOSELENA YULU 18:18

Dopa piyamo dokopa Pole yuu malu dokona karapala Kurisene yangonge dupwa role pyapeta kareya. Enakana sipurapala yuu Siria dokona baamoo Pirisila Akuila pipya sipu dokona piso peyami. Ene panya karo dokopa yuu Senekoria dokona baame mende pironya lalu lao lao banya kyawasi doko pyakepo muu piya.

1 Timoti 6:8

Dokona lao namwa epapunya ingyuo nenge komaupi kapa sera ramo dusipa kapaŋa lao suu pyao karamana.

1 Samyuele 1:11

Baame lalu lao lenge pii doko alowa pii nara ingyuo lao, Kamongo Porai Wakasa embame namba embena kendemande enda kandape. Randa nyilyu dokona nambana lao suu pyapala kame soo kaeya napipi leya. Embame ikinyingi mende joo lare ramo doko nambame baa emba keta pyamalyapala lalu lao lenge pii ingyuo lao kyawasi rokwa nao mee kareta karena laro, leya.

1 Samyuele 1:28

Renge dokona lao baa Kamongo manjo mailyuŋu. Baa kararamo gii dusipana Kamongona ingyuo karalu kararaŋa, leya. Dopa lapala dokona karo Kamongo lakando kingi leyami.

1 Samyuele 14:24

Soleme pii ama poraiyuo lalu lao lao, Nambana nyisu petenge dupwa epapu ene yano pyarono dokopa wambu mendeme nenge nara ramo doko keta koo palenale, leto leya. Dopa leyamosa yuu gii dokopa wambu dupwa nenge naa napala lopome kumuo pyuku lasi kareyami.