Jenesese 26:4 - Anatunya Buku Baepole Ole Testamene Pii Lapo dee Nuu Tesamene

⁴ Nambame embena manjirinyi dupwa kamame wakasa inginya lao pirunupa yakena bui pilyamo dopaleingyaramopa nambame yuu dake nakama mairu. Mairunupa nakama keta rara peparae elyape keta piso parami.

Jenesese 26:4 ပူးပေါင်းရင်းမြစ်များ

Jenesese 13:16

Nambame embena para pyao manjirinyi dupwa yuunya sinjimu dopale inginyi pyambwakaro. Mendeme yuunya sinjimu dupwa yaka lao kandenge ramo dokome embena para pyaramo dupwa kapa yaka lao serami lyakande.

Jenesese 15:18

Yuu gii dokopa Kamongo dokome Aporamepa kana minyuo pii lalu lao lao dopa leya. Embena wai kisaramo dupwa nambame yuu dake mairuingilyamo. Mairunu yuu doko yuu Isipi lili dokona piso pao ipwa pona andake Yuporisa lenge dokona lili pira lyakande, leya.

Jenesese 15:5

Dopa lapala baa kamanda lanyuo papala lao, Emba yakena bui dupwa akipare lao makande pyuo yaka lao kandape. Dopale ingyuo emba keta para pyao pare, leya.

Jenesese 18:18

Aporakame dokona banya para pyaramo dupwa rara andake porai ingyara. Rara peparae Aporakamepa lapolapo lao pyuo elya pisarami, leya.

Jenesese 26:24

Peyamo dokopako kukwa Kamongo baa keta epapala lamaiyuo lao, Namba embena rakane Aporakamena Anatu. Dokona papa lao paka napipi. Namba embapa role pyao karoŋo. Nambana kendemande Aporakame kando lalu lao leyo dokona nambame emba elyape keta pisinyi pyambuo emba jingi para pyao manjirinyi dupwa andake inginyi pyambwakaro, leya.

Jenesese 28:14

Embena para pyarene dupwa yuunya sinjimu ingyaramo dokona piso raeyarenepa palyuo yuu muu peparaena dumurena dalyarena donorena dulurena pao piraminyipa nakama keta rara peparae elyape keta pisarami, leya.

Jenesese 28:3

Anatu Porai Wakasa dokome emba ketae nembo wai kisaramo dokona wambu akalyanda liti pyuo parami, leya.

Jenesese 35:12

Yuu doo nambame Aporakame Aisakepa maiyu doko emba jero. Dee emba karo paparene dokopa pyuo doko embena para pyao nyere dupwa maiyakaro, leya.

Jenesese 47:27

Isaraelena wambu dupwa Isipi panda yuu Gosene dokona epo paleyami dokopa nakama wai kiso malu ingiyamopa rara andake ingyuo peya.

Samu 72:17

Banya kingi doko kame see nao suu pyale pyale karena. Banya karenge arome pii doko neta rao karalu karenge dopale ingyuo pena. Yuu muu ree lao baa lakandenale. Wambu peparaeme kiŋidoko rae maiyuo karapyali lao Anatumi nakamba elyape keta pisinya lao pirami.

Ekesetase 32:13

Embena kendemande akali Aporakame Aisake Jekopemoo dusipana lao suu pyaro karape. Karo nakama kando embena pii lalu lao lao, Nakamana wane manjiraminyi dupwa kamame wakasa yakena bui dopale ingyuo ando kararami. Nakamana para pyaraminyi dupwame yuu mairu lalu lao leene doko nakamana ingyuo dokona palyuo karalu kararami leene doko suu pyaro karape, leya.

Ekesetase 6:4

Nakama yuu Kenane nakama mee upunili palima paenge ingyuo epo papiyami doko mairuŋu lao kana minyuo lalu lao leyo.

APOSELENA YULU 3:25

Anatumi Aporakame kando embena para pyao nyerene dupwa keta wambu peparae elya pyuo parami leya. Dokona ingyuo Anatumi poropeta akali keta lao kaeyamo dupwa nakama mokwa soo nyerami. Anatumi nakamana akali kyawa dupwa kando lalu lao leyamo dupwana pingyu nyeramioko.

Galasia 3:16

Anatumi Aporakame banya wane dokopa elyape keta pyambwaro lao kana minyuo leya. Doko para pyao nyeramo dupwa peparae suu pyao laa naya. Banya wane mendaki leyamo doko Koraisa dokona suu pyao leyasa piya.

Galasia 3:8

Juu daa rara wakale dupwa Anatu mona maipa nayami dokopa nakama Anatu kapa ingingi lao suu pyapala rolo parami. Doko Anatumi Aporakame keta wambo ingyuo waili pii keyange lamaipala lao, Embapa lapolapo lao wambu yuu muu peparae elyape keta pisirami Baepole leya.

Dutaronome 9:5

Nakama keyange ingyuo rolae pyuo karamindena Kamongome nakama wambu dolomana yuu doko nyelapa lapyande daa. Wambu doloma koo pingi dokona baame ralinyi nembakara. Dopa piramo dokona nakamana rora ambasu Aporakame Aisake Jekopemoo dusipa keta pii lalu lao lao rape rape lao piruŋu leyamo dokome pira.

Ipuru 11:2

Rora ambusupi wambu dupwame Anatu kapa ingingi lao soo manjo kareyamisa Anatumi nakamana yulu kando yako leya.