Jenesese 26:28 - Anatunya Buku Baepole Ole Testamene Pii Lapo dee Nuu Tesamene

²⁸ Nakambame isingi lao, Kamongodoko panembena embapa role pyao karapyamo kandapala namwame embapa pii angi mende kana minyuo lalu lao larama.

Jenesese 26:28 ပူးပေါင်းရင်းမြစ်များ

Jenesese 24:3

Embena kingi ketae nembapala Kamongo Anatu yake yuupi peparaena karenge dokona kingi lapala Kenane enda akalipi nambamoo pipya role pyao karamano dupwana wanengemende nambana wane dokona etenge ingyaraŋa lao nyuo mai naroŋo lao lalu lao lena leya.

Jenesese 24:41

Lapala, Nambana rara dokona piso wanake jii narama daa larami ramo dokopa pii mende pali naraŋa kaeyaramba lapya, leya.

Jenesese 31:44

Doko kapaŋa dakepa nambwa range yango sukusa kana minyuo lalu lao lambana. Dopa pirambanopa lasi pii doko dopa lambipya lao kana dokome lasaka pinyale, leya.

Jenesese 39:3

Banya akali mupwa kando Kamongome Josepe role pyao karapala mondo lanyi pyambwapyamopa yulu peparae elyape ingyuo pyuo karamo lao kandeya.

Jenesese 39:5

Dopa pyuo peyamopa Kamongome Isipi akalinya anda wambu peparae Josepe lapolapo lao nyisiya. Kamongome Josepe yulu piyamo anda dokonape yuu kamanda dupwanape mondo lanyi pyambuya.

Aisaya 45:14

Kamongome Isaraele wambu dupwa lamaiyuo lao, Itiopia wambupi dee Isipi wambupinya mena bangepe dupwa nakamana ingyara dee yuu Sepa akali londe dupwa karapusi ingyuo karo nakamana yulu pakao kararami. Karapala nakama puu maisi karo nakama moko minyuo paeyarami. Dopa pyuo karo nakamame nakama kando pangu soo karo Anatu nakama pipya role pyao karamo doko baa iki Anatu angi lao polo larami.

Aisaya 60:14

Akali nakama randa joo kareyaminyi dupwana ikinyingi dupwame epo nakama mee mende ulipili ingyuo karaminyi karamano lao lasaka pyuo pangu serami. Wambu nakama angi mende daaŋa lao suu piyaminyi dupwame epo nakamana kimbu seramo dokona piso nakama lakando lao Kamongona yuu taone andake, larami. Lao dokopa, Isaraele wambunya Anatu poo pyasi dokona taone Sayone lenge, larami.

Aisaya 61:6

Dokopa nakama Kamongona purisi akali ingyuo karaminyi laope Anatunya kendemande akali karo pilyaminyi lao wambu menge dupwame soo nyerami. Dokopa wambu rara yuu muu dupwana kamongonge bange dupwame nakama ketae palyuo karo rae mairami. Rae maipala dupwa peparae nakamanaŋa lao yongo nyimbwaramo kararami.

Aisaya 61:9

Nakamana kingi doko yuu muu dupwana ulepalepa paramopa wambu kando serami. Wambu peparae dupwana mendeme nakama kandapala dokopa nambame keyange inginyi pyambuyalyamo lao soo gisarami.

Orome 8:31

Dopa pyuo silyamo dokona apa laramase? Anatumi namwa tee lapala karara ramo api mendeme namwa randa jerase?

1 Korina 14:25

Nakama mona andarena yalu pisi singi dupwa polasi seramopa mona kando piso Anatu lakando lao, Kinyi kinyi Anatu nakama pipya role pyao karamo larami.

Ipuru 13:5

Kana mone mona nyisarono kando lao waso bange emba keta silyamo dusipa yakaŋa lao suu pyao karape. Anatumi lao dokopa, Emba yaki nyuo kaeya naro letamo.

Ipuru 6:16

Juu wambu dupwame mende piru lao lalu lao lenge dokopa kingi andake mendena minyuo lao kana minyuo lenge kandale. Dopa pyuo lao pao mendena kingi minyuo lao ayemba pilyamo dokopa lao otalyamo lapala kaenge.

Josua 3:7

Dokopa Kamongo dokome Josua lamaiyuo lao, Epapu nambame mende pirunu dokome Isaraele wambu dupwame kando emba akali andakeŋe lao yako lao ketae pyambuo kararami. Dee namba Mosese role kareyo doko suu pyao embapa karambinyi lao soo gisarami.

1 Samyuele 11:1

Kana mendena enakanale Amone wambunya kiŋi Nayaseme banya yanda singi dupwa lanyuo taone Jepese lenge yuu andake Giliate dokona singi doko nyuo sukusa palyuo pyao nyela peyami. Dokopa Jepese range akali dupwame akali Nayase lamaiyuo lao, Emba namwa pipya pyuo minyuo anjiki pyuo kararama lao lare ramo doko emba namwana akali mupwa ingyuo karare larama, leyami.

1 Samyuele 18:28

Kamongo baa Dapiti keta kareyamo dokope dee banya wanengeme Dapiti mona reteyamo dokope Soleme soo nyiya.