Jenesese 24:45 - Anatunya Buku Baepole Ole Testamene Pii Lapo dee Nuu Tesamene

⁴⁵ Dopa pyuo monana ateŋa pii lao karapu gii dokopa Orepeka ipwa penge langena soo epo ipwa kamuo nyingi yuwale dokona lupyuo papala kamuo nyipya. Dokopa, Namba ipwa naro jinya, lamaipu.

Jenesese 24:45 ပူးပေါင်းရင်းမြစ်များ

Jenesese 24:44

baame isingi langyuo, Emba narene dokopa embena mena kamele dupwa ipwa maiyakaroko lara ramo dokopa Aisakena enda emba rombo palyiinyi doko karakana lao loma sipu.

2 Samyuele 7:27

Kamongo Porai Wakasa Isaraele wambunya Anatu. Embame yulu pyakarene dupwa peparae namba nolakao langyuo dee nambana rara dokona akali dupwa kiŋi ingyuo karena laro langii kande dokome namba paka nao emba kando ateŋa dake langilyu.

Niyamaya 2:4

Lamaiyunu dokopa kiŋimi namba langyuo, Nambame apa pyakapili lao piso silini? leya. Dokona lao Anatu yake panda karamo doko kando piso soo ateŋa leyo.

Aisaya 58:9

Nakama ateŋa laraminyi dokopa nambame yano pyakaro. Dee nakamame namba kyakale laraminyi dokopa aopa ŋee lao sakaro. Renge doko nakamame wambu randa maingi yulupi kingi sikisame suu lao kooŋo lao lengepe pii koo lengepe dupwa yaki nyuo kaepala

Aisaya 65:24

Dopa pyuowako dee nakama nambapa lao ene ateŋa lao otapa naraminyipa kanyasa isingi yano pyakamiru.

Daniele 9:19

Kamongo, namwana ateŋa sakape. Sakapala Kamongo namwana koo dupwa nyuo kame sakape. Kamongo namwana pii sepala namwa keta yulu keyange mende pyakape. Wambu peparaeme emba Anatu lao soo nyinyaleŋe dokona mende pinya suu pilini doko waiya lao pepe. Yuu taone dake embena. Dee wambu dae karenge dupwa embenako.

Daniele 9:23

Embame kanda soo Anatu kando ateŋa lao piso sokondali pyuo leene dokopa baame emba isingi yano piya. Anatumi emba mona retenge dokome ateŋa isingi yano pyapyamo pii doko langyala epelyo. Dokona nambame pii repa repa angi piinyi dokona polo langirunu dokopa emba elya kalo soo pisipi.

Matyu 7:7

Piso seraminyi dokopa jera. Kotaraminyi dokopa kando nyerami. Kambu dowa doko kapakapa piraminyi dokopa lumbwakara.

APOSELENA YULU 10:30

Dokopa Koniliasa dopa leya. Jukumane wamba yuu gii dakepa neta dambisa karenge sere keloke dokopa namba andakare ateŋa lao peteyo. Lao peteyono dokopa akali komau lepolepo pingi wapunginde epapala nambana lenge kambu siyamo dokona kareyapya.

Orome 8:26

Namwa poraiya nalyamo karelyamanopape Imambu dokome kapa epo nyisingi. Namwa ateŋa dokona apa pyuo larama lao sepa nange. Dokopa Imambu baame Anatu kando namwana lao poraiyuo lakao karenge. Pii poraiyuo laokondali pyuo lamaiyakao karenge.