Jenesese 24:3 - Anatunya Buku Baepole Ole Testamene Pii Lapo dee Nuu Tesamene

³ Embena kingi ketae nembapala Kamongo Anatu yake yuupi peparaena karenge dokona kingi lapala Kenane enda akalipi nambamoo pipya role pyao karamano dupwana wanengemende nambana wane dokona etenge ingyaraŋa lao nyuo mai naroŋo lao lalu lao lena leya.

Jenesese 24:3 ပူးပေါင်းရင်းမြစ်များ

Jenesese 14:19

Epapala baame Aporame elyape keta pisinya pyambuo lao, Anatu Ama Ketae yake yuupi wasiyamo dokome Aporame keta mondo lao elyape keta pisinyi pyambwakana.

Jenesese 14:22

Leyamo dokopa Aporameme Sotoma kiŋi doko lamaiyuo lao, Kamongo Anatu Ama Ketae yake yuupi wasiya doko kando lalu lao leto doko.

Jenesese 21:23

Dakepa dokona lao embame Anatunya lenge kambu dokonakingi lao dokopa nambape nambana wane wanake dupwape dee nambana para pyaro dupwa kando panga see naro lao lalu lao lare, leya. Nambame embapa rolae pyuo kareyo dokonako palyuo emba dapwana karare mange dokopa nambapa rolae pyuo karare, leya.

Jenesese 24:7

Kamongo Anatu yake panda karenge dokome rakanena anda yuupi namba mandeyaminyi dokope dee nambana ree palu dupwape keta yaki nyuo epo dokopa baame namba lalu lao lao langyuo, Embena wane manjirinyi dupwana yuu dake jeroŋo, leya. Dokona lao aŋala mendeembena kata wapwakana lao nembara dokopa nambana ikinyinginya enda mende dokonapao nyakamiri, leya.

Jenesese 27:46

Enakana Orepeka akalingi Aisake lamaiyuo, Iti enda Iso nyiyamo dupwa kando namba epenasilyu. Dee Jekope yuu range Iti enda dopale nyera ramo dokopa namba apa pyuo piso palyuo piru laa, leya.

Jenesese 28:1

Dokopa Aisakeme Jekope epena lapala baa elyape keta pisinyi pyambuo poraiyuo lamaiyuo, Emba Kenane enda dokonamende nyii nana, leya.

Jenesese 28:8

Kandapala Isome Aisakeme Kenane enda dupwa rae mai nayamo doko kandeya.

Jenesese 34:9

Lapala, Dopa pyuo wanake alowa pyuo nyepala mendakinyaingyuo karamana lao lao walengena palyamanale.

Jenesese 38:2

Dokopa Kenane akali Suana wanenge kando rae maipala baa nyiya.

Jenesese 47:31

Dokopa Isaraele embame lete dokona palyuo pyakaroŋo lao kingi ketae nembarene, leya. Doko sepala Josepeme enambo minyiyamopa Isaraele baa banya rate ayemba singi dorena ponga lyero peteya.

Jenesese 50:25

Lapala Josepeme rakange Isaraelena ikinyingi dupwa kingi ketae nembo lalu lao lenge pii mende lena leya. Anatumi nakama nyisala epeya kande dokopa nambana kuli doko yuu dakena sinya kaeya nao pena dokopa nyepakala pupwape, leya.

Jenesese 6:2

Mandeyaminyi dokopa kuma nangena ikinyingi dupwame isa wambunya wanenge dupwaawa kandapala mee maso nyuo piyami.

Jenesese 6:4

Kuma nange wambu dupwame isa wambunya wanenge dupwa nyepala wai kiso nyiyaminyi mange dokopa Nepelimi wambu ando nyimbuyamopaoko karo peyami. Wane mandeyaminyi dupwa kuli palyuo kareyaminyisa nakamana kingi ketae peya.

2 Kiŋi 19:15

Retapala ateŋa lao, O Kamongo Isaraele wambunya Anatu, lete bange papake karenge ketae embena kiŋi petenge isa dokona petenge. Emba Anatu mendaki iki. Emba yuu muu dupwana rara karenge dupwa peparae isingi. Embame yake yuupi dupwa pyuo wasii.

Niyamaya 9:6

Isaraele wambu dupwame ateŋa dake piyami. Kamongo doko embako iki Kamongo ingilyamo. Embame yakepe yakena buipi pyuo wasii. Embame yuupi ipwa kotape bange silyamo dupwa peparaepe embame pyuo wasii. Bange dupwa peparae embame letena renge maii. Aŋala yake panda karaminyi dupwame emba lao pangu soo lakandenge.

Samu 115:15

Yake pandape isa yuupi pyuo wasiyamo Kamongo dokome nakama renge keyange jinyale.

Ekesetase 20:7

Namba nakamana Kamongo Anatu dokome nambana kingi dokona kopetame koo ingyuo laraminyi dupwa randa mairu dokona nakamame nambana kingi doko kopetame ingyuo kwuanyi nembo laa nalapape.

Ekesetase 34:16

Dokona nakamana ikinyingi dupwame yuu wakale range enda dupwa nyerami ramo enda dupwame nakama kata koo dokona lanyuo paraminyisa nakamame namba angi suu pyaa napala mee bange anatu kyambo lenge dupwa lakandarami ingilyamo.

Aisaya 45:23

Nambana lalu lao lenge doko angi kinyi dokona dee alowa pii naro. Namba keta kana minyuo lalu lao lao, Wambu peparae nambana lenge kambu dokona epo wapambu pii pyaro piso lalu lao lao, nakama namba kando rape rape lao yulu poraiyuo pyakarama lao larami, leyo.

Lipitikase 19:12

Wambu mendali kando kinyi lapunu pilyamo lao sinya lapala nambana kingi lapala lamaiyami kande doko dee alowa pii nalapape. Lapala kaeyarami ramo doko seramo dokome nambana kingi doko uki minyuo lara ingyasara. Namba Kamongo doko nakamana Anatuŋu karo.

1 Korina 7:39

Enda akali nyingi doko akalingi kararamopa baa range suu pilyu ote lao pisa nara. Dee enakana akalingi kumara ramo dokopa mee kapa akali nyera. Dopa pyuo nyeramo doko Kurisene yangonde nyera ingilyamo.

Dutaronome 10:20

Nakamana Kamongo Anatu doko mupwa lao suu pyao pako baa iki ketae pyambuo lakandarami. Baa yaki nyii nao dee banya kingi dokona iki lao lalu lao pii larami.

Dutaronome 6:13

Nakamana Kamongo Anatu doko mupwa lao suu pyao pako baa iki lakandalapape. Dee nakamame banya yulu iki pyuo karalapape.

Ipuru 6:16

Juu wambu dupwame mende piru lao lalu lao lenge dokopa kingi andake mendena minyuo lao kana minyuo lenge kandale. Dopa pyuo lao pao mendena kingi minyuo lao ayemba pilyamo dokopa lao otalyamo lapala kaenge.

Josua 2:12

Epapu banya kingi lao, nambame nakamba anjiki pyuo rapu pilyu doko suu pyao nakambame nambana ree palu dupwa anjiki pyuo rapu pyakaramba lao lalu lao lalapape. Dee nambame nakamba kinyi angiŋi lao suu pyaroleŋe yulu mende pyuo lasaka pipwape.

Jasi 14:3

Dokopa banya rakange endangipame lamaiyuo, Wane emba apa pipyasa pao Pilisitia wambu rara wakale mona kapu kyaa nange dokona enda doko nyelana letese? Emba wanake lapo embena rangena ree palupi dee namwana rara dokonape kanda nalese? leyambi. Dokopa Samasone baame rakange lamaiyuo, Namba wanake doko kando rae mailyu. Embame wanake dokoko nyakare, leya.

1 Samyuele 20:17

Jonataneme baa range mona retenge doko maso Dapiti mona wakasa reteya. Yuu mendepa Jonataneme Dapitimi baa mona retaro lao lalu lao langinya lamaiya.