Jenesese 23:6 - Anatunya Buku Baepole Ole Testamene Pii Lapo dee Nuu Tesamene

⁶ Emba namwana kamongo andake ingyuo karene dokome namwana pii sepe. Embena enda kumasi doko namwana malu anda keyange mendena malu pyaase. Malu piri dokona namwa mendeme malu anda wasisi mendepe daa larama ingya nalyamo, leyami.

Jenesese 23:6 ပူးပေါင်းရင်းမြစ်များ

Jenesese 13:2

Baa uso kamongomena sipisipi meme bulamakaope dee kana golo kulingipi malu mee reto kareya.

Jenesese 14:14

Dokopa Aporameme banya yangongena wane nyuo peyami leyamo doko sepala banya ree palu mana lamaiyamo akali yandana porai dupwa yeelyo 318 ingyuo nyepala pyao peta pao yuu Dane dokona peya.

Jenesese 18:12

Dopa pyuo piyamopa Sera pii doko sepala mona anda giinyi pyano lao, Nambapa akali dokopa emo otelyambano doŋo nambame kapa ingyaramo wane doko manjiro lao suu pyao peteya.

Jenesese 20:7

Epapu akalingi range keta pyamalyarenepa baa poropeta akali kandapi dokome loma sakaramopa mee lete karare. Dee range maiyakami nare ramo doko embape embena ree palupi peparae kumarami, leya.

Jenesese 21:22

Mange dokopa Apimelekepa dee Pikole banya ami akali mupwa dokope dolapome pipala pao Aporakame lamaiyuo lao, Emba yulu peparae pipinyi dupwana Anatu doko role karamo kande.

Jenesese 23:5

Dokopa Iti akali dupwame Aporakame isingi lamaiyuo lao,

Jenesese 23:7

Leyaminyi dokopa Aporakame sipurapala ayemba yande lapala yuu range akali dupwa kando kapa lamaiya.

Jenesese 24:18

Leyamo dokopa enda dokome lao, Nambana kamongo kapaŋa nalale, leya. Lapala waiya lao penge doko banya kingi dokome nyisa nyuo minyaro kareyamopa baa ipwa neya.

Jenesese 24:35

Kamongo baame nambana akali mupwa elyape keta pisiyamopa kamongapala bange peparaeme sipyamo karamo. Sipisipi bulamakaope kana kulingipi golope kendemande enda akalipi mena kamelepe mena osepe maiya.

Jenesese 31:35

Dokopa Oresolome lao, Rakane emba namba kando imbwa napipi. Namba kingi lanyapu dokome roya kararo ingya nalyamo, leya. Dopa leyasa Lapaneme banya pyarepa kana peparae koto kaeya.

Jenesese 32:18

dopa pyuo isingi lao, Mena dupwa embena kendemande akali Jekopenande baame emba banya kamongo doko mee jilyamo lao Jekope baa range enakalyamo, lamaiyalapape, leya.

Jenesese 42:10

Dopaleyamo dokopa nakamba isingi lao, O kamongo, emba letene doko daa. Namwa mee embena kendemande akali ingyuo nenge ropo pyalana imwa, leyami.

Jenesese 44:5

Kapo dake nambana kamongona ipwa nenge doko rengyana nyera dupwana pii repa repa piramo dupwana kandalana retenge doko daase? Nakama dopa pimi doko yulu koo pimisa pipya, leya.

Jenesese 44:8

Namwana mone nyuunya paleyamo Kenane piso laeyo manjo epeyamano emba kandee lao kande akipamo embena kamongona anda siyamo kana golope kulingipi nyeramase?

Ekesetase 32:22

Dokopa Eroneme isingi lao, Embame namba kando imbwa napipi. Wambu dapwa rangeme porayapala yulu koo doko pimwalinya suu pyao karenge doko emba soo otelene.

Aisaya 45:14

Kamongome Isaraele wambu dupwa lamaiyuo lao, Itiopia wambupi dee Isipi wambupinya mena bangepe dupwa nakamana ingyara dee yuu Sepa akali londe dupwa karapusi ingyuo karo nakamana yulu pakao kararami. Karapala nakama puu maisi karo nakama moko minyuo paeyarami. Dopa pyuo karo nakamame nakama kando pangu soo karo Anatu nakama pipya role pyao karamo doko baa iki Anatu angi lao polo larami.

Uruti 2:13

Namba embena kendemande dupwa pipya kapa makande minya napyamopape embame namba anjiki pyuo pii langipinyi dokome namba porainyi pyambulini, leya.