Jenesese 2:7 - Anatunya Buku Baepole Ole Testamene Pii Lapo dee Nuu Tesamene

⁷ Anatumi yuu dokona yuu sinjimu lapo nyepala dokome akali mende elya pyuo wasapala banya gyaa kata dokona poporambaiye lete poo lanyi pyambuyamo dokopa akali doko lenge rao lete ingiya.

Jenesese 2:7 ပူးပေါင်းရင်းမြစ်များ

Jenesese 1:27

Dopa lapala Anatumi enda akalipa baa yale pyuo wasiya.

Jenesese 2:6

Dopa pyuo piyamopape ipwa yuu dupwana guu lao pyakamiya.

Jenesese 3:19

Embame pusimi kumuo yulu pyuo nenge nao karerenepa malu pirami dokona lili pira. Emba yuumi wasiyunusa yuu ingyuo karene dokona dee yuuoko ingyuo pare, leya Anatumi.

Jenesese 3:23

Dokona lao Kamongo Anatumi ee dokona rekya lao nembeya. Nembo yuu nyepala wasiyamo dokonako baa range pyuo wara pyuo karena, leya.

Jenesese 7:22

Yuu olasinya ŋee soo popo nembo petenge dupwa peparae kumuo ote piya.

Jopo 4:19

Embame suu pyapinyi dokopa wambu yuumi wasisi dupwa rolae angyako pyuo karaminyi lao mona pyamalyara lao suu pilisi? Wambu mee pyuku lasi maimai kuki kuki kumunginyili pyuo kumungi dupwa rolae ingyuo karaminyi lao mona pyamalyara lao silisi?

Samu 100:3

Kamongo doko Anatuŋu lao kame see nalapape. Baame namwa wasiya dokona namwa banya wambu ingilyamo. Namwa banya sipisipi dopale.

Samu 103:14

Baamenamwa akimi wasisi karaminyi lao soo karamo. Namwa sinjimu dokome wasisikande lao soo karamo.

Ekelesiyastisi 12:7

Dokopa namwana yongo doko kapu kyuo isa yuu sinjimu dokona para. Imambu lete karenge Anatumi namwa jiyamo doko dee range baa keta para.

Ekelesiyastisi 3:7

Anjokorape komau kangurami dokope kii pirami dokope romo napyuo mee pisirami dokope dee pii lao pisirami dokope dusipa baame waso retenge.

Aisaya 64:8

Dopa pilinyiko doŋo Kamongo emba namwana rakange. Namwa mee wara yuu komba awai dopale ingyuo karamano. Dee emba yuu dokome penge angi wasingi akali dopale ingyuo karene. Embame namwa pyuo wasii kande.

Isikiolo 37:5

Namba Kamongo Mupwa Andake Wakasa karenge dokome pii dapa pyuo letamo lao kuli dupwa lamaipi. Doko porambaiye poo lanyi pyano nakama wambu ingyuo dee lete nyero.

Isikiolo 37:6

Nambame kuli angae laro karamo dokona kata nyuo pena lao minju nyuo palyoko yanenge wai pyakao poo porambaiye maiyuo wambu ingyuo dee lete nyerono nakamame kandapala namba doko Kamongo lao serami.

Nambase 27:16

Kamongo Anatu lete rengena renge kuiyuo karenge dokome akali mendeme embena wambu dupwa isako karara lao rombo palyepe lao leya.

Jone 20:22

Baa dopa lapala nakama kando ŋee sepala dopa lamaiya. Imambu Poo Pyasi nyelapape.

APOSELENA YULU 17:25

Dopa pyuo karamo dokona lao baa mende aeya napyande isa wambu dupwame kingimi baa isaro pyuo kararami ingya nalyamo. Dokona suu pyao baa rangeme akali peparae lee karenge rengepe ŋeeŋae singi rengepe bange peparaepe joo karenge.

Orome 9:20

Emba apiyakalendeme karapala dokopa Anatu kando kamba larese? Kapo yuumi wasisi dokome, Emba akipamo namba dopa pyuo wasipi lao piso see nange kandale.

1 Korina 15:45

Baepole dopa pyuo letamo. Wambo epeyamo Atame doko mee isa akali ingyuo epeya. Enakana epeyamo Atame doko baa Imambu lete karengena maingi ingyuo epeya letamo.

1 Korina 15:47

Atame wambo epeyamo doko yuu sinjimu dokome wasiyapya. Atame lapo pyuo epeyamo doko yake dokona piso epeya.

2 Korina 4:7

Jiyamopape namwa Anatunya renge keyange doko soo nyepala karamano dupwa mee pere awaimi wasisi dopale ingyuo karamano. Dokona lao porainya renge wakasa doko Anatu baa keta iki palenge doko panelyamo. Namwa keta pali nange.

2 Korina 5:1

Namwa isa petamano yanengena anda lalyaramo dokopa Anatu baa rangeme anda yake pandana piyamo karalu karo karara dokona namwa dokona palipa Anatumi lara.

1 Timoti 2:13

Doko Anatumi Atame baa wambo ingyuo wasapala Ipi enakana wasiya.

Ipuru 12:9

Namwana mee rakange dupwame pyalana pyuo mana lenge dokopa nakama rakangeŋe lao soo kando karenge kandale. Dokona ingyuo Imambunya Rakane banya laramo dupwa kamame andarele sepenge ingilyamo. Dokome lete renge nyerama.