Jenesese 18:5 - Anatunya Buku Baepole Ole Testamene Pii Lapo dee Nuu Tesamene

⁵ Emba embena kendemande kandala imi dokona ingyuo namba borete nyuo jeronopa nao ingi palyapala parami, leya. Leyamopa nakamame isingi, Emba letenyili pyuo pipi, leyami.

Jenesese 18:5 ပူးပေါင်းရင်းမြစ်များ

Jenesese 18:6

Aporakame Sera andakare peteyamo dokona waiya lao papala lamaiyuo, Palawa keyange dokona sikyali rema dopale nyuo minyapala waso kisare, leya.

Jenesese 19:8

Lapala lao, Kandalapa. Nambana wanenge akali nyii nangende lama petambinyi. Nambame lanyuo epakarono dokopa nakama pinya letaminyilipyuo pirami. Akali mee upunili dolapo nambana anda epakalambinyi dokona mende pii nalapape, leya.

Jenesese 33:10

Dokopa Jekopeme poraiyuo kongo pyuo lao, Daaŋa. Emba nambapa rae mairi ramo doko bange jilyu dupwa nyere. Emba anjiki pyuo namba yako lao nyipisa embena lenge kambu doko Anatunya lenge kambu kandenge dopale ingyapyamo kando nyilyu, leya.

1 Kiŋi 17:11

Dopa leyasa enda doko ipwa nyela peyamo dokopa dee kamba kee lapala nenge borete lapo opetae minyuo epo jinyako leya.

Samu 104:15

Rae maiyuo kararami lao ipwa waene maiyuo gii mona paliramo karena lao olipi ipwange maiyuo lopa nao kararami lao borete maiyuo pingipya.

Matyu 6:11

Yuu peparae namwa nenge napengele doko joo karape.

Jasi 13:15

Dokopa baa Kamongona aŋala lao soo gisa napala Manoa baame aŋala doko lamaiyuo, Emba paa napipi. Namwame emba mena meme kumambona doko pyao yangakamanale, lamaiya. Dokopa aŋala baame Manoa isingi lamaiyuo lao, Namba dae pisipuli doko embena nenge doko namba naa napuli. Emba rapa rapa pipuli lao suu pii kande doko Kamongo keta pyao kiso mairi, leya.

Jasi 6:18

Namba nenge lapo minyuo epo jerowaleŋe emba yaki nyuo paa napipi, leya. Leyamo dokopa aŋala dokome isingi lao, Namba dakena kararonopa emba kapu kyuo epare, leya.

Jasi 6:19

Dokona lao Gitione baa banya anda papala mena meme yakane mende pyao kiso dee nenge palawa sikyali kilokerame akalisa dopale nyepala isi pyambwa nao borete waso kisiya. Kisapala mena angi doko nyuu pisiki minyasi dokona palyuo mena ipwange supu doko pee sosepyane dokona kyano pipala minyiya. Minyuo Kamongona aŋala doko isa oke renge dokona peteyamo dokona epapala nenge dupwa maiya.