Jenesese 17:21 - Anatunya Buku Baepole Ole Testamene Pii Lapo dee Nuu Tesamene

²¹ Dopa pyuopirunupape Serame ee kana dumbinya mange dakepa wane Aisake manjira dokona lao baa keta kana minyuo lalu lao lenge pii dake retaro, leya.

Jenesese 17:21 ပူးပေါင်းရင်းမြစ်များ

Jenesese 17:19

Leyamo dokopa Anatumi lao, Daaŋa. Embena etenge Sera dokome wane wakale manjakaramopa kingi Aisake lare. Nambame baa keta pii lao kana minyaro doko baapa banya para pyaramo dupwa pipya sulu sera.

Jenesese 18:10

Dokopa upunili dokona mendeme lao, Nambame yuu gii angi dokopa kamba eparonopa embena etene Serame wane mende manjakara lyakande, leya. Dokopa Sera baa anda kambu dokona akali banya matarena warombo soo peteya.

Jenesese 18:14

Kamongome mende pinya saka nangese? Yuu gii angi pyaka seramo ee kana enenge dokona dee eparonopa Sera baa wane manjira, leya.

Jenesese 21:1

Kamongo dokome Sera keta epapala mende piroŋo lao lalulao leyamuli pyuo piya.

Jenesese 46:1

Jekope banya pinji nyuo muu pipala yuu Biasipa rakange Aisakena Anatu baame kana pyare lao rendamu pingi yango maiyamo dokona peya.

Jenesese 48:15

Dopa pipala Josepe ketae pyambuo karo Nambana rakane Aporakame Aisakepa dolapo role paeyo kareyamo Anatu doko dee namba ene manjinyi peyareyami dokopa role pyapeta karapala dakepa role pyaoko karamo Anatu doko

Jopo 14:13

Anatu embame namba luu luu kumuo puu lapala yaki nyuo kaepili yaka. Dopa pipala embena imbu singi doko otaramopa namba dee suu pyaro lao yuu gii mende nyipili yaka.

Ekesetase 2:24

Ee lao kareyami doko sepala Anatumi kana minyuo nyisaroŋo lao Aporakamemoo Aisakemoo Jekopemoo keta lalu lao leyamo doko suu piya.

Ekesetase 3:6

Namba embena rakane dusipana Anatuŋu, leya. Leyamo dokonako lao, Aporakamena Anatu Aisakena Anatu Jekopena Anatu dokoŋo leya. Dokopa Mosese Anatu kandalana pakapala banya lenge kambu doko nee piya.

Luku 1:55

Baame namwana rakange kyawa Aporakame kandowa, banya ree palu wai kiso nyera ingilyamo dupwa kandowape yuu rakyame kaeya nao nyiso kararo lao, lalu lao leyamuli pyuo pingi, leya Mariame.

Luku 1:72

Namwana rora ambasupi kando lamaiyuo kaeyamuli pyuo, pii yapasi doko kame see napala kondo nyiso karara.

APOSELENA YULU 1:7

Dopa leyaminyi dokopa baame nakama dopa lamaiya. Yulu andake dupwa anjokorape pira lao Rakane baa renge palyuo leyamo dokona yuu gii doko nakama kapa see narami.

Orome 9:9

Anatumi pii dasipana minyuo lao kana minyiya. Yuu gii angi dokopa namba dee eparanopa Serame wane mende manjira leya.

Galasia 3:29

Nakama Koraisana ramo doko Anatumi Aporakameme para pyaramo dupwa nyeramiŋi lao lalu lao leyamo dokona nyerami ingilyamo.

Ipuru 11:9

Baa yuu mengemana dokona papala upunili ingyuo kareya. Anatumi yuu lasaka piyamo doko akali Jekope Aisakepa keta seraŋa leyamopa nakama role pyao komau anda dupwana palyuo kareyami.