Jenesese 17:1 - Anatunya Buku Baepole Ole Testamene Pii Lapo dee Nuu Tesamene

¹ Aporame baa ee kana akalisa mange mendaki ipisu mange mendaki (99) papeyamo dokopa Kamongo dokome baa keta epo nolakapala lao, Namba Anatu Porai Wakasa karo. Embame nambana yulu palengenyili pyuo rolae pyuo karare.

Jenesese 17:1 ပူးပေါင်းရင်းမြစ်များ

Jenesese 12:1

Kamongome Aporame lamaiyuo dopa leya. Embena yuupi rakangepe rara ree palupi yaki nyepala yuu panda lasaka piru dokona pare.

Jenesese 12:7

Kamongo dokome Aporame kareyamo dokona epo maro lapala lamaiyuo lao, Yuu dake nambame embena wane manjo para pyao eparene dupwana ingyuo paraŋa lao jero, leya. Dopa leyamo dokopa Aporame baame Kamongona lao kana pyare lakamiya.

Jenesese 16:16

Aporame baa ee kana 86 peyamopa wane doko mandeya.

Jenesese 18:1

Yuu mendepa andowai korakama dokopa Aporakame Mamarena isa yapasi karenge repeta dokona banya komau anda kambu konandawame dokona peteyamopa Kamongo baa keta epo paneyamo kandeya.

Jenesese 18:14

Kamongome mende pinya saka nangese? Yuu gii angi pyaka seramo ee kana enenge dokona dee eparonopa Sera baa wane manjira, leya.

Jenesese 24:40

dee baame langyuo, Kamongo namba iso karenge dokome banya aŋala mende emba kata wapuo lanyinya lao peyaramopa embame nambana wane dokona enda mende nambana rangena wambu rakanena ree palu dokona nyakamiri, lapya.

Jenesese 26:2

Pao kareyamo dokopa Kamongome Aisake lamaiyuo lao, Emba Isipi dokona paa napipi. Yuu mendenambame emba lasaka pirono dokona palu karare, leya.

Jenesese 28:3

Anatu Porai Wakasa dokome emba ketae nembo wai kisaramo dokona wambu akalyanda liti pyuo parami, leya.

Jenesese 35:11

Anatumi deeko lamaiyuo, Namba Anatu Porai Wakasa dokome emba para pyao malu nyere dupwa lapo kiŋi ingyuo parami. Dopa pyuo wane wanake malu manjirinyi rara malu ingyuo para pyao parami.

Jenesese 43:14

Anatu Porai Wakasa dokome akali banya mona pyakaramopa baamenakama sakame kumaramopa nakamana yangonge mende doko dee Benjamenepa range pupwa lakanale. Nambana wane dupwa dee kando nyii naro ingiya kande doko dokolyamo, leya.

Jenesese 46:3

Dokopa, Namba embena rakanena Anatu doko karo, leya. Isipi panya mona kenda napipi. Nambame embena para piinyi dupwana yuu dokona epo karo rara andake inginya pyambwakaro, leya.

Jenesese 48:15

Dopa pipala Josepe ketae pyambuo karo Nambana rakane Aporakame Aisakepa dolapo role paeyo kareyamo Anatu doko dee namba ene manjinyi peyareyami dokopa role pyapeta karapala dakepa role pyaoko karamo Anatu doko

Jenesese 48:3

Pisipala Josepe lamaiyuo, Anatu Porai Wakasa doko yuu Kenane panda mende Lusi dokona epo panapala namba elyape keta pisaro langyuo,

Jenesese 5:22

Metusala manjipeyamo dokopa Anatu dokona bwua singyuo pyuo paeyo ee kana 300 kareya. Kareyamo mange dokopa wane wanakepe lapo konda pyuo manjo kareya.

Jenesese 5:24

Karapala Inoko ando kareyamo mange dusipana Anatupa bwua singyuo pyuo kareyamopa Anatumi mee nyiyasa pana naya.

Jenesese 6:9

Noana wane rema Seme Ame Japetemoo dusipa mandeya. Wambu peparae kareyaminyi dupwana baaiki rolo pyuo kareya. Baa Anatupa bwua singyuo pyuo kareyambi.

1 Kiŋi 2:4

Nakamame banya pii warombo serami ramo doko Kamongome namba langyuo lalu lao lao langiya doko yaki nyuo kame soo kaeya nara. Dopa lao lalu lao langyuo, Nambana para pyasi dupwame nakamana suu pingi monape peparaeme banya mawa pii dupwa kandokondali pyuo warombo soo kararami ramo doko Isaraele dupwa rapu pyuo iso kararami, leya.

1 Kiŋi 3:6

Dokopa Solomoneme isingi lao, Embame embena kendemande akali nambana rakange Dapiti doko kando embame yuu peparae mona retenge renge andake doko lasaka pii. Dopa piinyipa baame embena lenge kambu dorena kinyi rolae pyuo kareya. Dopa pyuo kareyasa embame baa mona retalu retenge renge andake doko lasaka pyuo puu pelyoŋo lao dokopa banya wane epapu banya panda nyuo iso karamo doko mai.

1 Kiŋi 8:25

Dokona epapu Isaraele wambunya Kamongo Anatu, nambame ateŋa lao, embame lalu lao lenge pii lapo nambana rakane kando lao doko opetaeko yaki nyii nao minyuo karape. Banya para pyaramo dupwame nambana rakangeme emba warombo soo kareyamuli pyuo piraminyi dokopa nakamana mendeme Isaraele wambunya kiŋi ingyuo yuu peparae rapu pyuo karara lao lalu lao leepya.

Jopo 1:1

Yuu Ase dokona akali mende kingi Jopo lenge doko kareya. Karapala baa elyape ingyuo yuu peparae yulu rolae pyuo kareya. Dee akali doko Anatu pakale pakale lao lakando pyuo yulu koo dupwa wanjo kareya.

Samu 115:3

Namwana Anatu doko yake panda karamo. Baame pinya suu pilyamuli pyuo pingi.

Samu 116:9

Dokona lao namba isa wambu palaminyi yuu dokona Kamongona lenge kambu sipyamo dorena role papyuo karo.

Ekesetase 6:3

Namba Anatu Porai Wakasa dokoŋo lao Aporakamemoo Aisake Jekope keta epo paneyo. Nambana kingi Yawai lenge lao rangeme sinya lao lamai nayo lyakande.

Daniele 4:35

Wambu isa yuu dakena palaminyi dupwa angi mende daaŋa lao kandanyi nembelyamo. Aŋala yake panda dokona karenge dupwape wambu isa yunya palaminyi dupwape baa isarena karaminyi. Mendemepe banya yulu pilyamo dupwana yango palya nao dee baame yulu aki pilyamo dupwa piso see narami ingilyamo, leya.

Maeka 6:8

Kamongome keyange doko anjuku lao langipya kandapi. Dokona nakama keta yulu pimili lao suu pilyamo doko dakeŋe selapape. Yulu rolae yapasi dupwa pyuo nakamana mona retalu reto retenge doko lasaka pyuo nakamana Kamongo dokona inyimungu rape rape lao karo pirami.

Nambase 11:23

Kamongome isingi lao, Mendeme nambana porainya renge doko kata lyokwarase? Namba lalono doko pyaka soo pira panda pii nara lao repeta kandarami, leya.

Nambase 24:16

Anatumi pii letamo dupwa namba singi. Nambame soo gisingi renge Anatu Ama Ketae doko keta piso epelyamo doko kando nyingi. Nambame lenge rakaro karo. Anatu Porai Wakasa dokome pii repa repa pilyamo dupwa angi rolae kandenge.

Matyu 19:26

Dokopa Yesumi nakama kando dopa lamaiya. Isa akali dupwame kapa pirami ingya nalyamo. Ingya napyamopa Anatu baa yulu peparae kapa awa awa pyuo pira, leya.

Matyu 5:48

Dokona nakamana Rakane yake panda karenge doko ama rolae wakasa pyuo karamo doko suu pyao nakama ama rolae wakasako pyuo karalapape.

Luku 1:6

Nakamba laparae Anatunya lenge kambu dokona Kamongona mawa pii andake kukipi ama kaeya nao minyuo kareyambi.

APOSELENA YULU 23:1

Dokopa wato andake lenge akali peteyami dupwa kando Poleme dopa lao, Yangonemoo, namba koo mende pii nao karo epo epapu dae karo dakeŋe lao soo manji nyilyu doko Anatu silyamo leya.

APOSELENA YULU 24:16

Anatunya lenge kambu dokonape wambunya lenge kambu dupwanape yulu koo pipiŋi laraminyi lao yuu peparae kandokondali pyuo pyuo karo.

Epesasa 3:20

Anatumi banya porai renge namwa keta silyamo dokome suu pyarama dupwape jinya larama dupwape kama konda pyuo yamarangunyi nembo jingi.

Dutaronome 10:17

Nakamana Kamongo Anatu doko kamame wakasa. Anatu menge dupwape porai renge wakale dupwape peparae isa palyingi. Baa kamame andake wakasa porai karapyamo dokome wambu dupwa baa mupwa lao suu pyao pako kararami. Baame mendali koo keta palyuo mendali elyape keta palyuo pira doko suu pyaa nao ama rolae pyuo wambu peparae kapa kapa nyisingi. Dee baame nyisapyali lao isa kata bange maingi dokopa epe kando nyii nange.

Dutaronome 30:20

Nakamana Kamongo Anatu doko mona nyepala baapa rape rape lao yaki nyii nalapape. Dokopa nakamape nakamana wane para pyao manjo paraminyi dupwa pipya yuu nakamana imbwange Aporakame Aisake Jekopemoo mairuŋu lao lalu lao lao kaeyamo dokona yuu gii andarele palyuo kararami ingilyamo.

Pilipai 4:13

Koraisa baame namba porainyi pyambuyasa yulu peparaena lao mona kuki palyuo karenge.

Ipuru 12:28

Namwana Anatu baa isare uliyapumi mende yaparenge nyii nange dopale ingyuo karenge. Doko suu pyapala baapa mona nyerali dupwa pyuo karo mona kando pako karamanale.

Ipuru 7:25

Isa wambumi Anatu karamo dokona eparami dokona Yesu baame lamaiyakamingi akali ingyuo karalu karenge. Dokona lao baa kukingisa karenge akali ingyuo Anatu keta eparami dupwa pyuo nyulu nyuo nyera.