Jenesese 11:31 - Anatunya Buku Baepole Ole Testamene Pii Lapo dee Nuu Tesamene

³¹ Akali Tera baame ikinyingi Aporamemoo banya ikinyingi Aranena wane Lotemoo Aporamena etenge Saraimoo nakamana yuu kingi Ua lenge Kalitia wambu palenge doko yaki nyepala yuu Kenane panya peyami. Papala yuu mende kingi Arane lenge dokona pao kando nyepala paleyami.

Jenesese 11:31 ပူးပေါင်းရင်းမြစ်များ

Jenesese 10:19

Dokopa nakamana yuu lili kingi Saitone dokona karo pao Gera pena penge kata dorena dusa ingyuo yuu kingi Gasa doko singi. Yuu Sotoma silyamo dorena ingyuo kata pao Gomora Atama Sepoimi dusipana piso pao Lasa dokona lili piya.

Jenesese 11:32

Tera baa ee kana 205 nembo yuu Arane dokona karapala kumuya.

Jenesese 12:4

Aporame baa ee kana 75 nembo karapalayuu Arane yaki nyuo peya. Kamongo leyamuli pyuo Aporame sepala Lotepa role pyaopeyambi.

Jenesese 12:5

Banya etenge Saraimoo banya yangongena ikinyingi Lotemoo pinji bange peparaepe kendemande wambu lapo yuu Arane dokona baa role pyao kareyamidupwa opetaepe nyepala kata nyuo yuu Kenane panya peya.

Jenesese 14:12

Dopa pyuo nyepala Aporame yangongena ikinyingi Lote lenge Sotoma paleya dokona bange dupwa nyuo baa waiku nyuoko pipala peyami.

Jenesese 15:7

Dokopa Anatumi baa lamaiyuo lao, Namba Kamongo dokome emba Kalitia wambu yuu kingi Ua lenge dokona kareenepa kingi rekya lao yuu dake embena ingyaraŋa lao lanyuo epeyo.

Jenesese 24:10

Dokopa kendemande akali dokome banya kamongona mena kamele akalisa nyepala deeenda yapo nyakamirali bange dupwa nyuo pipala baa kata nyuo pao yuu Mesopotemiadokona yuu taone dokona akali Neo palenge dokona peya.

Jenesese 24:15

Baa loma soo otapa nayamopa Betyuelena wanenge Orepeka banya ipwa pee langena soo epeya. Orepekana rakange Betyuele lenge banya endangi Milika baa akali Neo nyingi. Neo baa Aporakamena yangonge ingyuo karenge doko.

Jenesese 27:43

Dokona lao, Anyi nambana pii kamba laa nao sipurapala yuku pao nambana pemalenge Lapane karamo yuu Arane dokona puu, leya.

Jenesese 28:10

Jekope yuu Biasipa yaki nyuo Arane dorena ingyuo pena peya.

2 Kiŋi 19:12

Nambana rora ambasu dupwame yuu taone Gosanepe yuu Arane dee Oresepe pyao kokwa siyami. Kokwa sepala yuu Betetene wambu yuu Telasa palenge dupwa pyao kumakayami. Dokopa nakamana mee bange kingimi wasisi anatuŋu lao lakandenge dupwana mendeme nyiso kyawa lete nyii nayami.

Niyamaya 9:7

Emba Kamongo Anatu, embame Aporame rombo palyii. Embame baa yuu Bapilone yuu kuki Ua doko yaki nyuo lanyuo pee. Papala embame banya kingi doko alowa pyuo Aporakame lee.

Jopo 1:17

Lamaiyamopa dee akali dokome lao kareyamo dokopa kendemande akali mendeko epapala lao, Kalitia akali dupwa liti rema ingyuo mokwa soo waiya lao epapala mena kamele dupwa minyarala nyepala kendemande akali dupwape peparae pyao kumakaminyi dokopa namba iki pyakao epo emba langyala epano, lamaiya.

Ipuru 11:8

Anatumi Aporakame dokona yuu maironya lao kaeyamo dokona pena leyamo dokona rape rape lao peya. Rangena rara yuupi yaki nyuo anja panya pelyo lao soo pakana palyapa nao Anatu kapa ingingi lao suu pyapala peya.