Jenesese 1:31 - Anatunya Buku Baepole Ole Testamene Pii Lapo dee Nuu Tesamene

³¹ Anatumi bange piyamo dupwa peparae ama keyange ingyuo peyasa kandeya. Kwuara yangara doo piyamo dokome yuu gii pakinyamange ingiya.

Jenesese 1:31 ပူးပေါင်းရင်းမြစ်များ

Jenesese 1:13

Kwuara yangara piya doko yuu gii repo ingiya.

Jenesese 1:19

Kwuara yangara piyamo doko yuu gii kisima ingiya.

Jenesese 1:23

Lapaladoo kwuara yangara piyamo doko yuu gii kingi paki ingiya.

Jenesese 1:5

Anatumi iminja nayamo doko kingi korakama lao iminjiyamo doko kingi kukwa lao piya. Kwuapala yangapeyamo doko yuu gii mendaki ingiya.

Jenesese 1:8

Anatumi ketae doko Yake lapala kwuara yangara piyamo doko yuu gii lapo ingyuo piya.

Jenesese 2:2

Yuu gii yanda ipingi epeyamo dokopa Anatu baa yulu piyamo dupwa pyuo otapala imambu soo peteya.

Jenesese 2:3

Anatumi yulu peparaepyuo waso nyepala yuu yanda ipingi dokopa imambu soo peteyamo dokona lao yuu gii doko yapasi ingyuo ketae pyambuo rombo palyiya.

Jopo 38:7

Yuu gii yangama dokopa bui dupwa kenane pyao nyuo malu palyiyaminyi dokopa yake panda karenge dupwa rae maiyuo pii porakaeyo ketae leyami.

Samu 104:24

Kamongo, embame bange malu mee soo kaeyo wasiipya. Apa pyuo mona palyakondali pipala wasiipi? lao suu pyao karo. Isa yuu dake embame wasiinyi dupwameko simbwaro silyamo.

Samu 104:28

Embame nenge rapa rapa pyuo mailini dokopa nakama nyuo nao sikya pingi.

Samu 104:31

Kamongona neta renge yulu doko sulu sinya. Kamongo banya bange wasiyamo dupwana lao rae maiyuo karenale.

Ekesetase 20:11

Yuu gii pakinyamange dusipana namba Kamongo dokome yakepe yuupi ipwa kotape dee dusipana bange peparae singipi dupwa wasiyu. Wasiyunupape yuu gii yanda ipingi dokona namba imambu soo peteyo. Renge dokona namba Kamongo dokome koro petenge yuu gii doko mupwa lao yapasi ingyuo sinya lao reteyo.

Ekelesiyastisi 3:11

Baame yulu peparae dupwana yuu gii angi rolae doko waso reteya. Retapala dokopa namwame rengya mende piraŋa lao soo nyimwali suu pingi doko Anatumi namwa keta palyakaya. Dopa piyamopape baame yulu pingi dupwana lapo namwame soo gisa narami lao piya.

Dutaronome 32:4

Kamongo baa nakamana kyawa minyuo iso karenge ama porai wakasa. Baame yulu peparae dupwana mende kyai pii nao rolae iki pingi. Nakamana Anatu baa alowa pii nao kinyi angi dokona palyuo karenge. Baame rolae ingyuo karo wambu peparae keta kapa kapa pingi.

1 Timoti 4:4

Bange Anatumi wasiyamo dupwana mende koo daa. Dokona mende yaki nyuo nembarama ingya nalyamo. Nenge dupwana lao Anatu kando sangyu lao nao kararama.

1 Timoti 4:5

Anatunya pii dokope dee ateŋa dokomepe banya lenge kambu dokona nenge dupwa poo pyasi ingyuo pelyamo.