Jenesese 1:1 - Anatunya Buku Baepole Ole Testamene Pii Lapo dee Nuu Tesamene

¹ Kanda soo dokopa Anatumi yake pandape isayuupi peparae pyuo ingiyamo dokopa

Jenesese 1:1 ပူးပေါင်းရင်းမြစ်များ

2 Kiŋi 19:15

Retapala ateŋa lao, O Kamongo Isaraele wambunya Anatu, lete bange papake karenge ketae embena kiŋi petenge isa dokona petenge. Emba Anatu mendaki iki. Emba yuu muu dupwana rara karenge dupwa peparae isingi. Embame yake yuupi dupwa pyuo wasii.

Niyamaya 9:6

Isaraele wambu dupwame ateŋa dake piyami. Kamongo doko embako iki Kamongo ingilyamo. Embame yakepe yakena buipi pyuo wasii. Embame yuupi ipwa kotape bange silyamo dupwa peparaepe embame pyuo wasii. Bange dupwa peparae embame letena renge maii. Aŋala yake panda karaminyi dupwame emba lao pangu soo lakandenge.

Jopo 38:4

Nambame yuu muu dupwa wasiyu dokopa emba dokona kareese? Dokona kando siinde ramo doko dopa pyuo lao kandee lao polo langipi.

Samu 104:24

Kamongo, embame bange malu mee soo kaeyo wasiipya. Apa pyuo mona palyakondali pipala wasiipi? lao suu pyao karo. Isa yuu dake embame wasiinyi dupwameko simbwaro silyamo.

Samu 104:30

Dopa pipinyipape embame porambaiye maipinyi dokopa lee rao karaminyi. Embame isa yuu dake letena renge enenge maingi.

Samu 115:15

Yake pandape isa yuupi pyuo wasiyamo Kamongo dokome nakama renge keyange jinyale.

Samu 121:2

Kamongo yake yuupi wasiyamo doko keta nambana nyisingi epara.

Samu 124:8

Namwa nyisara doko Kamongo yake yuupi wasiya doko keta epenge.

Samu 33:6

Yake doko Kamongo baame sinya lao lao wasiya. Neta kana buipi banya piimi sipureya.

Samu 33:9

Baame pii leyamo dokopayuu muu peparae ingiya. Dopa pyuo pena leyamopa bange peparae epo maro leya.

Samu 8:3

Nambame yake panda kandapu dokopa bui neta kanape nakamana yuu range karara lao wasiinyi dokona rao karapyamo kandelyo.

Samu 8:4

Wambu dupwa akinde dokona embame baa suupyale pyale karese? Dee wambu dupwa apimawana lao embame ketae pyambuo karese?

Samu 90:2

Yuu kyau dupwa wasapa nao karowape dee yuu muu peparae ingyalana karowape Anatu emba letena renge palyuo Anatu ingyuo karalu karengepya. Dokoko Anatu ingyuo karo puu parepya.

Samu 96:5

Wambu yuu liti wakale dupwa kingimi wasisi bange dupwa anatuŋu lao lakandenge. Dee Kamongo dokome yake pandape bange peparae silyamo dupwa wasiya.

Ekesetase 20:11

Yuu gii pakinyamange dusipana namba Kamongo dokome yakepe yuupi ipwa kotape dee dusipana bange peparae singipi dupwa wasiyu. Wasiyunupape yuu gii yanda ipingi dokona namba imambu soo peteyo. Renge dokona namba Kamongo dokome koro petenge yuu gii doko mupwa lao yapasi ingyuo sinya lao reteyo.

Ekesetase 31:18

Yuu Sainai kyau dokona Kamongome Mosese pii lamaiyuo otapala kana para dolapona baa rangeme mawa pii dupwa pyao palyapala maiya.

Ekelesiyastisi 12:1

Yuu giipi ee kanape emba rae mai nalyo larene dupwa epapa naramopa emba parange yuu gii lete palu karo dokopa baame emba wasiyamo dokona lao suu pyaro karape.

Aisaya 40:21

Emba see nangese? Emba yuu wamba langya nayamisi? Emba yuu doko apa pipala kanda siya lao see nangese?

Aisaya 40:26

Yake dokona kandalyuo kandape. Embame bui kandelene dupwa apimi wasiyase? Mende yanda singi ami ingyuo laminyuo penge dokome akipare karaminyi lao soo otenge dee bui mendaki mendaki lao kingi lenge. Banya porainya renge doko kamame andake wakasa dokome mendaki mendepe neta pyarepala paa nana lao singi.

Aisaya 40:28

Kamongo baa lete karo puu penge. Baame yuu muu peparae wasiya. Baa makame kumuo mende pii nara inginginde daa. Banya suu pingi dupwa mendemepe sakami nange. Doko nakama see nao soo nyii nao pingisi?

Aisaya 42:5

Anatu baame yake doko pyuo wasapala minyuo panguya. Baame isa yuu dake pyuo wasapala dokona lenge renge bange soo pelyamo dupwa pyuo wasiya. Baame wambu dupwa poporambaiye pyambuo lete renge maiyuo piya. Dokona lao dakepa Kamongo Anatu dokome banya kendemande akali doko lamaiyuo lao,

Aisaya 44:24

Namba Kamongo doko nakamana pyuo nyingi akali. Nambame iki nakama wasiyu. Nambameko Kamongo ingyuo karapala bange silyamo dupwa peparae wasiyu. Nambame iki yake doko nyuo pyasinju lanyi reteyo. Dopa pyuo isa yuu dake wasiyuŋu dokopape mendalimi namba nyiso kara nayako.

Aisaya 45:18

Kamongo dokome yake doko wasiya. Doko baa ikiko Anatu karamo. Baame yuu doko see nayamopa pyuo ingiya. Baame kandokondali pyuo wasapala sulu seraŋa lao piya. Baame yuu muiyane penda penda ingyuo mee soo paraŋa lao wasiyande daa. Yuu doko wambu paliramiŋi lao piya. Dopa pyuo wasiya dokome lao, Namba doko Kamongo. Dokona Anatu wakale mende kara nange lao letamo.

Aisaya 65:17

Kamongome dopa letamo. Nambame yake yuupi enenge ingyuo wasaronopa wambowana pingi dupwa dopale kandape panda dapale kandape lao suu pyaa narami, letamo.

Matyu 11:25

Yuu gii dokopa Yesumi dopa leya, Rakane yake pandape isa pandape dolapona Kamongo karene doko embame akali mora petenge dee kendepuli suu pingi palengepe dupwa keta nolaka napala wambu koole dupwa keta panelene dokona ange leto.

Make 13:19

Randa ama koo wambumi wamba kanda nange dopale epara. Anatumi yuu wasiyamo yuu gii dokona piso epo mange dakepape, dee yuu rakyamepe randa koo dopale pali nange doko pyaka sera.

APOSELENA YULU 14:15

Nakama akali dupwa apa pipyasa dopa pilyaminyi? Nambwa mee akali nakama dopale. Nakama mee bange kingi lao karaminyi dupwa yaki nyepala Anatu lete karalu karenge dokome baa yake doko pyuo waso yuu doko pyuo waso ipwa kotape dee dokona palenge dupwa pyuo waso piya. Wasiyamo dokoko mona kapu kyuo suu pyao karalapape lao waili pii keyange doko nakama langya epelyambano.

APOSELENA YULU 17:24

Anatu baa isa yuu dokope bange dokona silyamo dupwa peparaepe pyuo wasiyamo dokoko yake panda dokonape isa yuu dapwanape Kamongo ingyuo karamo dokome imambu anda akalimi piyami dupwana kara nange.

APOSELENA YULU 4:24

Lamaiyuo pakana palyiyami pii doko sepala nakamame mona mendaki palyapala pii ketae palyuo Anatu kando dopa pyuo lamaiyami. Kamongo Mupwa, embame yake yuupi ipwa kotape dee bange peparae dupwa opetaepe pyuo wasiipya.

Orome 11:36

Anatu baame bange peparae pyuo wasiya. Wasapala bange peparae banya kingi kapena pyuo wasisi dupwa banya ingyuo silyamo. Anatu baa neta renge ingyuo karalu karenale, doko kinyi.

1 Korina 8:6

Laraminyipape namwana Anatu mendaki doko iki Rakange. Baame bange peparae wasapala namwa pyuo ingiya. Dee namwana Kamongo mendaki doko iki Yesu Koraisa. Baame bange peparae wasapala namwa pyuo ingiya.

Epesasa 3:9

Anatu baa bange peparae wasiya dokome ama kai wamba mende piru lao suu pyapala yambe piya doko namba lao panaronopa wambu peparae serami.

Ipuru 1:10

Dee pii mende konda pyuo leya doko, Kamongo embame kanda soo dokopa yuu muu dupwa peparae wasii. Rangena kingi dokome yake doko wasiipya.

Ipuru 1:2

Epapu yuu gii repetale lumwa pira ingyapyamopa banya Ikinyingi keta pii langiya. Anatumi Ikinyingi keta yake yuupi wasapala karo dupwa peparae banyaŋa lapala baa maira ingilyamoko.

Ipuru 11:3

Anatu kapa ingingi lao suu pilyamano kata dokona Anatumi banya pii dokome yuu muu dupwa wasiya doko silyamano. Doko wambo dokopa mende see nayamopa enakana maro leya.

Ipuru 3:4

Dokona lao anda dupwa wambumi piminyi pisi karamo doko suu pyao Anatumi bange peparae wasiyamo silyamo.

2 Pita 3:5

Doko Anatunya pii neta epeyamo dokome yake yuupi ingyuo peyamo doko suu pyaa napala mee pii doko kandakinyuo lao kararami ingilyamo. Ipwa iki wambo siyamo dokona Anatumi leyamuli pyuo yuu doko pulyuo epeya.

1 Jone 1:1

Yuu wamba kanda soo dokopa mende paleyamo doko namwa siyama lenge dokome kandeyama kandapala kingi dokome minyandeyama doko letena renge pii angi dokona lao pepa pyao retelyamano.

Orepalaisane 10:6

Baame Anatu yake dorena bange silyamo dupwape yuu dokona bange paleta silyamo dupwape dee ipwa kota dokona silyamo dupwape wasapala kareyamoko karenge dokona kingi lao pii angi ingyuo lalu lao lao dopa lamaiyuo, Yuu gii dakepa otara ingilyamo, Anatumi dee isaro kara nara.

Orepalaisane 14:7

Baame Anatu epapu kote letamo dokona baa kando pakao lakandao karalapa leya. Yuu yakepe ipwa kotape dee ipwa guu lao pyakamenge dupwa wasiyamo doko baa kando ketae nembo mona kando pisipwape lao kyakale palyuo peya.

Orepalaisane 21:6

Baame namba kando dee kamba langyuo, Yulu doko pyuo kaeyalono. Namba yuu ingya ingya ingyuo karo pao lumwa pingi ingyuo karo. Mendalimi ipwa nara ramo doko baa lete palenge ipwa guu lao epenge dokona mee pakiki nena lao mairu leya.

Orepalaisane 22:13

Namba yuu ingya ingya ingyuo karo pao lumwa pingi ingyuo karo wambo dokona piso karo pao enakana dokona kararoko.

Orepalaisane 3:14

Aŋala Leotosia Elyambu Pingi wambu rapu pyuo karamo dokona dopa pyuo pepa pyao maipi. Mendeme Kinyinya Rengepe Anatunya pii rolae nembo lao kinyi doko iki lengepe Antunya wasiyamo dupwana renge kuiyuo kanda siyamo dokope baa dopa letamo.

Orepalaisane 4:11

Namwana Kamongo Anatu, nyilyingi yulu dupwa emba keta kapa nyerenepa embame bange peparae wasingi. Dokona namwa emba ketae pyambuo kapa lakandapenge ingilyamo. Embame bange peparae pyuo wasii. Emba rangeko suu piinyili pyuo pyuo ingyapala minyaro karene.