Jemesa 5:6 - Anatunya Buku Baepole Ole Testamene Pii Lapo dee Nuu Tesamene

⁶ Nakama dopa pyuo karo rolae pingi wambu dupwa kando kote lapala pyao kumakayami. Nakamame isingi mende laa nange.

Jemesa 5:6 ပူးပေါင်းရင်းမြစ်များ

Aisaya 53:7

Baa koo keta palyuo pyao lao randa maiyaminyipape kambu lumbuo pii mendepe laa napala koo nono ingyuo elya kalo randa nyiya. Mena sipisipinya ikyane pyalana lanyuo penge dokopa kae laa nao penge panda sipisipi mendena emanji pyaki pilyaminyipa sipisipi doko kae laa nao karenge doko suu pyao baa pii mende laa nao kareya.

Matyu 21:38

Dopa leyamopape ee kando kareyami akali dusipame ikinyingi doko kandapala nakama range lao, Wane dake rakangena moyange nyera ingilyamo doko epelyamo. Baa pyao kumakamanale, mwua. Rakange kumaramo moyange baa nyerali dupwa namwa nyerama, leyami.

Matyu 27:20

Purisi akali mupwa dupwape kamongo dupwapeme mee wambu dupwa nembo nembo pipala Barapasa mokwakao Yesu pyao kumakao pinya leyami.

Matyu 5:39

Dopa leyaminyiko doŋo nambame pii mende langilyu. Wambu koo mendeme emba randa jiya kande dokopa baa isingi pyaa nalapape. Wakena paki pyapeya kande dokopa baame dee pakirena pinya lao kapu kyelapape.

APOSELENA YULU 22:14

Dokopa baa dopa leya. Namwana rakange kyawa dupwame Anatu suu pyao kareyami doko banya suu pingi doko sepala Rolae Karenge doko kando banya pii kambunya laramo doko sereŋe lao emba rombo palyiya.

APOSELENA YULU 7:52

Anatunya poropeta akali dupwa kareyami dokona anjukunya mende nakamana rakange dupwame lekeleke rena lao laa nayamisi? Yulu rolae pingi akali doko epara lao wambo wai nembo kareyami dupwa nakamana rakange dupwame pyao kumakapa piyami. Enakana yulu rolae pingi doko epara leyami doko epeyamo dokopa nakamame mata kando lapala pyao kumakayamipya kande.

APOSELENA YULU 8:32

Anatunya pii pyasi palenge baa kando yaka lao peya doko dopa letamo. Mena sipisipi pyalana lanyuo penge dokopa kae laa nao penge, panda sipisipinya ikyane mendena emanji pyake pilyaminyipa ikyane doko kae laa nao karenge doko suu pyao baa pii mende laa nao kareya.

Ipuru 10:38

Baame nambana wambu rolo pasi dupwa namba kapa ingingi lao suu pyarami ramo doko lete parami. Dee lapome mata jerami dupwa nambame epekanda naroŋo, letamo.

Jemesa 2:6

Nakambame pendewa dupwa kilya kandelyaminyi. Dopa pyuo pilyaminyoko doŋo kamongo dupwame nakama keta mangena minyuo randa joo kote laa nalyamisi?

Jemesa 4:2

Mende aumi kumapala nyelana suu pyami doko nyii nalyamano akisa lapala range dokonako yanda pinya pilyaminyi. Dee kamonganyi panya lao suu pyapala mendeme kata pyakeparamo dokopa pyakando pilyaminyi. Nakama Anatu kando nyelana ateŋa lao piso see nayaminyisa keyange dupwa nakama keta pali nalyamo.

1 Pita 4:18

Dokona ingyuo buku Baepole dokona pii mende palamo. Doko Anatumi rolae pingi dupwa randa nawali lete wai pyao nyera ramo doko, wambu kamba lenge koo pingipi dupwa Anatu apa pyuo pyuo nyerase?