Jemesa 5:3 - Anatunya Buku Baepole Ole Testamene Pii Lapo dee Nuu Tesamene

³ Nakamana kana dupwa lulya relyamo. Lulya rasi dokome nakama kando pii lasara. Dopako pyuo lulya rasi dokome sipurapala isareme ingyuo nakama rasara. Yanengena bange malu palyuo reto karaminyipape yuu gii repetale lumwa pilyamo.

Jemesa 5:3 ပူးပေါင်းရင်းမြစ်များ

Jenesese 31:48

Dokopa Lapaneme lao, Kana malu palyisi dake nambwame pimbi lao pano sinya, leya. Dokona lao yuu doko kingi Galete lao silyamo.

Jenesese 31:52

Kana dolapo laparaeme mauwa piro kararamopa nambame nyuo yalo emba pyala epa naronopa embame dopako piri lao dokona ingyuo serelyambano.

Jenesese 49:1

Jekope banya wane dupwa epena lapala, Epo reperepe pyuo kararaminyipa nakama keta apa pyuo para lao langirowale.

Aisaya 2:2

Yuu gii mende pyaka sera ingilyamo dokopa tembole anda karamo yuu kyau dokome dokopa yuu kyau doloma nyuo isa palyuo sera ingyara. Seramo dokona yuu muu doloma mee kaeya nao ipwa ingyuo kulimbwanyi peeyo epo karalu kararami ingyara.

Jeremaya 19:9

Dokopa wambu yanda pimwai dupwame yuu taone doko nyuo sukusa palyapala wambu pyalena pirami. Pyaraminyi randa doko kamame kopetame wakasa ingyuo paramosa wambu angi yuu taone dokona pisirami dupwame yango mendeme mende pyao nao wane wanake dupwa range pyao nao pirami, leya.

Maeka 3:3

Nakamame nambana wambu dupwa pyao nao otelyaminyi. Nakamana yanenge dupwa rekya lao kuli dupwa roo pyao minju dupwa kunjo kalomo mena minju sanana yangalana pingi dopale ingyuo pilyaminyi.

Maeka 4:1

Yuu gii ene eparamo dupwana yuu kyau tembole misi anda karamo yuu doko kamame ketaele ingyuo sera. Seramo dokona wambu rara wakale malu mee dupwa epo kararami.

APOSELENA YULU 2:17

Anatu dopa letamo. Yuu gii lumwa piramo dokopa nambana Imambu wambu dupwa peparaena maralyinya lao mokwa soo mairu. Dokopa nakamana wanenge ikinyingipi dupwame nambana pii nolako larami. Nakamana wanyane akali dupwa pii repa repa pyuo kandarami. Nakamana alemo dupwa kombeya pirami.

Orome 2:5

Dopa pipyamopape nakamana mona kana pokwapala soo nyii nalyaminyi dokona Anatu koo dupwa epe nasepala rolo laramo yuu gii dokopa nakamame kamame koo ingyuo randa nyerami kata doko range wapuo karamisa pilyamo.

2 Timoti 2:17

Nakamame mana lamairami doko rete andake minjunya pipala ipwange nao isa ingyuo kulimbungi dopale. Aimeniasa Pailitasapa dolapo dokona mana lao karambinyi.

Josua 24:27

Retapala Josuame wambu dupwa lamaiyuo, Kamongome namwa pii langipyamo dupwa peparae kana dakeme sipyamosa namwame yuu peparae kana kandapala kana minyuo lalu lao lenge pii dokona lao suu pyarama. Suu pyapala kana dokome lasaka pili lao nakamame namwana Anatu baa kando kamba laa naramisa pira ingilyamo, leya.

2 Pita 3:3

Yuu repetale lumwa piramo gii dokopa akali lapo rangena suu pingi koo dokona minyuo londo epapala nakama kando giyalya giyana pyuo lao,

Orepalaisane 17:16

Nenge wanga akalisa kandelene dupwape dee mena koo dokomepe renga usale pamuku enda doko kando epe naserami. Epe nasepala banya komau dupwa pyao rokwanyi nembapala baa mee papara karena larami. Dopa pyuo pipala banya yanenge napala mee seramo dupwa isarena pyambwarami.

Orepalaisane 20:15

Wambu letena renge palenge buku dokona kingi pali nayamo dupwa isarena pyao nembeyami.

Orepalaisane 21:8

Dopa piramopape pakapala iki iki lao parami dupwape panga soo lenge dupwape yulu koona wangu lakapala pingipi wambu yango pyao kumakaengepe kepo pyuo pamuku yulu pingipi wambu yango mauli minyuo pingipi Anatu kaepala mee bange dupwana mona andengepe pii kyarepa pyuo kyambo pii lengepe dupwa nakamana yuu doko yuu kyuwande isare rao lulya kaso karenge dokona parami. Dokona papala dee kambako lapo pyuo kumarami leya.