Jemesa 5:11 - Anatunya Buku Baepole Ole Testamene Pii Lapo dee Nuu Tesamene

¹¹ Akali mona kumapala pyuo kareyami dupwa enakana rae maipala pengeŋe lenge kandale. Akali Jopo baa maka napalako pyuo kareya doko nakama peparae silyaminyi. Kamongo baame kondapala wambu sakame kumuo karenge dokome Jopo keta enakana mondo lanyi pyambuo maiya.

Jemesa 5:11 ပူးပေါင်းရင်းမြစ်များ

Niyamaya 9:17

Embena yulu piinyi dupwa nyuo kame sepala kamba leyami. Embame yulu pii napengele lapo pii kande dupwa kame sepala kamba leyami. Nakama kyaŋe soo karo akali mupwa mende Isipi dokona kapu kyuo wambu dupwa kendemande ingyuo karena lao dee lanyuo pena lao rangeme rombo palyiyami. Dopa piyamopape emba Anatu dokome nyuo kame singi. Emba ipyapala mona keyange palenge. Emba mona reto karenge. Emba waiya lao imbwa nange. Embena kondo sakange kumungi renge doko kamame andake. Embame nakama yaki nyii nange.

Niyamaya 9:31

Dopa piyamopape embena kondo sakame kumungi renge doko kamame wakasa ingiyasa nakama pyao kokwa soo koo keta palya nana lao yaki nyii naye. Emba ama sakame kumungi Anatu dokome ipyuo mona keyange palyuo dopa pyuo nyiso karenge.

Jopo 1:1

Yuu Ase dokona akali mende kingi Jopo lenge doko kareya. Karapala baa elyape ingyuo yuu peparae yulu rolae pyuo kareya. Dee akali doko Anatu pakale pakale lao lakando pyuo yulu koo dupwa wanjo kareya.

Jopo 1:2

Baame wane yanda ipingi nyepo dee wanake rema manjo pingi.

Jopo 2:10

Leyamopa Jopo baame lamaiyuo, Emba enda kyawa sisingi pali nao mee yanenge piinde lalyaneŋe. Bange keyange Anatumi jilyamo dokopa namwa mona kare kare nyingi kandale. Dee randa jilyamo dokopa akipamo mumu laramase? leya. Randa epo kareyamopape Jopome Anatu kando kuki pipalape pii koo mendepe nenge rako ipyuo laa naya.

Samu 103:13

Rakangeme banya ikinyingi kando yako yako lao anjiki pinginyili pyuo Kamongome wambu baa ketae pyambungi dupwa pipya anjiki pingi.

Samu 103:8

Kamongo doko baame sakame kumuo mona reto pingi. Baa waiya lao imbwa nao mona reto puupenge. Renge doko baa keta palyuo pyoko pyoko lenge.

Samu 116:5

Kamongo baa keyange renge palenge dokome sakame kumungi. Namwana Anatu dokome namwa mondo lao suu pyao karenge.

Samu 119:132

Embena mona retenge dupwa kando pingi dokosuu pyao namba lenge kambu joo sakame kumuo karape.

Samu 145:8

Kamongo doko baame mona reto sakame kumuo karenge. Waiya lao imbu singi nyii nao meemona reto puu penge.

Samu 37:37

Pii dake angi mende letamo lao selapape. Wambu rolae pingi dupwana kandapala mana nyelapape. Wambu mona sinya lao piso karo pingi dokona para pyaramo dupwa nakama pisirami ingyara.

Samu 51:1

Anatu yuu peparae kaeya nao mona reto puu penge dokona embame namba kando sakame kumuo karape. Embame namba sakame kumulini dokona nambanakoo dupwa kwuanyi nembakare.

Ekesetase 34:6

Dokopa Kamongome Mosesena lenge kambusa papala kee lao lao, Namba Kamongo doko Anatu kondome kumuo nyiso karenge. Dopa pyuo karo dokopa namba waiya lao imbwa nange. Dee namba yaki nyii nao mona retenge renge andake doko nakama keta palyingi.

Aisaya 63:7

Nambame Kamongona mona reto puu penge dokona lamairu. Nambame namwana lao yulu peparae pyakalyamo dokona lao banya kingi lakandaro. Banya mona retalu reto retenge rengepe sakame kumuo nyisingi rengepe dokome Isaraele wambu dupwa elyape keta piso nyisiya.

Aisaya 63:9

Doko aŋala mendeme nakama nyiso kyawa lete nyiyande daa. Kamongo baa rangeme nakama nyiso kyawa lete nyiya. Banya mona reto kondange renge dokome nakama kiiramo nyiya. Wamba dokopa baame nakama yuu peparae au pyuo rapu pyakamiya.

Daniele 9:9

Namwame emba kando koo pyuo mona kana poko mata jiyamanopape embame sakame kumuo kame sakame kumuo kame sakao karenge.

Joele 2:13

Nakamana komau doko mee langa kangwa napala nakamana mona anda angi kinyi kinyi kondalapape. Nakamana Kamongo Anatu keta kamba range kapu kyuo ipupwape. Anjiki pipala sakao pyuo nyingi renge doko baa keta simbwaro karenge. Baa waiya lao imbwa napala banya lalu lao lenge pii dupwa mee suu pyaro karalu karenge. Baame yuu peparae koo dupwa kame sepala randa maiya nange.

Jona 4:2

Dokopa Kamongo lao loma soo dopa leya. Namba ene anda yaki nyelana dokopa dake dopa piri lao laa nayope? lao Kamongo doko piso siya. Renge dokona namba kaepala yuu Tasisi dokona panya peyo, leya. Embame Anatu waa waa lao kondome wakasa kumungi doko namba siyu. Yuu peparae emba keta renge keyange dupwa ipyali lao enda akalipi dupwa anjiki pyuo mona reto karenge. Dee yuu peparae embena suu pingi alowa pyuo randa mairu lenge doko kaenge kandape leya.

Maeka 7:18

Kamongo emba yale anatu mende kara nalyaminyi. Embena wambu mee kumapa nao lete karaminyi dusipana koo dupwa nyuo kame sakamilini. Emba mee imbuo karalu kara napala embena mona retalu reto retenge renge doko namwa keta lasaka pingi.

Nambase 14:18

Namba Kamongo, doko waiya lao imbwa nao wambu dupwa ama mona reto yaki nyii nao koo pyuo mata jilyaminyipape kame sakamingi. Nakamana endangi rakangepe koo pingi dokona nambame ikinyipi wanengepe apusingi kauwangepe dupwa koo keta palyuo pyao randa mairu. Randa maiyuo nakamame para pyao wane manjo manjo paraminyi dupwa randa maiyuo piru, lee.

Matyu 10:22

Wambu peparaeme nambana kingi reke lao kararami dokona nakama awa narami. Dopa piraminyipape mendeme mee randako nao kaeya nao pyuo karo otaramo doko baa Anatumi nyiso pyuo nyera.

Luku 1:50

Wambu baa kando pako wambo kareyami dupwape enakana kararami dupwape baa sakame kumuo nyiso karenge.

Luku 11:10

Piso serami dupwa peparaeme kapa nyerami. Kotarami dupwame kando nyerami. Kambu dowa dokona kapa kapa pirami dupwana lao kambu lumbwakamira.

Luku 6:36

Nakamana Rakane dokome kondo nyiso karenge doko suu pyao nakamame dopako pyuo kondo nyiso karalapape.

Orome 2:4

Anatunya yulu keyange anjiki pyuo waiya lao randa jii nao pilyamo doko mee kuki lapala pilyamipi? Yulu elyape dokome Anatu nakama mona kapu kyuo karalale lao pilyamo doko soo kanda nalyamipi?

Epesasa 1:6

Anatumi mona keyange palyapala banya Ikinyingi mona retenge doko namwa mee jiya dokona lao banya kingi lakandamana.

Epesasa 2:4

Lara ingingi doko namwa yulu koo pipala dokopa kumasi ingyuo kareyamanopape Anatumi namwa ama sakapala mona reto kareyamo dokome namwa Koraisa keta lete wai pyao nyiya. Anatumi mona keyange palyuo ipyuo karenge dokome lete wai pyao nyiyapya.

Ipuru 10:39

Doko suu pyao namwa wambu kapu kyepala isa pelyaminyi dopale ingya nalyamano doŋo. Namwame Anatu kapa ingingi lao suu pyao karo letena kata pelyamano.

Ipuru 3:14

Namwa kanda soo Kurisene ingyapala dokopa waa waa karo piyama dokona palyuo pyuo puu parama ramo doko Koraisana dupwa namwa opetaenako ingyuo para.

Ipuru 3:6

Dopa piyamopape Koraisa baa Anatunya wambu dupwana kyawa nyuo iso kareya. Namwa kaeya napala Yesu epara lao mona kare kare kararama ramo doko Anatunya ree palu ingyuo kararama lyakande.

Jemesa 1:12

Mendeme randa eparamopa mee kalyinyi pyambuo kararamo doko baa rae maiyuo para. Baa keta makande pingi wakale wakale eparamopa mee kalyinyi pyambuo karara dokopa Anatumi baa mona retenge wambu dupwa keta kyakana renge mairu lalu lao leya doko nyera.

Jemesa 1:2

Yangonemoo, nakama keta makande pingi wakale wakale dupwame epo randa jiya kande dokopa rae maingi renge epelyamo lao suu pyalapape.

1 Pita 1:13

Suu pinginya luu pali napala isaro karalapape. Yesu Koraisa pano eparamopa renge keyange nakama keta paliramo dupwa suu pyale pyale pupwape.

1 Pita 3:14

Yulu rolaena reke lao yaso narenepape rae maiyuoko kareneŋe. Wambu yango kando mona nembo paka nalapape.

2 Pita 2:9

Kamongome dopa pyuo pingi dokona banya wambu yaso narami dokopa kapa moko nyera. Dee yulu koo pingi dupwa puu maipala Kote Lenge Yuu Gii dokona iso karena lara.