Jemesa 5:10 - Anatunya Buku Baepole Ole Testamene Pii Lapo dee Nuu Tesamene

¹⁰ Yangonemoo Kamongona kingi lenge poropeta akali dupwame yulu piyami dokona suu pyalapape. Nakama maka nao pyuo kareyami dokona makande minyuo pyuo karalapape.

Jemesa 5:10 ပူးပေါင်းရင်းမြစ်များ

Jeremaya 2:30

Nambame nakama mana langyuo pyalana pipunupape dokome nakama nyiso rola nalyamo. Nambame nakama kata rolae lasaka pyuo dopa pii dapa lao langi laa nalyaminyi. Mena laene gasimwa pokapala nenge nenge manjo pii lenge dopale ingyuo nakamame nakamana poropeta dupwa pyao kumuyami.

Jeremaya 23:22

Nakamame nambana suu pingi yalu pyuo silyamo dupwa simili doko nakamame nambana pii dupwa nyepala nambana wambu dupwa polo lamaikaraminyipa Satane yulu dupwa yaki nyuo kaeyo karo yulu koo pyuo karaminyi dupwa alowa pyuo kaeyamili.

Jeremaya 26:16

Leyamo dokopa lita akalipi wambu dupwapeme poropeta akalipi purisi dupwape kando lamaiyuo lao, Akali dakeme namwana Kamongo Anatunya kingi lao pii langipyaŋa. Baa pyao kumaka narama ingilyamo, leyami.

Luku 13:34

O Jerusaleme, Jerusaleme, Anatunya poropeta akali dupwa pyao kumwakao baa wambu nakama karaminyi dokona mapanyi peenge dupwa nyuo kaname pyao karenge. Kola endangimi ikyane dupwa papakeme nee pyuo arapunya palyingi doko suu pyao nambame yuu malu mee embena wane wanakepe dupwa nyuo arapunya sukusa palyapuli yaka lao suu pyapa piyu. Suu pyapa piyunupa daa lee.

Luku 6:23

Dopa piramo yuu gii dokopa rae maiyuo mona anda pyakalyuo pyao karalapape leto. Yake panda dokona bange angi kulisa nyerami lyakande. Nakamana rakange kyawa dupwame Anatunya poropeta akali dupwa dopako randa maipa pyuo pyuo kareyami.

APOSELENA YULU 3:21

Anatunya poropeta akali yapasi dupwame wambo nolako leyamuli pyuo baa yake panda dokona Anatumi bange peparae alowa pyuo enenge ingyuo wasaramo gii dokopa isaro karara ingilyamo.

APOSELENA YULU 7:52

Anatunya poropeta akali dupwa kareyami dokona anjukunya mende nakamana rakange dupwame lekeleke rena lao laa nayamisi? Yulu rolae pingi akali doko epara lao wambo wai nembo kareyami dupwa nakamana rakange dupwame pyao kumakapa piyami. Enakana yulu rolae pingi doko epara leyami doko epeyamo dokopa nakamame mata kando lapala pyao kumakayamipya kande.

Ipuru 13:7

Nakamana isingi akali dupwame wambu Anatunya pii doko langiyami doko suu pyalapape. Nakama apa pyuo karo kumuo peyami lao wambo dorena lambuo suu pyao Anatu kapa ingingi lao suu piyami kata dokonako pupwape.

Jemesa 4:11

Yangonemoo nakama yango sukusa dokona mata kando laa nalapape. Mendeme banya yangonge kando koo keyange lao pakana palyuo karara ramo doko Lowa mupwa dokona ingyuo kamba lapala mee isa nembarasa pira. Lowa dupwana koo keyange lao yapalya yapana pyuo lao karare ramo dokona Anatunya Lowa dupwa minya napala mee koo keyange lao yapalya yapana pyuo lenge akali ingyuo paresa pira.

Jemesa 5:13

Nakama dupwana mendeme randa nyiyami kande doko baa ateŋa lenale. Mendeme rae maiya kande doko baa misi kenane keyange dupwa pyao karenale.

Jemesa 5:7

Nambana yangonemoo Kamongo repeta eparalyamo doko suu pyapala maka nao pyuo karalapape. Ee wara pingi akali dupwa waingi wara pipala keyange dokonako manjo naro lapala panyi kanape apunda kanape maka nao iso kando karenge dokona suu pyalapape.

Jemesa 5:9

Randa nyepala dokopa wambu yango dupwa mata kando laa nalapape. Larami ramo range keta Anatumi kote palira. Kandalapa. Kote Soo Lenge akali anda kambu minyala epelyamo.