Jemesa 4:8 - Anatunya Buku Baepole Ole Testamene Pii Lapo dee Nuu Tesamene

⁸ Anatu karamo dokona repetale ipupwape. Dokopa baa nakama keta repetale epara. Nakama akali koo pingi dupwa nakamana kingi dupwa wate pipape. Nakama suu pingi lama mandenge dupwa monarena pyuo poo pyalapape.

Jemesa 4:8 ပူးပေါင်းရင်းမြစ်များ

Jenesese 18:23

Karapala Aporakame Kamongo kareyamo dokona repeta papala piso soo lao, Yulu koo pingi dupwapyao kokwa sinyi nembo dokopa keyange pingi mendasipa karaminyi dupwa role pyaonembare lyasili, leya.

Samu 145:18

Wambu dupwame baa keta kulisa palyuo kee letaminyi dupwa peparae keta baa repeta karamo.

Samu 24:4

Dokona akali mende yulu piramo dokopa koo pii nao suu pingi keyange palyuo bange kingimi wasisi dupwa lakanda nao kyambo lao kana minya nao pira.

Samu 51:10

O Anatu, mona au pisi sinya laowasakare. Dee imambu enenge emba keta yaki nyii nao yulu pingi doko namba keta jereko.

Samu 73:13

Namba mondo lao waso karo mona yapasi silyamo dee nambana kingi dokome koo mende pii nalyo. Doko mee ingyuo parase?

Samu 73:28

Dopa pyuo karena lao namba range doko Anatu embapa lungwa lungwa pyuo kararo doko keyange lao soo nyuo karo. Kamongo Mupwa Andake Wakasa namba kyawa minyaramopa banya yulu pilyamo dupwa polo lao kararo.

Aisaya 58:2

Nakamame namba yuu peparae kingi wapambupi lakao kingi letaminyi. Lapala lao nakamame nambana yulu dupwa soo wangu lakao nambana mawa pii rape rape lao rolae dokona palyuo pimwali lao letaminyi. Lapala nambame nakama mawa pii rolae dupwa jipiliŋi lao namba rae maiyuo lakandelyamano, letaminyi.

Isikiolo 18:31

Nakamana koo doo pyuo karaminyi dupwa mata maiyuo kaeyalapa. Kaepala suu pingi enenge palyuo mona alowa pyuo pipwape. Nakama Isaraele wambu dupwa akipamo kyawa kana palyapala kumalana karamipi?

Malakae 3:7

Wamba nakamana wambu rora ambasu dupwame nambana lowa dupwana mata maipala minyuo pyuo kara nalyaminyi dopaleko ingyuo nakama pilyaminy. Kamongo Porai Wakasa dokome lao, Nakama dopa pilyaminyi doko kaepala namba karo dokona kapu kyuo ipupwape. Dokopa namba nakama karaminyi dokona kapu kyuo eparo, leya. Nakamame piso soo, Namwame aki mende pipala emba karene dokona kapu kyuo eparamase? letaminyi.

Matyu 12:33

Isa keyange dokome jingi keyangeko lyeramopa isa koo dokome range jingi koowako lyera ingilyamo. Doko suu pyao jingi dupwa kandapala dokopa isa doko apiyakale lao rolo singi kandale.

Matyu 15:2

Rakange kyawa dupwame piyaminyili pyuo pyuo karamano doko akipamo embena disaepole dupwa kaepala dopa pii nalyamisi? Nakama nenge nalana dokopa kingi wate pii napala nenge kandale, leyami.

Matyu 27:24

Pailateme namba pii lao karapu doko soo nyaka napala kilyipu kilyipu karalana pilyaminyi lao kandapala ipwa nyepala wambu malu rukuraka pyuo kareyaminyi dupwana lenge kambu dokona banya kingi doko wate piya. Wate pyuo karo dokopa, Akali dakena ranjama doko namba keta pali nana. Nakama range keta palena lao kando nyelapape, leya.

APOSELENA YULU 15:9

Baame namwa kamame mendepale inginyi pyambuo suu pyao nakama mee mende ingyuo suu pyao piyande daa. Nakamame Yesu kapa ingingi lao suu piyamisa monarena koo dupwa pyuo poo pyao nyakamiya.

2 Korina 7:1

Yangonemoo Anatumi kinyi lalu lao leyamo renge keyange dupwa peparae namwa keta palamo. Dokona yulu mendeme namwana yongope imambupi karo pisinyi pyambungi doko rekya lao liti pimana. Yulu poo pyasi iki moko minyuo pyuo karo Anatu pako karo baa yeelyo poraiyuo suu pyao karamanale.

1 Timoti 2:8

Anatu iki suu pingi dupwa imbuo apiyanda pyuo lao kara napala yuu muu dupwana peparae ateŋa lao karamili lao suu pilyu.

Ipuru 10:22

Dokona lao suu pingi lamana palya nao Anatu baame namwa kapa nyera doko soo gisapala karo mona anda yapasi dokome koo mende range keta pali nalyamo doko monarena pyapi pyuo soo kaepala ipwa yapasi dokome yongo wate pipala Anatu dokona repe repe pyuo monale.

Ipuru 7:19

Mosesena Lowa dokome wambu mendali rolae inginyi pyambwa naya. Pyambwa nayamopape Koraisa keta kapa paramo doko soo nyepala Anatupa repe repe pyuo epo karamano.

Jemesa 1:8

Baa suu pingi lamana palyuo kyakao paenge akali dopale ingyuo karamo.

Jemesa 3:17

Anatu keta suu pingi epelyamo doko keyange yapasi. Doko soo nyerami dupwame yango dupwa mona mendare palyapala mendali kando anjiki pyuo yako lao mendali sakao karo yulu keyange pyuo kararami. Yanengena suu pyao yapalya yapana pyuo mee kambunya ketae Kurisene ingili lao kara narami.

1 Pita 1:22

Nakama pii kinyi doko moko minyuo papala yulu koo dupwa kaeyapala Anatunya Imambunya yulu rolae pilyaminyi dokona Kurisene yango dupwa mona angi reto karalapape.

1 Pita 3:21

Ipwa andake doko bapitisimo yulu dokona ingyuo wambo kongwalu piya. Bapitisimo nyilyamano doko mee yongona karo petenge dupwa wate pyuo lete pelyamasa pii nange. Bapitisimo nyuo dokopa nakama pii mende lalu lao lenge doko moko minyuo kaeya naro lao suu pyapala lete dokona pelyamasa pingi. Yesu Koraisa baa sipurao lete peyamo dokona ingyuo lete paramasa pira.

1 Jone 3:3

Wambu mendeme Yesu kandapuli lao suu pyara ramo suu pingi doko monarename range pyuo poo pyarasa pira. Yesu poo pyasi karenge doko suu pyao poo pyasi kararasa pira.

1 Samyuele 14:35

Dokopa Sole baame kana pyare mende Kamongona lao lakamiya. Doo kana pyare leyamo doko Sole baame kanda soo ingyuo piya.