Jasi 8:26 - Anatunya Buku Baepole Ole Testamene Pii Lapo dee Nuu Tesamene

²⁶ Golome wasisi kalena uriŋi Gitioneme nyiyamo dupwa kilokerame akalisa lama ingiya. Dee Mitiane kiŋi dupwana molape kalya pingi bangepe komau muku lapo wapungi dupwape mena kamele mange dokona kalya pingi dupwape opetae nyepala uriŋi role pyao makande pyuo sikyali pii nayami.

Jasi 8:26 ပူးပေါင်းရင်းမြစ်များ

Poropepe 31:22

Baame yapo nao palenge komau dupwa waso dee komau muku keyange elyoko kumapala dokome komau waso wapungi.

Luku 16:19

Akali bange malu retenge mende kareya dokopa komau konepe komau keyange wakasape pee pyuo yuu peparae nenge keyange malu nao pyuo kareya.

Jone 19:2

Dokopa yanda singi dupwame nepereke lapome minyuo kamenyongwapala lengyapu pipala banya kyawa dokona pee pyakamipala baa komau konele mende bolembale lakamiyami.

Jone 19:5

Dokopa Yesu nepereke lengyapu pisi pee piro karo komau konele bolembale laro karo piyamopa kamanda epeya. Pailateme nakama lamaiyuo, Akali laminyi doko dake, leya.

Orepalaisane 17:4

Enda doko baa komau kone rara lama piya. Komau doko kana golo wakale wakale kana kalya pisi mola kareta dokona kana malu penge dopale wasiyaminde wapwaro peteya. Banya kingi raka dokona kana golo kapo dokona banya yulu koo karo petenge dupwame simbwaro siyamopa minyaro peteya.

Orepalaisane 18:12

Nakamana kana golo dee kulingipi kana malu penge mola kare kare bange keyange wakasape dupwa, dee ropo pyaramande daalyamo leyami. Komau keyange rara wakale wakale dupwape isa keyangepe kapa kyarasi mee kapape mena elepande nenge dupwape kana keyangepe dupwame nyepala bange keyange wasiyami dupwape

Orepalaisane 18:16

Nakamame lao, Taone andake doko randa koo nyilyamo kanda nalyamisi? Baa komau keyange rara wakale dupwa wapuo kana golope kulingipi dee mola kana mone malu pengepe pee pipala peteya kanda.

Jasi 8:21

Dokopa akali Sipa Salemunapame Gitione lamaiyuo, Akalinya yulu doko akali baa rangemeko pingiŋi dokona emba rangeme nambwa pyao kumakana leyambi. Dokona lao Gitioneme nakamba pyao kumakapala dokopa mena kamele dolapona mange dokona kalya pingi bange singi dupwa roko nyiya.

Jasi 8:25

Leyamo dokopa wambu dupwame isingi lao, Namwame dupwa rae maiyuo emba jerama, leyami. Lapala komau mende yuu dokona pee lao kwuapala nakamame kalena uriŋi nyiyaminyi dupwa reteyami.

Jasi 8:27

Gitioneme golo dupwame anatuŋu lao mende wasapala banya yuu range taone Opera lenge dokona pisiya. Isaraele wambu peparae Anatu angi doko kame sepala bangeme wasisi anatuŋu lao lakandala peyami. Dopa piyamo dokona Gitione baa dee banya ree palu wambu dupwa pipya konena nyuo pyamalyiyasa piya.