Jasi 8:24 - Anatunya Buku Baepole Ole Testamene Pii Lapo dee Nuu Tesamene

²⁴ Lapala baame lao, Nambame pii mende nakama keta piso serowale. Doko nakamame wambu pyapala kalena palyingi bange uriŋi nyiyaminyi dupwa namba jepape, leya. Mitiane wambu dupwa Isimaelena rara dokona karenge dupwa nakambana kalena uriŋi palyingi.

Jasi 8:24 ပူးပေါင်းရင်းမြစ်များ

Jenesese 24:22

Mena kamele dupwa ipwa napeyami dokopa akali dokome kana golome wasisi uriŋi mende nyuo wanakena gyaa isakuli ingyuopalyakamyuo dee kisambu golome wasisi lama banya kingi dolapona pisakamyuo piya.

Jenesese 24:53

Dokopa kendemande akali dokome yanengena kalya pingi bange kana golope kulingipimi wasisipi komau keyangepe dupwa nyepala Orepeka maiyuo dee endangipemalengepe kamame kana malu penge bange dupwa maiyuoko piya.

Jenesese 25:12

Dasipa Serana kendemande enda yuu Isipi range Eka dokome Aporakame nyepala ikinyingi Isimaele manjakamiya dokome para pyao mandeyamo dusipana kingi palamo.

Jenesese 25:13

Kingi dasipa Isimaele ikinyingi wambo enakaope mandeyamuli pyuo pyasi palamo. Mupwa Nepayote dee Keta Apitili Mipasame

Jenesese 35:4

Dokopa pyarepa kanape dee uriŋi kalena palyingi dupwa nyuo Jekope maiyaminyi dokopa baame nyuo Sikeme repeta isa oke dokona rengesa malu piya.

Jenesese 37:25

Dopa pipala nenge nao piso kandeyami dokopa Isimaelena rara akali lapo yuu Giliate dorena piso epo Isipi panya nakamana mena kamele dupwana isa roo keyange dee mamba rendamu pingi lapope retapala manjo epeyami.

Jenesese 37:28

Leyaminyipa Mitiane akali bange ropo pyao paenge lapo repeta epeyami dokopa Josepe yuwalena paleya doko pulyuo nyepala kana kulingi akalisa lama jinya lapala Isimaele akali Isipi panya epeyami dusipa ropo pyao nyuo maiyami.

Ekesetase 12:35

Isaraele wambumi Moseseme pinya leyamuli pyuo Isipi wambu dupwame bange kana golomepe kana kulingimipi wasisi dupwape komau wasisi dupwape jinya lao piso siyami.

Ekesetase 32:3

Dokopa wambu peparaeme kana golome kalena pingi bange dupwa nyisa nyepala minyuo epo Erone maiyami.

Ekesetase 32:4

Dokopa baame kana golo kalena pingi dupwa nyepala kiso lili lao ipwa ingiya. Ingiyamopa yuwale mena bulamakao dopale ingyuo apu rao reteyaminyi dokona golo ipwange doko kulimbwanyi pyambuya. Pyambuyamopa golo dokome bulamakao ikyane wasiya. Dokopa wambu dupwame lao, Isaraele dupwa dake namwana anatu yuu Isipi yaki nyuo lanyuo epeyamo dokoŋo, leyami.

Ekesetase 32:8

Dopa lao, Nambame nakama mawa pii lamaipala moko minyuo pinya leyono doko yaki nyuo otami. Dopa pipala nakama kana golo kiso lili lapala mena bulamakao mende wasami. Wasapala doko lakando mena pyao kiso maimi. Maipala nakamame lao, Dake namwana anatu namwa yuu Isipi yaki nyuo lanyuo epeyamo dokoŋo, lami.

Jasi 8:25

Leyamo dokopa wambu dupwame isingi lao, Namwame dupwa rae maiyuo emba jerama, leyami. Lapala komau mende yuu dokona pee lao kwuapala nakamame kalena uriŋi nyiyaminyi dupwa reteyami.