Jasi 6:34 - Anatunya Buku Baepole Ole Testamene Pii Lapo dee Nuu Tesamene

³⁴ Kamongona imambu dokome Gitione baa keta maralyiyamo dokopa baame bikuli poo lao Apisana rara dupwa baa moko minyuo epena leya.

Jasi 6:34 ပူးပေါင်းရင်းမြစ်များ

Samu 51:11

Namba embena arapu dokona pyao neta nemba nao embena Imambu Poo Pyasi namba keta rekya lao nyuo pii nare.

Orome 13:14

Kamongo Yesu Koraisana yanda pingi bange dupwa nyepala nakamana yanengena nyakamipuli lao suu pingi dokona pii sakami nalapape.

Galasia 3:27

Nakamame bapitisimo nyepala Yesunya arapunya karo Koraisa lete karenge doko nakama keta nyuo maralyiyami kande.

Jasi 13:25

Baa yuu Jora dee Esataolepana kanya dokona akali Danena rara wambu paleyaminyi dokona kareyamo dokopa Kamongona Imambu dokome baa kanda soo arombanyi nembeya.

Jasi 14:19

Lamaiyamo dokopa Kamongona Imambu dokome Samasone baa porainyi pyambuya. Pyambuyamo dokopa baa yuu Asekelone dokona lano papala akali akalisa rema pyao kumakaya. Kumakapala nakamana komau keyange dupwa roko nyepala akali wambo banya pii leyamo dokona yano pyao leyami dupwa maiya. Maipala Samasone baa imbumi kumuo yuu doko yaki nyuo kaepala kapu kyuo rakangena anda peya.

Jasi 15:14

Baa yuu Liya dokona epeyamo dokopa Pilisitia wambu dupwame pii poraiyuo lao kando nyela epeyami. Dokopa Kamongona Imambu dokome baa porainyi pyambuyamopa banya kingi dokona puu piyaminyi dupwa isareme rasi ingyuo roko isa peya.

Jasi 6:11

Dokopa Kamongona aŋala mende yuu kingi Opora lenge dokona epeya. Epapala akali Apisasena rara dokona akali Joase lengena yuu dokona epo banya isa oke renge dokona peteya. Mitiane akali dupwame kanda naramiŋi lao Joasena ikinyingi Gitione doko waene kingingi dokona witi jingi dupwa pyao inju baa yalu pyuo kareya.

Jasi 8:2

Dopa leyaminyipape baame isingi lao, Nambame mende piyunu doko nakambana piminyi dokopa kapa pyuo manda manja nalyamo. Nakama Eporaimena akali dupwame kamame kuki mende piminyi dupwame nambana akali rara peparaeme pimwa dupwa kuki koole ingyuo nyuo isa palyilyamo.

1 Samyuele 10:6

Nakama rae maiyuo pii poraiyuo lao wamya lyuo eparami. Imambu dokome emba maralyapala minyuo yulu piramosa emba dokona konda pipala nakama yulu pinginyili pyuo kenane pyao pii poraiyuo lao rae maiyuo wamya lyuo karo emba alowa pipala enenge ingyare.

1 Samyuele 11:6

Pii dupwa Sole baa siyamo dokopa Anatunya Imambu dokome baa keta epo yulu piyasa baa ama wakasa imbwaya.

1 Samyuele 13:3

Dokopa Jonataneme yuu Gepa dokona Pilisitia yanda singi mupwa doko pyao kumakaya. Doko Pilisitia wambu dupwame siyami. Dokopa Soleme wai minyingi akali lapo Ipuru wambu dupwame yuu muu peparaena bikuli poo lao yanda pela epena lao kee lala pena lao nembeya.

1 Samyuele 16:14

Kamongona Imambu dokome Sole yaki nyiya. Imambu koo dokome Sole keta randa maiyuo Kamongome pena lao mapanyi nembeya.