Jasi 6:13 - Anatunya Buku Baepole Ole Testamene Pii Lapo dee Nuu Tesamene

¹³ Dokopa Gitioneme baa lamaiyuo, Namba pii mende piso sipuli leto. Kamongo doko namwa keta role pyao karara ramo doko akipamo yulu dupwa namwa keta pilyase? Yulu ama keyange wakasa Kamongo dokome pingi dupwa apa pilyase? Baame yuu Isipi dokona piso nyuo lanyuo epeyamo doko namwana rakane dupwame dopa pyuo epeyama lao langiyami. Kamongo dokome namwa kame soo kaepala Mitiane wambu dupwa keta yaki nyuo pyambuya.

Jasi 6:13 ပူးပေါင်းရင်းမြစ်များ

Jenesese 25:22

Wane lama enda banya ingi anda piso pyakandili leyambisa enda baa, Dopa pyuo pyamo akipamo lete petose? lapala Kamongo dokona piso sela peya.

Samu 27:9

Nambapa lao yalu pii napipi. Nambapa imbwa napipi. Embena kendemande kala pena laa napipi. O Anatu, nambana pyuo nyingi doko embame namba nyiso karapi kandapi dokona namba kyawa yaki nyuo kaeya napipi.

Samu 89:49

Kamongo embame baa mona retalu reto reteene doko anja peyape? Embena lalu lao lenge pii Dapitipa leyambinyi dupwa anja silyase?

Aisaya 41:17

Nambana wambu dupwa bange ipwape yano pyaramopa nanapala ipwa kotarami dokopape nakamana pendoko oo laramo ipwa nanarami dokopape namba Kamongo dokome nakamana ateŋa doko isingi yano pyakamiru. Namba Isaraele wambunya Anatu dokome nakama kame soo yaki nyii naro.

Aisaya 63:11

Dopa piyamosa wambana Kamongona kendemande Mosese kareyamo doko suu pyapala piso soo lao, Wamba Isaraele wambunya Kamongo dokome Isaraele wambunya lita dupwa kota pete dokona kyawa lete nyisiyamo doko epapu anja karase? leyami. Akali Mosese keta banya Imambu Poo Pyasi maiyamo Kamongo doko epapu anja karase? leyami.

Aisaya 63:15

Kamongo embena yake panda poo pyasi neta renge yuu dokona palyuo karene dokona karo namwa kandanyi peyo kandape. Embena namwa poraiyuo suu pingi doko anja silyase? Embena porai renge doko anja silyase? Embame namwa mona reto kondange renge doko anja silyase? Namwa pipya kandele kanda nale laa napipi.

Orome 8:31

Dopa pyuo silyamo dokona apa laramase? Anatumi namwa tee lapala karara ramo api mendeme namwa randa jerase?

Dutaronome 31:17

Dopa piraminyi dokopa nambame nakama kando imbwuapala kyawa yaki nyuo kaeyaronosa koo keta palyuo kwaeyo parami. Randa wakale wakale dupwa epo nakama keta paliramopa nakanjo sepala dokopa namba nakamana Anatu nakama pipya kara nalyane dokona randa nyilyamano lao soo nyerami.

Jasi 6:1

Isaraele wambu dupwame dee kamba Kamongo kando koo piyami. Piyaminyisa Kamongo dokome ee kana yanda ipingi dusipana Mitiane wambu dupwame nakama iso rapu pyuo karena kaeya.

Jasi 6:12

Kareyamo dokona Kamongona aŋala doko papala baa dopa lamaiyuo lao, Emba akali paka nao dee porai wakasa ingyuo karenge. Kamongo emba keta karamo, leya.