Jasi 5:31 - Anatunya Buku Baepole Ole Testamene Pii Lapo dee Nuu Tesamene

³¹ O Kamongo, embena nyisu petenge dupwa dopale ingyuo kumunya. Dopa piraminyipape embena puu minyingi dupwa neta potemo epo rao karenge doko suu pyao karena. Dee yuu palu kareyami dokona ee kana akalisa kisima dusipana manda rengepe mona kyuu lao singi rengepe siya.

Jasi 5:31 ပူးပေါင်းရင်းမြစ်များ

2 Samyuele 18:31

Dokopa Itiopia kendemande akali doko epapala kiŋi doko lamaiyuo lao, Emba kiŋi andake doko, nambame wai pii keyange mende minyakao ipu. Epapu Kamongo dokome wambu emba kando pimwaiyuo nyuo isa palyalana kareyami dupwa isa palyuo anamasi minyakapya, leya.

2 Samyuele 18:32

Dokopa kiŋi dokome piso soo lao, Akali parange Epesalome kapa lete karase? leya. Dokopa Itiopia kendemande akali dokome isingi lao, Kamongo, baa keta mende pipyamo doko embena nyisu petenge dupwape dee emba mata joo penge dupwape peparae keta pipyali yaka lao suu pilyu, leya.

2 Samyuele 23:4

wamba yangama kopa yake dokona see nalyamopa neta iki rao karenge dopale ingilyamo. Dee baa apunda epo sokwa pelyamopa netame isako dupwa leya leya pinyi pyambungi dopale ingilyamo.

Samu 19:6

Yake pinjingi pakirena kanda sepala pao pinjingi paki dokona oko singi. Kama ketae piso rao karelyamopa bange mendemepe kapa nee pii nange.

Samu 37:6

Baame embena yulu rolae dupwa nyepala korakama neta renge dopale ingyuo rao eŋa nembakaramo karare.

Samu 89:36

Yuu peparae banya para pyao pyaramo dupwa rembe naa naramopa banya kiŋi yulu doko nambana lenge kambu dokona neta rao karamo dopale ingyuo soo puu para.

Samu 89:37

Dopako pyuo kana doko yake dokona rao karalu karengeŋe lao panenge doko suu pyao banya isingi yulu doko pano sera.

Samu 91:14

Anatumi lao dokopa nambame namba mona retarami dupwa nyiso dee namba Kamongo doko karene lao soo karaminyi dupwa kyawa lete nyero, letamo.

Ekesetase 20:6

Dopa pirunupape wambu malu mee namba mona retapala nambana mawa pii dusipa minyaro kararaminyi dupwa nambame mona retalu reto retenge.

Osia 6:3

Dokopa Kamongo baa soo nyimwali lao suu pyao karamana. Dokona lao baa yuu rombe lao apunda epenge yuu gii dokopa epapala kaenge dee yuu yangenge gii dokopa yangapala kaenge doko suu pyao baa epapala kaeyara doko silyamano.

Matyu 13:43

Dokopa rolae pingi wambu dupwame nakamana Rakangena isingi panda sukusa dokona karo neta doko rao karenge doko suu pyao yanga paupau lao kararami. Mendeme kale kata singi ramo dokome pii dake selapape.

Orome 8:28

Yuu peparae Anatu baa mona retenge wambu dupwa pipya yulu dupwana peparae keyange inginyi pyambuo pingi doko silyamano. Nakama banya yulu pirami lao kyakale leyamo wambu dupwa pipya dopa pyuo pingi.

1 Korina 8:3

Dopa pilyamo dokona mendeme Anatu mona retelyamo doko Anatu baa silyamo.

Epesasa 6:24

Namwana Kamongo Yesu Koraisa dokona yaki nyii nao mona reto karaminyi wambu keta Anatunya mona palyuo ipingi renge doko palenale lao leto.

Dutaronome 6:5

Nakamana monape nakamana imambupi nakamana porainya rengepe dupwa peparaeme nakamana Kamongo Anatu doko mona retalapape.

Dutaronome 7:9

Nakamana Kamongo Anatu doko baa iki Anatu. Baame nakama yaki nyii nange. Doko suu pyao karalapape. Wambu para pyasi taosande mendaki (1,000) paraminyi dupwana lapome baa mona retapala banya mawa pii dupwa warombo soo minyuo pyuo kararami dupwa keta banya mona reto karalu karenge renge doko lasaka pyuo banya kana minyuo lalu lao lenge pii doko yaki nyii nao minyaro karara.

Jemesa 1:12

Mendeme randa eparamopa mee kalyinyi pyambuo kararamo doko baa rae maiyuo para. Baa keta makande pingi wakale wakale eparamopa mee kalyinyi pyambuo karara dokopa Anatumi baa mona retenge wambu dupwa keta kyakana renge mairu lalu lao leya doko nyera.

Jemesa 2:5

Yangonemoo selapape. Anatumi isa yuunya pendewa dupwa yapo nyepala baa kapa ingingi lao suu pingi yulu doko nakama keta andanyi pyambwakamira. Banya isingi panda doko mona jerami dupwana ingyara lao kaeya dokona nyerami ingilyamo nakamana ingyara.

1 Pita 1:8

Nakama Anatu kanda nayaminyipape mona reto karaminyi. Baa dakepa nee pipyamopa karamo doŋo baa kapa ingingi lao suu pilyaminyi. Nakama dopa pyuo karo monarena rae maingi dokome palyuo pyokondepa pyaramopa dokona kambunya piimi kapa lapa narami.

Orepalaisane 1:16

Banya kingi rolae dokome bui yanda ipingi nyepo minyapala kambu dokona wua gela paki pakipi nenge karenge doko minyaro kareya. Banya lenge kambu doko andowai korakamana neta andake renge dopale ingyuo peya.

Orepalaisane 18:20

Enda baa koo keta palu palyuo para dokona lao yake doko emba rae maipi. Dopako pyuo Anatunya wambupi dee aposele poropeta akalipi peparae enda baame nakama kando koo pyuo karapya dokona Anatumi baa kando pyao kokwa silyamo dokona rae maiyalapape leya.

Orepalaisane 6:10

Nakama pii kyakale rekyae koo lao lapala dopa leyami. Rolo Pingi Porakai Poo Pyasi Kamongo, embame yuu gii akipare epo paparamopa wambu namwa pyao kumakayami dupwa kote lao randa mairiŋi lao iso kararese? leyami.