Jasi 5:20 - Anatunya Buku Baepole Ole Testamene Pii Lapo dee Nuu Tesamene

²⁰ Bui dupwa yake dokona pyakando pyuo oko soo peyami. Dopa pyuo peyaminyi dokopa nakama Sisirapa yanda pimwai ingyuo piyami.

Jasi 5:20 ပူးပေါင်းရင်းမြစ်များ

2 Samyuele 18:8

Yuu muu kipwa kipwa dokona yanda doko pyuo andakyapala akali yandana kumuyaminyipape daa mee lapo kamame wakasa ingyuo imwa dokona kumuo peyami.

Josua 10:10

Amote wambu dupwame Isaraele yanda singi dupwa epeyaminyi kandeyaminyi dokopa Kamongome nakama pakanyi pyambuya. Pyambuyamo dokopa Isaraele wambu dupwame Amote wambu yuu Gipione dokona pyapala yuu Beterome kyau kata kuki mendena pyao lano ralinyi nembeyami. Ralinyi nembo pao yuu Aseka dee Maketa yuu donorena singi dokona pyambuyami.

Josua 10:11

Isaraele wambu dupwame peteta peyaminyi dokopa Amote wambu dupwa lano makando peyaminyipa Kamongome yake dokona piso randake kapa isa peyapala wambu malumee pyao kumakaya. Isaraele wambu dupwame wambu pyao kumakayaminyipape randake kapame kamame wakasa pyao kumakaya.

Josua 10:12

Kamongo dokome Isaraele akali dupwa nyisiyamopa Amote akali dupwa pyao wini piyami. Yuu gii dokopa Josuame Kamongo pii lamaiya. Baame Isaraele wambunya lenge kambu dokona dopa leya. Neta, yuu Gipione kanda kanda dokona mee rao kara. Kana, yuu Ainjalone rapu dorena kanda kanda mee rao kara.

Jasi 4:15

Dokopa akali Bereke banya yanda singi akali dupwa pipya epeyaminyipa Kamongo mende piyamo dokona Sisiramoo banya yanda singi dupwape dee banya mena oseme ipyuo penge uliuli dupwape minyuo pyasapala mona nembo apa piramape lao see nayami. Dokopa Sisira baa mena oseme ipyuo penge uliuli dokona peteyamo doko yaki nyepala baa ralo peya.

Jasi 5:21

Ipwa Kisone lenge doko palipala nakama peparae soo peya. Dokona namba porai ingyuo karo kimbu pyao piso paro.

1 Samyuele 7:10

Samyueleme baa mena sipisipi yakane doko pyao kiso maiyuo paleyamo dokopa Pilisitia wambu dupwa oo repe kura lapala pyala epeyami. Pyala epeyaminyi yuu gii dokopa Kamongo dokome yake dokona piso nakama keta pimwaiyuo yuu gala andake leya. Leyamosa wambu dupwa komondo kata palyuo ralo kopyali ingyuo bolombalo lao peyami.