Jasi 4:19 - Anatunya Buku Baepole Ole Testamene Pii Lapo dee Nuu Tesamene

¹⁹ Dokopa akali dokome enda baa lamaiyuo, Embame namba ipwa nano pilyamo nalana kamuo jinya leya. Dokopa enda dokome menana yanenge ipwa pee yale wasisi dokona susu ipwange peteyamo doko nyepala nena lao nyuo maiya. Maipala napeyamo dokopa Sisira dee kamba yalu piya.

Jasi 4:19 ပူးပေါင်းရင်းမြစ်များ

Jenesese 24:43

Namba ipwa pete yuwale kyaso retenge mare dokona karo dokopa enda mapwae mende eparamo dokopa nambame ipwa narowale embena pee dokona kamuo jinya lao piso serono dokopa

1 Kiŋi 17:10

Dokona lao Ilainja baa yuu Serepate peya. Pao yuu taone dokona kame kambu dokona peyamo dokopa enda waiya doko isa ponale yapo nyuo kareyamo kandeya. Kandapala baame enda doko kando lao, Ipwa kamuo jinya, leya.

Aisaya 41:17

Nambana wambu dupwa bange ipwape yano pyaramopa nanapala ipwa kotarami dokopape nakamana pendoko oo laramo ipwa nanarami dokopape namba Kamongo dokome nakamana ateŋa doko isingi yano pyakamiru. Namba Isaraele wambunya Anatu dokome nakama kame soo yaki nyii naro.

Jone 4:7

Dokopa Samaria enda mende ipwa kamwala epeya. Yesumi baa lamaiyuo, Ipwa narole jii leya.

Jasi 4:18

Peyamo dokopa enda Jaele baame akali Sisira baa epena lapala lamaiyuo, Emba nambana komau anda dakena andakare epena leya. Lapala dokopa, Emba paka napipi, lamaiya. Dokopa akali baa komau anda dokona andakare peyamo dokopa anda donge dokona komau porai lapome nee pipala yalu pyuo petena leya.

Jasi 4:20

Enakana akali baame enda doko kando lamaiya. Emba anda kambu repeta roya kararenepa wambu mendeme emba kando wambu mende dae ipyape leyami kande doko daaŋa lape, leya.

Jasi 5:24

Dokona enda Jaele lenge Kene rara akali Ipua lenge dokona etenge baa embone piso petenge. Enda wakale komau anda dupwana petenge dupwa embone piso pisiminyipape enda Jaele baa kamame wakasa embone petenge.