Jasi 2:19 - Anatunya Buku Baepole Ole Testamene Pii Lapo dee Nuu Tesamene

¹⁹ Piyamopape lita akali dupwa kumuyaminyi dokopa Isaraele wambu nakama kapu kyuo wambarae yulu pingi dokona pipa piyami. Nakamana rora ambasupi koo piyami dokona nakamame koo dokona konda konda pyuo pao andakyapa piyami. Dopa pyuo nakamame kyambo anatu dupwana kingi ketae pyambuo dupwana yulu pyuo nakamana mona kana pokapala simbi simbi pyuo yulu koo dokona pyuo karapa piyami.

Jasi 2:19 ပူးပေါင်းရင်းမြစ်များ

Jenesese 6:11

Wambudoloma yuu muu peparaena Anatunya lenge kambu dokona kopetame pyuo pyakando kareyami.

Niyamaya 9:28

Mona kyuu lao siyamo kareyami dokopa dee yulu koo dupwa pyuoko kareyami. Dopa piyaminyisa nakamana yanda pimwai dupwame dee kamba nyuo anamasi minyinya lao kata maipala kaeye. Dopa piinyi dokopa nakamana koo dupwa polo lao dee emba nyisa lao piso siyami dokopa yake panda karo sepala embena kondo sakame kumungi renge dokome deeko kyawa lete nyuo karee.

Ekesetase 32:7

Dopa piyaminyisa Kamongo dokome Mosese lamaiyuo lao, Embena wambu yuu Isipi yaki nyuo lanyuo epee kande dupwame namba mata joo yulu koo pilyaminyi dokona dakepa aopa waiya lao lupyuo puu, leya.

Jeremaya 23:17

Poropeta dupwame wambu lapo nambame lapunu pii dupwa selana kamba letaminyi dupwa kando lao wambu nakama keta mee kapa ingyuo para lyakande letaminyi. Karapala mona kana poko lao karenge wambu dupwa peparae lamaiyuo, Nakama dupwa keta randa andake doko epa nara, letaminyi.

Matyu 23:32

Dokona nakamana rakange kyawa dupwame pyuo kareyami dokonako palyuo makande minyuo pyuokondali pyuo pipwape.

Dutaronome 31:29

Kumaparo dokopa wambu dolomame ama koo angingyuo karo nambame nakama pii mana lamaiyuo dupwa kamba lao nembarami doko silyu. Dopa pyuo yuu gii ene eparamo dupwana Kamongome daa lenge dupwa pyuo kararami dokome baa imbwanyi pyambuo randa nyeramilyamo, leya.

Josua 24:31

Josua baa lete kareyamopa Isaraele wambu dupwame Kamongona yulu pyakamyuo kareyami. Dopa pyuo karapala Josua kumapeyamo dokopa Kamongona yulu pyuoko kareyami. Karapala nakamana akali kyawa ingyuo karenge Kamongo banya wambu dupwana lao yulu andake pyakamiyamo dupwa rangeme kandeyaminyi dupwa lete kareyaminyi dokopa Kamongona yulu pyuo kareyamiko.

Jasi 2:18

Lita akali dupwa lete kareyaminyi yuu gii dokopa Kamongome yanda pimwai dupwame wambu dupwa pyao anamasi minya nana lapala nyiso karapa piya. Dopa pyuo dokopa wambu dupwa randa nyuo mona kendo pisipala Kamongo doko kando ee leyaminyisa dokona Kamongome nakama kondo sakame kumuo karapa piya.

Jasi 2:20

Dokopa Kamongome Isaraele wambu dupwa kando ama wakasa imbwaya. Imbwuapala baame lao, Pii lalu lao lenge dokona nakamana kauwange dupwa kando dopa pipwape lao leyono doko kokwa soo yaleyami, leya. Dee lao, Nambame leyonuli pyuo Isaraele wambumi rape rape lao soo nyii nayaminyi dokona

Jasi 2:7

Josua baa ee kana malu kareyamo dusipana Isaraele wambu dupwame Kamongo dokona lao suu pyao banya yulu piyami. Dee enakana Josua baa kumapeyamo dokopa akali lapo Kamongome Isaraele wambu keta yulu piyamo peparae soo giso rapu pyuo kareyami dokopa Isaraele wambumi kaeya nao Kamongona yulu pyuo kareyami.

Jasi 4:1

Akali Iyuti baa kumapeyamo dokopa Isaraele wambu dupwame Kamongona lenge kambu dokona kambako yulu koo ama malu mee piyami.

Jasi 8:33

Gitione baa kumapeyamo dokopa Isaraele wambu dupwa dee kamba Anatu yaki nyepala nakamame mee bange anatu kingi Bealo lenge dupwa lakandeyami. Lakando nakamame nakamana mee bange anatu Bealo Bereti lenge doko waso nakamana anatuŋu lao lakandeyami.

1 Samyuele 15:23

Embame Anatu laramuli pyuo pii nare ramo doko mauli pyuo pingi dopale ingyuo pirisa pira. Dee range ketae pyambuo lakando karare ramo doko kyambo anatu kingimi wasisi lakandenge dopale ingyuo yulu koo dopale pirisa pira. Doko emba Kamongome lapyamuli pyuo pii napinyi dokome baame emba kiŋi kara nare letamo, leya.