Jasi 2:14 - Anatunya Buku Baepole Ole Testamene Pii Lapo dee Nuu Tesamene

¹⁴ Dokopa Kamongo Anatumi Isaraele wambu dupwa kando ama wakasa imbwaya. Imbwuapala waa nyingi wambu dupwame nakama pyao bange nyerami, leya. Kamongo baame dee lao, Yanda pimwai dupwa palu awali lenge dupwame epo sukusa sukusa pipala Isaraele wambu dupwa pyao dee nakama iso karena leya. Dokopa Isaraele wambu dupwa nakama range kapa mendasa alyasa minyuo kararami ingya naya.

Jasi 2:14 ပူးပေါင်းရင်းမြစ်များ

Niyamaya 9:27

Dokona embame nakamana yanda pimwai dupwame nakama anamasi minyapala iso karena lao pii. Nakamana randa nyepala emba nyisapili lao kee leyami dokopa embame yake dokona piso nakamana pii sepala nyiso karee. Embame kondo sakame kumungi dokome nakamana nyisu petenge dupwa keta kiiramo nyeramiŋi lao akali mupwa dupwa mai.

Aisaya 42:24

Isaraele wambu dupwa apimi yanda pimwai dupwa keta maiyase? Doko Kamongo kando yanda pimwaiyuo koo piyamano dokome maiya. Namwa baame piso palyuo pimili laope panda banya mana pii simili lao suu pyapyamo kata doko yaki nyuo kaeyamanosa Kamongome namwa yaki nyiya.

Aisaya 50:1

Kamongo dokome lao Nakamame suu pyaminyi dokopa akalimi enda ramanyi nembenge dopale ingyuo nambame nambana wambu dupwa neta ramanyi nembo kaeŋe lao suu pilyamisi? Dopa pyuo suu pyarami ramo ramanyi nembelyo lao pepa piyunu angi doko anja silyase? Akali mendeme banya wane dupwa karapusi ingyuo yulu pyuo pena lao maiyuo kana nyingi dopale ingyuo nambame nakama karapusi ingyuo pupwa lapala maiyuo bange nyiiŋi lao suu pilyamisi? Daa nakama karapusi ingyuo peyami doko nakama rangeme koo pipala lowa yalo piyaminyi dokona peyamisa piya.

Jeremaya 37:10

Kamame nakamame yuu Bapilone ami yanda singi dupwa peparae pyao isa palyuo winimi piparaminyipape akali lapo nakama yanenge poro lao ranjama eparamo nakamana komau anda dokona luu palyuo seraminyi dupwame sowale pyuo karo sipurapala yuu taone dake pyao kiso isa palyarami ingilyamo. Kamongo dokome nambame Setekaya lamaipi lao langiya.

Dutaronome 32:30

Apa pyuo lama ikimi taosande akalisa anamasi minyuo dee mendakimi taosande mende pyao isa palyuo piyape? lao suu pilyaminyi. Renge doko nakamana Kamongo Anatu dokome nakama yaki nyuo kaeyasa piya. Nakamana Anatu Porai dokome nakamana yanda pimwainya kingi rakana palyakamiyasa piya.

Jasi 2:20

Dokopa Kamongome Isaraele wambu dupwa kando ama wakasa imbwaya. Imbwuapala baame lao, Pii lalu lao lenge dokona nakamana kauwange dupwa kando dopa pipwape lao leyono doko kokwa soo yaleyami, leya. Dee lao, Nambame leyonuli pyuo Isaraele wambumi rape rape lao soo nyii nayaminyi dokona

Jasi 4:2

Dokopa Kamongome nakama kyawa yaki nyiyamopa akali Jepene lenge baa kiŋi yulu pyuo yuu Kenane lenge yuu taone andake Aso lenge dokona rapu pingi dokome Isaraele wambu pyao anamasi minyiya. Jepene banya yanda singi ami mende mupwa ingyuo rapu pingi akali kingi Sisira lenge baa yuu Arosete Akoimi lenge dokona paleya.