Jasi 2:1 - Anatunya Buku Baepole Ole Testamene Pii Lapo dee Nuu Tesamene

¹ Kamongona aŋala doko yuu Gilikale piso pao yuu Bokimi dokona peya. Papala baame Isaraele wambu dupwa lamaiyuo, Nambame nakama nyepala yuu Isipi doko yaki nyuo nakama lanyuo pao yuu nambame kana minyuo kinyi lalu lao nakamana kauwange dupwa kando leyono dokona lanyuo epeyo. Dokona nambame nakama kando pii kana minyuo leyo dokona dee lili pii naro, leya.

Jasi 2:1 ပူးပေါင်းရင်းမြစ်များ

Jenesese 12:7

Kamongo dokome Aporame kareyamo dokona epo maro lapala lamaiyuo lao, Yuu dake nambame embena wane manjo para pyao eparene dupwana ingyuo paraŋa lao jero, leya. Dopa leyamo dokopa Aporame baame Kamongona lao kana pyare lakamiya.

Jenesese 16:13

Dokona lao enda dokome Kamongo baa pii lamaiyamo doko kingi lao, Anatu Kandanyi Nembo Karenge, leya. Doko suu pyao, Namba Anatu angi kandapunupape lete pisano kaeyalapa, leya.

Jenesese 48:16

dee aŋalame namba kyawa minyuo karenge dokomepe wane dolapo elyape keta pisinyi pyambwape. Nakamba wai kiso yuu muu dupwana mee ree ingyarambinyi dokome nambanape dee rakange Aporakame Aisekepana kingi isa paa nara, leya.

Samu 89:3

Akali nambana rombo palyisi pipa lao kana minyilyu. Nambana kendemande akali Dapitipa

Samu 89:34

Nambame baapa kana minyuo lalu lao leyono doko yala naowape dee pii lalu lao leyono dupwana mendepe nyuo alowa pyuowape pii naro.

Ekesetase 14:14

Kamongome nakamana lao yanda pyakalopyamo. Nakambame mende piraminde daaŋa, leya.

Ekesetase 14:19

Anatunya aŋala Isaraele wambu lanyuo wambeya doko nakama rekya lao matarena epo kareya. Dopako pyuo kopa soo kata lanyiyamo doko

Ekesetase 20:2

Namba nakamana Kamongo Anatu dokome nakama yuu Isipi dokona karapusi ingyuo kendemande yulu pyuo kareyaminyipa neta nyuo lanyuo epeyoŋo doko.

Ekesetase 33:14

Leyamo dokopa Kamongo dokome lao, Namba nakama role paramanopa nakamame anamasi minyuo wini pirami, leya.

Aisaya 63:9

Doko aŋala mendeme nakama nyiso kyawa lete nyiyande daa. Kamongo baa rangeme nakama nyiso kyawa lete nyiya. Banya mona reto kondange renge dokome nakama kiiramo nyiya. Wamba dokopa baame nakama yuu peparae au pyuo rapu pyakamiya.

Jeremaya 14:21

Embena lalu lao lenge pii dupwa kame see napala embena kingi dokona reke lao namwa mata joo kaeya napipi. Kiŋinya palyuo karenge yuu Jerusaleme dokona elya renge doko minyuo epa napipi. Embena kana minyuo lalu lao lenge pii porai kandale doko yala napipi.

Malakae 3:1

Pii dakena sepala Kamongo Porai Wakasa dokome isingi lao, Nambame nambana kata wapwakana lao nambana wai minyingi akali mende wambo pena laro. Dokopa aopa nakama Kamongo kandalana kotelyaminyi doko banya tembole anda dokona epara. Dokona waili pii minyingi akali kandamwali lao suu pilyaminyi doko epapala nambana kana minyuo lalu lao lenge pii dokona polo langira.

Nambase 14:34

Nakamame koo piyaminyi dokona ee kana akalisa kisima randa nao kararami. Yuu doko yuu gii akalisa kisima nembo kando papyuo kareyaminyi dokona ee kana akalisa kisimako randa nao kararami. Nambame nakama kando rae mai nalene lao soo nyerami.

Dutaronome 1:8

Yuu dake peparae namba Kamongo dokome nakamana rora ambasu Aporakamemoo Aisakemoo Jekopemoo dee dupwana para pyaraminyi dupwa mairu, lao lalu lao leyo. Yuu dokona pao palyuo karalapape.

Dutaronome 4:34

Nakama yuu Isipi dokona kareyaminyi dokopa Anatumi nakama baa rangena wambu ingyarami lao nyuo minyuo epeya. Doko suu pyao anatu wakale mendeme wambu rara mendena wambu dupwa neta nyepala baa rangena ingyuo karena leyase? Anatumi nakamana lenge kambu dorena banya porainya renge andake dokome anga ikyanepe yanda pingi yulupi sipuro epena lao minyuo piya. Dopa pyuo yulu wambumi pii nangepe dee wambu pakanyi pyambuo yulupi dupwa piya.

Dutaronome 7:9

Nakamana Kamongo Anatu doko baa iki Anatu. Baame nakama yaki nyii nange. Doko suu pyao karalapape. Wambu para pyasi taosande mendaki (1,000) paraminyi dupwana lapome baa mona retapala banya mawa pii dupwa warombo soo minyuo pyuo kararami dupwa keta banya mona reto karalu karenge renge doko lasaka pyuo banya kana minyuo lalu lao lenge pii doko yaki nyii nao minyaro karara.

Josua 3:10

Nakama parami dokopa baame Kenane wambupi Iti wambupi Ipi wambupi Perasi wambupi Gukasi wambupi Amote wambupi dee Jepusi wambupi dupwa pyao ralinyi nembara.

Jasi 13:2

Dokopa akali mende kingi Manoa lenge yuu taone Jora range dokona kareya. Baa akali Dane lengende kareya dokona rara. Manoa banya etenge doko wane manji nao mee ingi poraiyuo petenge.

Jasi 13:3

Dokopa Anatunya aŋala mende baa peteyamo dokona epapala lamaiya. Emba wane manji nao mee petenge kandale doko epapu emba repeta wane rombanda ingyaramopa wane ane manjiri, lamaiya.

Jasi 2:5

Ee leyaminyi dokona nakamame yuu doko kingi Bokimi leyami. Nakamame yuu Bokimi dokona Kamongo lakando mena pyao kiso maiyami.

Jasi 6:8

Piso siyaminyipa baame poropeta akali mende nakama keta peyamo dokome Isaraele wambunya Kamongo Anatu dokona wai pii doko minyuo epeya. Kamongona wai pii dapa lao, Nambame nakama yuu Isipi dokona kendemande ingyuo kareyaminyipa kiiramo nyuo minyuo epeyo.