Jasi 16:24 - Anatunya Buku Baepole Ole Testamene Pii Lapo dee Nuu Tesamene

^24-25 Dee wambu dupwame rae maiyuo kenane pyao nakamana anatu doko kingi lakando lao, Namwana anatu dokome emboneme jipyamopa namwana yanda pimwai wamba namwana yuu andape pyao kwaeyanyi nembo dee namwana akali malu pyao kumako piya kande doko nyuo anamasi minyilyamano, leyami. Lao nakamana monarename range ama rae maiyuo leyami. Samasone baa kyakale lao epena lapala namwame baa kando ikitokondo male lao baa kando lamanale, leyami. Lapala dee nakamame Samasone karapusi anda paleyamo doko epena lao nyuo lanyuo neta epeyami. Epapala nakamame baa kando male lao giyalya giyana pyuo dokopa anda dokona pote isa londe lama ralipi kareyamo dokona baa kanya karena leyami.

Jasi 16:24 ပူးပေါင်းရင်းမြစ်များ

Daniele 5:23

Dopa pipala emba Anatu yake panda karenge dokopa kamba lapala banya tembole anda dokona pee kapo pere warakepe singi dupwa nyepala minyuo epee kande. Dopa pyuo epapala embape embena akali mupwa dupwape embena etene dupwape dee enda lapo mee konda pyuo nyingi peteyami. Pisipala dupwa pipya kapo dupwana ipwa waene kyano pyuo nao role pyao kana golope kana kulingipi kone kanape anepe isape mee kanape dupwame mee bange anatu wambu kanda nangepe dee pii see nangepe dee mende maso suu pyaa nangepe dupwa waso lakandeyami. Dopa piminyipape emba kumarene dupwanape lete karare dupwanape rolo dee emba yulu peparae pilini dupwana iso karo pilyamo Anatu doko embame rape rape lao ketae pyambuo lakanda nalene.

Daniele 5:4

Napala mee bange anatu kana golope kana kulingipi kone kanape anepe isape dee mee kanapeme wasisi dupwa lakandeyami.

Apakuku 1:16

Dopa pipala nakamame nakamana oma nyingi sinyana dupwame oma keyange dupwako nyuo jingi lapala bange rendamu pingi dupwa kiso maiyuo lakandenge.

Dutaronome 32:27

Dopa lao suu piyunupape namba rangeme pyao minjuku minyinyi nembeyo dokome nakambana yanda pimwai dupwame nambana wambu dupwa pyao isa palyilyamano kae lao nanga kapape lyinya lao panda maiya naro ingilyamo, leya.

Orepalaisane 11:10

Kumuyambi dokona isa wambu rae maipala mali lyuo puu minyingi dupwa pipya bange mee maiyuo kararami. Poropeta akali dolapome isa wambu peparae mona kendanyi pyambuo kareyambi dolapo kumuyambi dokopa rae mairami ingiya.

Jasi 15:14

Baa yuu Liya dokona epeyamo dokopa Pilisitia wambu dupwame pii poraiyuo lao kando nyela epeyami. Dokopa Kamongona Imambu dokome baa porainyi pyambuyamopa banya kingi dokona puu piyaminyi dupwa isareme rasi ingyuo roko isa peya.

Jasi 15:16

Dopa pyuo pyapala Samasone baame kenane pyao rae maiyuo dopa leya. Dongena angapu kuli dokome minyuo akali taosande mendaki dupwa pyao kumakapu. Dongena angapu kuli dokome akali malu konda konda pyuo pyao malu palyapu, leya.

Jasi 15:8

Lapala Samasone baame Pilisitia akali dupwa pipya yanda pimwaiyapala akali ama malu baame pyao kumakaya. Enakana yuu Etame lenge dokona kananda mende karenge dokona pao palu karo piya.

1 Samyuele 31:9

Nyepala Solena mange doko pyao pukupala banya yanda pingi bange dupwa roko nyiyami. Nyepala pii wai minyingi akali lapome bange dupwa nyuo minyuo yuu Pilisitia dokona wambupi mee bange anatu lao wasingi dupwape Sole kumuyamo doko waili pii keyange lamaiyuo raeyala pena leyami.