Jasi 16:17 - Anatunya Buku Baepole Ole Testamene Pii Lapo dee Nuu Tesamene

¹⁷ Suu pyapala dokopa Samasone baame angi renge rolae enda baa polo lamaiya. Namba porailyu doko nambana kyawasi doko pyakepa nange dokome pilyu. Dee yuu gii mandeyamo dokopa namba Anatu lao rombo palyuo Nasaraite akali ingyuo karara, aŋalame leya. Dokona nambana kyawasi doko pyake pyara ramo dokopa nambana porai doko pao otapala namba kapa poraiya naro. Namba dokopa ama pyuku lasi akali menge karaminyi dopale ingyaro, lamaiya.

Jasi 16:17 ပူးပေါင်းရင်းမြစ်များ

Poropepe 13:3

Dopa piraminyi pii angi suu pyaa nao langa lenge dokome baa range kokwa soo koo keta penge kandale. Dokona suu pyao emba pii kandokondali pyuo lapala embena lete kyawa doko range minyuo lao karare.

Maeka 7:5

Embena anda maki palenge dokope embena puu minyingi dokomepe pii langirami dupwa angi lapo langilyaminyi lao suu pyaa napipi. Dee kamame embena etene dokope kandokondali pyuo pii waso lamaipi.

APOSELENA YULU 18:18

Dopa piyamo dokopa Pole yuu malu dokona karapala Kurisene yangonge dupwa role pyapeta kareya. Enakana sipurapala yuu Siria dokona baamoo Pirisila Akuila pipya sipu dokona piso peyami. Ene panya karo dokopa yuu Senekoria dokona baame mende pironya lalu lao lao banya kyawasi doko pyakepo muu piya.

Jasi 13:5

Dee dopa pyuo emba wane rombanda ingyaramopa wane ane manjiri doko embame wane banya kyawasi doko pyake pakami nare. Wane baa banya mandenge yuu gii eparamo dokopa baa Nasaraite ingyuo karo baa rangeme Anatu mona peparae maira. Wane baame kanda soo yulu piramo doko Pilisitia wambu dupwame Isaraele wambu dupwa randa maiyuo karaminyi dokona Isaraele wambu dupwa rekya lao nyera, leya.

Jasi 16:16

Lapala enda baame yuu peparae poraiyuo kaeyo piso siyamosa akali baame pii doko soo makapala kumarolyamo lao suu piya.

Jasi 16:18

Dokopa Delaelame ama kinyi Samasone baame langilyamo lao soo nyepala baa rae maiyuo Pilisitia kamongo akali dupwa keta pii waili nembeya. Nakama yuu gii mende kamba epena lao lamaiya. Akali baame epapu angi kinyi doko namba langipya, lamaiya. Lamaiyamo dokopa Pilisitia akali dupwame sepala nakamana kana dupwa minyuo epeyami.