Jasi 16:16 - Anatunya Buku Baepole Ole Testamene Pii Lapo dee Nuu Tesamene

¹⁶ Lapala enda baame yuu peparae poraiyuo kaeyo piso siyamosa akali baame pii doko soo makapala kumarolyamo lao suu piya.

Jasi 16:16 ပူးပေါင်းရင်းမြစ်များ

Jona 4:9

Dopa leyamopape Anatumi baa lamaiyuo, Isa wai dokona lao imbuo karene doko kapase? leya. Leyamo dokopa Joname lao, Kinyi, dokona namba imbwualyo. Imbu arorome manjo kumaro, leya.

Make 14:24

Dokopa baame nakama dopa lamaiya. Dake nambana ranjama wambu peparaena lao kulimbuo isa para. Nambana ranjama dokome Anatunya lalu lao lenge pii enenge doko kapa wai wara pira leya.

Luku 11:8

Dokona ingyuo pii mende langilyu, Baa embena puu minyingi dokome sipurapala jii nara ramo doko emba elya nao piso sepa sepa pyuo kararene dokona lao sipurapala kapa jera ingilyamo.

Luku 18:5

pyuo karapunupa enda dokome namba angalyi pyuo karamo dokona nambame lao rolakamiru ingilyamo. Dopa pii naro ramo doko baa yuu peparae epapa pyuo karo namba maka joo matakara nembasara, leyaŋa, leya Yesumi.

Jasi 14:16

Dokopa Samasonena etenge baame ee lao pao akalingi lamaiya. Embame namba mona reta nalene lao masilyu. Embame namba awa nalene lao suu pilyu. Embame nambana wambu dupwa kando pii piso singi lapo piso sipipya dupwana namba renge angi doko langi nalene, lamaiya. Dokopa Samasone baame etenge doko lamaiyuo, Nambana rakane anyipi dolapo polo lamai napunu dokona dee emba akipamo langirusi? leya.

Jasi 14:17

Dokopa enda baa akalinginya lenge kambu dokona eeko lao yuu gii yanda ipingi nenge malu palyuo nao peteyaminyi dokopa peteya. Dee yuu gii yanda ipingi lumwa dokopa baame kaeya nao eeko leyasa Samasone baame etenge angi polo lamaiya. Dokopa enda baame pii renge sepala banya wambu dupwa polo lamaiya.

Jasi 16:15

Dokopa enda dokome baa lamaiyuo, Akipamo embame namba mona retelyo letese? Angi kinyi mona reta nalene. Embame yuu gii rema namba kando mee male male lao kyambo langyuo minyoko pipi. Dee emba ama porailini renge doko namba langi nalene, leya.

Jasi 16:17

Suu pyapala dokopa Samasone baame angi renge rolae enda baa polo lamaiya. Namba porailyu doko nambana kyawasi doko pyakepa nange dokome pilyu. Dee yuu gii mandeyamo dokopa namba Anatu lao rombo palyuo Nasaraite akali ingyuo karara, aŋalame leya. Dokona nambana kyawasi doko pyake pyara ramo dokopa nambana porai doko pao otapala namba kapa poraiya naro. Namba dokopa ama pyuku lasi akali menge karaminyi dopale ingyaro, lamaiya.