Jasi 15:18 - Anatunya Buku Baepole Ole Testamene Pii Lapo dee Nuu Tesamene

¹⁸ Samasone baa ipwa nano wakasa piyasa baame Kamongo Anatu piso soo leya. Embame namba yulu andake dake jipinyipa wambu malu pyao karapunupape epapu ipwa nano dokome namba kumaro ingilyase? Dee rara wakale Pilisitia wambu Anatu suu pyaa nange dupwame nyuo puu maiyuo nyeramisi? leya.

Jasi 15:18 ပူးပေါင်းရင်းမြစ်များ

Jenesese 20:11

Aporakame isingi lao, Yuu dakena wambu mendeme Anatu suu pyao laramo doko paka nao karaminyi dokome namba pyapala nambana enda doko nyeraminyi lao lapu, leya.

Jenesese 32:31

Dopa pyuo karo neta pyakaeyamopa baa yuu Peniele yaki nyuo lengyare lakiya dokome karayukwara pyuo anda peya.

2 Samyuele 1:20

Dopa pipya lao yuu Gati dokonape dee yuu taone Asekelone kata barete dupwanape arome pyao laa nalapape. Dee Pilisitia enda dupwa rae mainyi pyambwa nalapape. Dee anatu lao suu pyaa nange wambu dupwana wanenge dupwa rae mainya laa nalapape.

Jone 19:28

Enakana Yesumi banya yulu peparae dupwana lumwa pyaamo lao soo gisapala pii pyasi paleyamuli pyuo dopa leya. Namba nano pilyamo leya.

Ipuru 11:32

Namba ii palimwa epenge dokona dee mende aki laowape? Akali Gitione, Bereke, Samasone, Jepeta, Dapiti, Samyuele dee poropeta dupwapena yulu moko minyuo dee lao parono yuu kwuanyi sera saro kaelyoŋo.

Jasi 14:3

Dokopa banya rakange endangipame lamaiyuo, Wane emba apa pipyasa pao Pilisitia wambu rara wakale mona kapu kyaa nange dokona enda doko nyelana letese? Emba wanake lapo embena rangena ree palupi dee namwana rara dokonape kanda nalese? leyambi. Dokopa Samasone baame rakange lamaiyuo, Namba wanake doko kando rae mailyu. Embame wanake dokoko nyakare, leya.

Jasi 15:17

Pii lao otapala dokopa Samasone baame mena dongena angapu kuli doko pyao nembeya. Nembeyamo yuu angi pao siyamo doko Angapu Kuli Kyau, leyami.

Jasi 16:28

Dee Samasoneme dokopa ateŋa lao, Kamongo Andake Mupwa Wakasa, embame namba suu pyape. Anatu embame namba yuu gii mendaki iki porainya renge kamba jii. Dopa piri dokopa dokome yuu mendakinde nambana lenge lama dolapona reke lao Pilisitia wambu dapwa pyarowale, leya.

Jasi 8:4

Yuu gii dokopaleko Gitionemoo banya akali andete rema (300) dusipa epapala ipwa Jotane doko yalo peyami. Nakama ama mako lopo piyamopape nakamana nyisu petenge dupwa peteta ralyuo pyaoko kareyami.

1 Samyuele 17:26

Akali doo baa kareyamo dokona kareyami dupwa Dapitimi piso soo, Pilisitia akali dake pyapala Isaraele wambu dupwa mona rando karaminyi dokona kiiramo nyera ramo doko aki bange mende nyerase? Dee dokopa Pilisitia akali Anatu suu pyaa nange doko akipamo Anatu Lete Karengena yanda singi dupwa isa palyarase? leya.

1 Samyuele 17:36

Nambame laene beyape dupwa pyao kumakange dopa pyuo Pilisitia akali Anatu suu pyaa nange dakeme Anatu Lete Karengena yanda singi dupwa pipya yanda pimana lao karamo doko nambame pyao kumaro, leya.