Jasi 15:14 - Anatunya Buku Baepole Ole Testamene Pii Lapo dee Nuu Tesamene

¹⁴ Baa yuu Liya dokona epeyamo dokopa Pilisitia wambu dupwame pii poraiyuo lao kando nyela epeyami. Dokopa Kamongona Imambu dokome baa porainyi pyambuyamopa banya kingi dokona puu piyaminyi dupwa isareme rasi ingyuo roko isa peya.

Jasi 15:14 ပူးပေါင်းရင်းမြစ်များ

Samu 118:11

Nakamame kata paro dupwa peparaena roko iminyipape Kamongona porai renge dokome pyao anamasi minyiyu.

Ekesetase 14:3

Kiŋimi lao suu pyao karo dokopa Isaraele wambu dupwame yuu muiyane dokona karo awali lao kata panya saka nalya saka nana pyuo karaminyi lao suu pyara.

Ekesetase 14:5

Yuu gii dokopa Isaraele wambu dupwa neta pao kaeyamilyamo lao lamaiyaminyi doko sepala Isipi kiŋi banya yanda singi dupwamepe suu pingi alowa pipala lao doko akinde pyamase? leyami. Namwame kandakinya Isaraele wambu dupwa karapusi ingyuo namwana yulu pyakao karenge dupwa pena lapala kaeyamwanosa pyakao papelyaminyiŋi, leyami.

Maeka 7:8

Namwana yanda pimwai dupwame renge mende pali naramopa namwa kilya kando gilya giyana pyuo rae maiya nalapape. Namwa koo keta papalape dee keyange keta palirama ingilyamo. Dopako pyuo namwa dakepa iminjingi dokona karamano doko Kamongo dokome yanga paupau lenge renge jera.

Pilipai 4:3

Dokona ingyuo nambana yulu role pyao pingi akali embame enda lama dolapo nyisakare. Enda dolapo porayapala namba role pyao yulu andake waili pii dokona raeyo lao kareyama. Kelemene dee nambana yulu mendare pingi akali lapo Anatunya letena renge buku dokona kingi pyasi palamo dupwa opetae waili pii raeyo lao kareyamako.

Jasi 14:19

Lamaiyamo dokopa Kamongona Imambu dokome Samasone baa porainyi pyambuya. Pyambuyamo dokopa baa yuu Asekelone dokona lano papala akali akalisa rema pyao kumakaya. Kumakapala nakamana komau keyange dupwa roko nyepala akali wambo banya pii leyamo dokona yano pyao leyami dupwa maiya. Maipala Samasone baa imbumi kumuo yuu doko yaki nyuo kaepala kapu kyuo rakangena anda peya.

Jasi 14:6

Dopa piyamopape Anatunya Imambu dokome Samasone baa porainyi pyambuyamopa baame mena laene doko kingimi minyuo kumuya. Mee wambumi mena meme ikyane minyuo kumungi dopale ingyuo piya. Dokopa Samasone baame dopa pelono lao rakange endangipa lamai naya.

Jasi 15:13

Dokopa nakamame baa lamaiyuo, Daa, pyaa narama. Namwame emba mee puu pyao nyepala Pilisitia wambu dupwa keta mairama, leyami. Lapala nakamame puu enenge lamame pakapala Samasone baa puu pyapala lanyuo kananda yaki nyuo epeyami.

Jasi 15:9

Pilisitia wambu dupwa nakama epo yuu Juta dokona komau anda pyuo palyuo kareyami. Karo dokopa yuu taone Liya dokona papala wambu dupwa pyao bange dupwa minyarambu nyuo piyami.

Jasi 16:12

Doko sepala Delaela baame puu ama enenge lapo nyepala dokome Samasone baa puu maiya. Maipala enda baame pii poraiyuo lao, Samasone, Pilisitia wambu dupwa epelyaminyi, leya. Doko akali lapo anda donge pakirena iso yalu pyuo kareyami dupwa simili lao leyamo dokopa Samasoneme puu banya kingi dokona piyamo doko minyuo rokoyamopa mee isa peya. Puu enenge doko rokoyamo dokopa puu doko nyuu puu kuki dopale ingyuo rokoya.

Jasi 16:24

Dee wambu dupwame rae maiyuo kenane pyao nakamana anatu doko kingi lakando lao, Namwana anatu dokome emboneme jipyamopa namwana yanda pimwai wamba namwana yuu andape pyao kwaeyanyi nembo dee namwana akali malu pyao kumako piya kande doko nyuo anamasi minyilyamano, leyami. Lao nakamana monarename range ama rae maiyuo leyami. Samasone baa kyakale lao epena lapala namwame baa kando ikitokondo male lao baa kando lamanale, leyami. Lapala dee nakamame Samasone karapusi anda paleyamo doko epena lao nyuo lanyuo neta epeyami. Epapala nakamame baa kando male lao giyalya giyana pyuo dokopa anda dokona pote isa londe lama ralipi kareyamo dokona baa kanya karena leyami.

Jasi 16:9

Enda baame akali dupwana lapo iso anda luu palenge donge mendena yalu pyuo petena leyamo dupwa simili lao enda baame pii poraiyuo leya. Samasone, Pilisitia dupwa epelyaminyi, lamaiya. Dokopa yanda imbu puu maiyamo doko isareme rao rokonge dopale ingyuo waiya lao rokoya. Dokopa nakamame baa yalu pyuo nyisapyamopa porailyamo renge doko aki lao soo gisa nayami.

Jasi 5:30

Nakama bange koto nyuo mokwa soo lili pyuo nyilyaminyi ingilyamo. Doko wanake mapwae nyuo yanda singi dupwa lama larapu nyilyaminyi. Dee komau keyange kamonganyi nembenge dupwa akali Sisira dokona lao nyakamilyaminyi. Dee mola suku pisi ama keyange dupwa enda kuini dokona mangena sera lao nyakamilyaminyi, leya. Leyamo doko sepala Sisirana endangi dokome poraiyuo suu pyao peteya.

1 Samyuele 10:10

Dokopa Solepa kendemande dokopa yuu Gipiya dokona epeyambinyi dokopa Anatunya poropeta akali pii nolako lenge dusipame kando nyiyami. Dokopa Anatunya Imambu dokome Sole minyuo yulu piyasa nakama piyaminyili pyuo kenane pyao pii poraiyuo lao wamya lyuo kareya.

1 Samyuele 10:6

Nakama rae maiyuo pii poraiyuo lao wamya lyuo eparami. Imambu dokome emba maralyapala minyuo yulu piramosa emba dokona konda pipala nakama yulu pinginyili pyuo kenane pyao pii poraiyuo lao rae maiyuo wamya lyuo karo emba alowa pipala enenge ingyare.

1 Samyuele 11:6

Pii dupwa Sole baa siyamo dokopa Anatunya Imambu dokome baa keta epo yulu piyasa baa ama wakasa imbwaya.

1 Samyuele 17:35

nambame peta rambu lapala nakama ralinyi karapala sipisipi ikyane dupwa kiiramo nyingi. Nyilyunu dokopa mena laene panda mena beya dupwame kapu kyepala namba nalana pingi dokopa nambame pendoko dokona minyarapala pyao kumakange.

1 Samyuele 4:5

Kamongona Kana Minyuo Lalu Lao Lenge Pii Palenge Bokote epo pyaka sepeyamo dokopa Isaraele wambu dupwa rae maiyuo pii ketae palyuo leyaminyisa yuu dupwa pyuku pyuku leya.