Jasi 15:11 - Anatunya Buku Baepole Ole Testamene Pii Lapo dee Nuu Tesamene

¹¹ Doko sepala Juta range akali taosande rema (3,000) nakama yuu Etame lenge kananda karenge Samasone baa palu kareyamo dokona papala Samasone kando dopa lamaiyami. Pilisitia wambu dupwame namwa iso karaminyi doko emba see nalese? Embame aki mende piinyisa namwa keta randa dake epelyase? leyami. Dokopa baame isingi lamaiyuo, Nakamame namba dopa piyamiŋi dokona nambame nakama dopako piyu, leya.

Jasi 15:11 ပူးပေါင်းရင်းမြစ်များ

Jasi 13:1

Isaraele wambu dupwame Kamongo kando kamba lao yulu kooko pyuo kareyamisa baame Pilisitia wambu dupwame Isaraele wambu dupwa ee kana akalisa kisima iso karena lao yaki nyiya.

Jasi 14:4

Banya rakange endangipa nakamba Kamongome Samasone baa rapu piya dokome dopa pinya leyamo doko soo gisa nayambi. Kamongome Pilisitia wambu dupwa pyaraŋa lao suu piya. Yuu gii dokopa Pilisitia wambu dupwame Isaraele wambu dupwa iso kareyami.

Jasi 15:10

Dokopa Juta akali dupwame Pilisitia akali dupwa piso soo leyami. Akipamo nakamame namwa pyao ralinyi nembo namwana yuu doko nyakalyamisi? leyami. Dokopa nakamame isingi lamaiyuo, Namwame Samasone baa puu maiyuo retalena epelyamano. Baame namwa kando piyamuli pyuo baa isingi pyarama, leyami.

Jasi 15:12

Nakamame baa lamaiyuo, Namwame dae epo emba puu pyao nyepala Pilisitia wambu dupwa maiyalena epamano, leyami. Dokopa Samasoneme nakama lamaiyuo, Nakama rangeme namba pyaa narama lao kinyi kinyi langilapa, leya.