Jasi 14:6 - Anatunya Buku Baepole Ole Testamene Pii Lapo dee Nuu Tesamene

⁶ Dopa piyamopape Anatunya Imambu dokome Samasone baa porainyi pyambuyamopa baame mena laene doko kingimi minyuo kumuya. Mee wambumi mena meme ikyane minyuo kumungi dopale ingyuo piya. Dokopa Samasone baame dopa pelono lao rakange endangipa lamai naya.

Jasi 14:6 ပူးပေါင်းရင်းမြစ်များ

Samu 91:13

Embame mena laene wambu nenge dupwape dee kau wambu pingipi dupwa pyao rambetaku pyarene mee kimbumi nara ingilyamo.

Aisaya 42:2

Baame pii porakai ketae palyuo laa nara. Dee yuu taone dupwana kata dupwana pii rekyae lao lao kara nara.

Matyu 11:29

Yulu pingi bulamakao soo gisingi dokome isa mamando puu pyanyi palyapala soo mendeme mana lamaiyuo maki pyuo soo penge dokona suu pyao nambapa wambu mende larapu namba pironuli pyuo mana nyuo isa mamando role pyao soo papimbanale. Namba range monarena koonono ingyuo elya kalo karenge dokona nakama mona seramopa kararami.

Ipuru 11:33

Anatu kapa ingingi lao suu piyami dokome rara wakale pyao isa palyuo nakama rolo pinya lao iso karo, dee mena laene nyuo meme pinyi nembo Anatumi lalu lao leyamo panda doko kando nyiyami.

1 Jone 3:8

Satane dokome ene lokoyamo dokopa piso yulu koo pyuo karenge dokonako ingyuo mendeme yulu koo pyuo karara ramo baa Satanena ingyarasa pira. Anatunya Ikinyingi epeyamo renge doko Satanena yulu dupwa ukiaki minyala pano epeya.

Jasi 13:25

Baa yuu Jora dee Esataolepana kanya dokona akali Danena rara wambu paleyaminyi dokona kareyamo dokopa Kamongona Imambu dokome baa kanda soo arombanyi nembeya.

Jasi 14:19

Lamaiyamo dokopa Kamongona Imambu dokome Samasone baa porainyi pyambuya. Pyambuyamo dokopa baa yuu Asekelone dokona lano papala akali akalisa rema pyao kumakaya. Kumakapala nakamana komau keyange dupwa roko nyepala akali wambo banya pii leyamo dokona yano pyao leyami dupwa maiya. Maipala Samasone baa imbumi kumuo yuu doko yaki nyuo kaepala kapu kyuo rakangena anda peya.

Jasi 14:5

Samasone banya rakange endangipa role pyao yuu Timina dokona peyami. Papala nakama isa girapo ee dokona sukusa peyaminyi dokopa yuu dokona mena laene mendeme Samasone baa kando gasimwa poko baa nalana epeya.

Jasi 14:7

Enakana Samasone baame pao wanake doko kando pii lamaiya. Lamaipala baame wanake doko kando rae wakasa maiya.

Jasi 15:15

Dokopa baame mena dongena angapu kuli kyaka kenda pingi doko kandapala kingi pyambwapala minyalyuo nyiya. Nyepala dokome wambu taosande mendaki (1,000) pyao kumakaya.

Jasi 15:8

Lapala Samasone baame Pilisitia akali dupwa pipya yanda pimwaiyapala akali ama malu baame pyao kumakaya. Enakana yuu Etame lenge dokona kananda mende karenge dokona pao palu karo piya.

Jasi 16:30

Dokopa baame pii ketae palyuo lao, Namba Pilisitia dupwa pipya role pyao kumarowale, leya. Lapala akali banya porainya renge dokome anda doko suu leyamosa anda doko boo lapala kamongo akalipi dee mee wambu peparae pyao kumakaya. Samasone baame wambo wambu malu pyao kuma siyamopape enakana dokopa wambu ama malu wakasa pyao kuma soo dee baa opetae kumuo piya.

1 Samyuele 10:16

Dokopa Soleme isingi lao, Baame mena dupwa koto kando nyimi nambwa langipya, leya. Leyamopape Samyueleme baa kiŋi ingyara leyamo dokona mendepe arome pyao banya rakange kuki doko lamai naya.

1 Samyuele 10:6

Nakama rae maiyuo pii poraiyuo lao wamya lyuo eparami. Imambu dokome emba maralyapala minyuo yulu piramosa emba dokona konda pipala nakama yulu pinginyili pyuo kenane pyao pii poraiyuo lao rae maiyuo wamya lyuo karo emba alowa pipala enenge ingyare.

1 Samyuele 11:6

Pii dupwa Sole baa siyamo dokopa Anatunya Imambu dokome baa keta epo yulu piyasa baa ama wakasa imbwaya.

1 Samyuele 14:1

Yuu gii mendepa Jonataneme akali parange mende banya yanda pingi bange dupwa minyakamingi doko kando lamaiyuo lao, Nambwa Pilisitia wambu palaminyi yuu dokona lambuo bonale leya. Lapala Jonataneme pelyoŋo laope banya rakange doko lamai naya.

1 Samyuele 17:46

Yuu gii dakepako Kamongome emba namba keta jeramopa emba pyao anamasi minyuo embena mange doko pukupala dee Pilisitia yanda singi dupwana yanenge mena yakape mairunupa dupwame narami. Dopa pirami dokopa Kamongo Anatu doko Isaraele yuu dokona karengelyamo lao wambu peparae soo rali pirami.