Jasi 14:4 - Anatunya Buku Baepole Ole Testamene Pii Lapo dee Nuu Tesamene

⁴ Banya rakange endangipa nakamba Kamongome Samasone baa rapu piya dokome dopa pinya leyamo doko soo gisa nayambi. Kamongome Pilisitia wambu dupwa pyaraŋa lao suu piya. Yuu gii dokopa Pilisitia wambu dupwame Isaraele wambu dupwa iso kareyami.

Jasi 14:4 ပူးပေါင်းရင်းမြစ်များ

1 Kiŋi 12:15

Yuu Sailo range akali poropeta Ainja keta Jeropome Nepatena ikinyingi doko keta pii lamaiyamo doko Kamongome pyaka sipyali yaka leya. Renge dokona kiŋi dokome wambu dupwa kando anjiki pyuo kara naya.

1 Kiŋi 12:24

Nakamana yangone angi Isaraele wambu dupwa pyaa nalapape. Doo mende pipyamo doko nambame pipuŋu. Nakama peparae anda pupwape lena leya. Leyamo dokopa nakamame Kamongona pii doko warombo sepala kapu kyuo anda peyami.

2 Kiŋi 6:33

Pii dake lao oteyamopa aopa kiŋi doko epo pyaka sepala dopa leya. Randa dake Kamongo dokome namwa jilyamo. Dokona baa mende pira lao akipamo namba lama opetae isaro kararope? leya.

Samu 115:3

Namwana Anatu doko yake panda karamo. Baame pinya suu pilyamuli pyuo pingi.

Daniele 6:4

Dopa piyamosa akali yango yulu iso karenge dolapomepe dee gapomane dupwamepe Danieleme kiŋinya yuu iso karo yulu piyamo dokona aki koo mende pilyamo lao kando koto kareyami. Dopa piyaminyipape Daniele baa rape rape lao yulu angi kinyi keyange dokonako pipala yulu koope kopetamepe mende pii naya dokome baa aki koo mende pilyamo lao kotalana saka nayami.

Jasi 13:1

Isaraele wambu dupwame Kamongo kando kamba lao yulu kooko pyuo kareyamisa baame Pilisitia wambu dupwame Isaraele wambu dupwa ee kana akalisa kisima iso karena lao yaki nyiya.

Jasi 14:5

Samasone banya rakange endangipa role pyao yuu Timina dokona peyami. Papala nakama isa girapo ee dokona sukusa peyaminyi dokopa yuu dokona mena laene mendeme Samasone baa kando gasimwa poko baa nalana epeya.

Jasi 15:11

Doko sepala Juta range akali taosande rema (3,000) nakama yuu Etame lenge kananda karenge Samasone baa palu kareyamo dokona papala Samasone kando dopa lamaiyami. Pilisitia wambu dupwame namwa iso karaminyi doko emba see nalese? Embame aki mende piinyisa namwa keta randa dake epelyase? leyami. Dokopa baame isingi lamaiyuo, Nakamame namba dopa piyamiŋi dokona nambame nakama dopako piyu, leya.

Jasi 15:3

Samasoneme lamaiyuo, Dakepa nambame kapa pyuo Pilisitia wambu dupwa kando randa mende mairu, leya.