Jasi 13:6 - Anatunya Buku Baepole Ole Testamene Pii Lapo dee Nuu Tesamene

⁶ Enakana enda baa anda pao akalingi lamaiyuo, Anatunya akali mende namba pisipu dokona ipya. Ipyamo dokopa banya lenge kambu doko Anatunya aŋala dopale ingyapyamosa namba paka pipya. Dokopa nambame yuu anja karo ipya lao piso see napu. Dee aŋala banya kingi namba langi napyako, leya.

Jasi 13:6 ပူးပေါင်းရင်းမြစ်များ

Jenesese 18:2

Baa lenge pendakae lapala kandalyuo kandeyamo dokopa akali rema banya lenge kambu siya dokona roya kareyaminyi kandeya. Kandapala Aporakame anda kambu yaki nyuo makando papala nakama yako lao yuu dokona pangu siya.

Jenesese 32:29

Jekopeme baa kando lao, Embena kingi doko namba langi, leya. Leyasa isingi lao, Akipamo embame nambana kingi dokona piso silisi? leya. Lapala dokona karo baame Jekope yako lao elyape keta pisapala yaki nyuo peya.

1 Kiŋi 17:18

Dokopa enda dokome Ilainja kando lao, Anatunya akali doko. Embame namba keta akipamo yulu dake pilisi? Anatumi nambana koo dupwana kamba suu pyapala dokona dee nambana wane kumungi dokona pyambwakana lao ipisi? leya.

1 Kiŋi 17:24

Dokopa enda dokome isingi lao, Epapu namba silyu doko, emba Anatunya akali angi Kamongo dokome emba angi kinyi pii langipyalamo lao epapu namba silyu, leya.

2 Kiŋi 4:16

Kareyamo dokopa dee Ilaisame baa kando dopa leya. Rakya ee kana dokona yuu gii dakepa embame wane mende embena kingi dokona kupyuo retaro pisiri, leya. Wama anemapwae, Emba namba kando kyambo langi napipi. Emba Anatunya akali kandapi, leya.

2 Kiŋi 4:9

Enda dokome banya akalingi doko lamaiyuo, Akali dae yuu peparae epo karamo doko baa akali poo pyasi lamo lao silyu.

Ekesetase 3:2

Dokopa Kamongona aŋala mende isare uliyapu ingyuo isako ambu pyaro kareyamo dokona rao Mosese keta pano epeya. Mosese isare uliyapu nyuo isako dokona rao karo isako angi doko rao ota nayamo kandeya.

Ekesetase 3:6

Namba embena rakane dusipana Anatuŋu, leya. Leyamo dokonako lao, Aporakamena Anatu Aisakena Anatu Jekopena Anatu dokoŋo leya. Dokopa Mosese Anatu kandalana pakapala banya lenge kambu doko nee piya.

Luku 1:19

Dopa leyamo dokopa aŋala dokome isingi baa lamaiya. Namba Geperiele lenge dokome Anatunya lenge kambu dokona karenge. Waili pii keyange lalono doko emba langyala puu lapyasa epelyo, leya.

Luku 9:29

Papala baa ateŋa lao kareyamo dokopa banya lenge kambu doko wakale maro leya. Dokopa banya komau ama kyewa lao mama nyepala lepo lepo piya.

APOSELENA YULU 6:15

Dokopa akali wato andake lenge dokona peteyami dupwa peparaeme Sitipena kandaro piso banya lenge kambu aŋalana lenge kambu dopakale ingiyamo kandeyami.

Dutaronome 33:1

Moseseme baa Anatunya pii lamaingi akali dokome yuu gii repeta kumara ingiyamo dokopa Isaraele dupwa elyape keta pisara pii dapwa lamaiya.

1 Timoti 6:11

Emba Anatunya wambu dokome yulu koo doko waso karare. Yulu rolae dokonape Anatunya Imambunya yulu angipi kapa ingingi lao suu pingipi mona retenge rengepe Anatunya yulu yaki nyuo kaeya naope anjiki pyuope yulu dopale dupwa pyuo gii lao minyaro karare.

Orepalaisane 1:17

Nambame baa kandeyo dokopa banya kimbu dokona pao palipala kumasi ingyuo siyu. Dokopa baame banya kingi rolae dokome namba keta retapala langiya. Emba paka napipi. Namba wambowana karapala pao lumwa pingi ingyuo karo.

Jasi 13:10

Dokopa enda baa makando akalingi lamaiyala peya. Akali wamba namba pii langiya kande doko epapu dee epamo, lamaiya.

Jasi 13:22

Manoame etenge kamba lamaiyuo, Anatu kanda nange doko kandalyambano dokona nambwa kumarambana pilyape? leya.

Jasi 13:3

Dokopa Anatunya aŋala mende baa peteyamo dokona epapala lamaiya. Emba wane manji nao mee petenge kandale doko epapu emba repeta wane rombanda ingyaramopa wane ane manjiri, lamaiya.

Jasi 13:7

Dopa pipyamopape akali baame namba langyuo, Embena rombanda wane paliramopa wane ane manjiri, lapya. Baame namba langyuo, Ipwa waenepe ipwa ama porai dupwape nenge koope dupwa naa nao pepe. Doko wane baa range peparae Anatu maira. Baa kararamo yuu gii dusipana Nasaraite akali ingyuo karara, lapya, leya.

Jasi 13:8

Dokopa Manoame Anatu lao ateŋa leya. O Kamongo, embena akali pena lapipya doko dee kamba namba keta epena. Epapala dokome nambwa langyuo, Wane angi manjipala dokopa dopa pilapape lao langinya, leya.

Jasi 6:11

Dokopa Kamongona aŋala mende yuu kingi Opora lenge dokona epeya. Epapala akali Apisasena rara dokona akali Joase lengena yuu dokona epo banya isa oke renge dokona peteya. Mitiane akali dupwame kanda naramiŋi lao Joasena ikinyingi Gitione doko waene kingingi dokona witi jingi dupwa pyao inju baa yalu pyuo kareya.

1 Samyuele 2:27

Kamongona pii dake poropeta mendeme minyuo epo Ilai lamaiyala epeya. Embena imbwange akali Erone banya ree palu pipya kiŋi Perona karapusi yulu pyakamyuo yuu Isipi paleyamo dokopa namba rangeme epo baa keta maro leyoŋo, leya.

1 Samyuele 9:6

Dokopa kendemande akali dokome isingi lao, See. Yuu taone dakena Anatunya akalinde dopa pyuo koto saka nange doko dusa karamo lenge doko angi rolae lenge. Dokona lao wambu dupwame baa angingyuo karamo lao suu pyaro karaminyi. Akali karamo dokona nambwa bwua. Parambano dokopa dusa karamo lao laramo dokopa angi koto nyimbanale leya.