Ipuru 9:27 - Anatunya Buku Baepole Ole Testamene Pii Lapo dee Nuu Tesamene

²⁷ Wambu peparae yuu gii mendakiko iki kumungi kandale dokona enakana doko Anatumi kote sera.

Ipuru 9:27 ပူးပေါင်းရင်းမြစ်များ

Jenesese 3:19

Embame pusimi kumuo yulu pyuo nenge nao karerenepa malu pirami dokona lili pira. Emba yuumi wasiyunusa yuu ingyuo karene dokona dee yuuoko ingyuo pare, leya Anatumi.

Jopo 14:5

Banya yuu gii kanape karara dusipa embame lao retenge dokona kapa karapala yalara ingya nalyamo.

Jopo 19:25

Dopa pyuo lapunupape akali kamame wakasa mende yake panda dokona karamo dokome lumwa pyuo epapala namba pyuo nyera lao soo otelyo.

Samu 89:48

Api mendeme kuma nao mee karalu kararase? Apa pyuo malu anda paa naro lao range porayapala karalu kararamisi?

Ekelesiyastisi 12:7

Dokopa namwana yongo doko kapu kyuo isa yuu sinjimu dokona para. Imambu lete karenge Anatumi namwa jiyamo doko dee range baa keta para.

Ekelesiyastisi 3:2

Mandenge yuu gii dokope kumungi yuu gii dokope ee wara pingi yuu gii dokope manjo nenge yuu gii dokope dusipa baame rombo palyuo retenge.

Ekelesiyastisi 3:20

Dokona mena wambupi panda mendare yuu sinjimu dokona parami. Doko nakama peparae yuu sinjimu dokonako wasiyamo dokome nakama kamba dokonako parami.

Ekelesiyastisi 9:10

Kumunginya yuu dokona emba pare dokona yulu pingipi suu pingipi soo gisinginya rengepe mona palyuo soo nyinginya rengepe dupwa see naramo dokona emba yulu aki mende pinya suu pyao pilini dupwa poraiyuo pepe.

Luku 20:32

Enakana enda doko opetae kumuya.

APOSELENA YULU 17:31

Dokonako ingyuo akali mende rombo palyiyamo doko renge paliramopa yulu rolae pinginya renge dokome isa wambunya yulu dupwana lao rolara yuu gii baa dopa pira doko rombo palyapeya. Wambu peparaeme dopa piralyamo lao soo gisinya lao akali doko kumuo paleyamopa minyalyuo nyiya leya.

Orome 2:5

Dopa pipyamopape nakamana mona kana pokwapala soo nyii nalyaminyi dokona Anatu koo dupwa epe nasepala rolo laramo yuu gii dokopa nakamame kamame koo ingyuo randa nyerami kata doko range wapuo karamisa pilyamo.

Orome 5:12

Koo renge doko akali mendaki keta isa yuu dakena epeya. Banya koo piyamo dokome kumungi renge minyuo epeya. Wambu peparae koo pingi dokona kumungi renge doko nakama peparae keta minyuo epo raeya.

1 Korina 4:5

Dokona lao nakamame mendali keta kote lao koo epenge laa napala yuu gii angi pyaka seramo dokona Kamongome epo laramo dokona isaro karalapape. Kamongome iminjingi dokona yalu pyuo seramo duwpa yanganyi nembo epapala akalinya monana yalu piru kararamo dupwa pananyi nembara. Yuu gii doo akalinya yulu peparae kandapala dokopa Anatumi nakama koo panda keyange piyamilyamo lao kando lakandara.

2 Korina 5:10

Namwa peparae Koraisa kote lao karara dokona paramano dokopa baame namwa apa pyuo yulu piyami lao yapalyuo sera. Yuu gii dokopa namwa isa yuu karo yulu keyange pyuope panda yulu koo pyuope dokona namwana yulu piyamuli pyuo mendaki mendaki lao yole yano nyerama.

2 Timoti 4:1

Koraisa Yesumi wambu kumasi dee lete karaminyi dupwa peparae kote lara dokope dee Anatunya lenge kambu dokonape nambame emba poraiyuo dopa pyuo langilyu. Yesu Koraisa baa pano epapala Kiŋi ingyuo karalu kararamo dokona banya waili pii doko wambu dupwa polo lamaipi. Yuu gii rolae doko pyaka serape panda see nara doko mupwa daaŋa lao emba lamaiyuoko karape. Yesunya pii dokona kinyi letene lao suu pinya lao pyalana pyuo lamaiyuo wambu porainyi pyambuo nakamana koo dupwa pano lamaiyuo pyuo karalu karare.

Ipuru 10:27

Doko Anatu banya yanda pimwai kando kote lapala isare renge panda dokona kopeta kapeta pena laralyamo lao suu pyao mona nembo kararama ingilyamo.

1 Jone 4:17

Mona retenge renge doko namwa monarename ando nyimbulyamo dokome namwa Yesu pyuo kareyamo doko suu pyao pyuo karamano dokopa Anatumi kote laramo yuu gii dokopa eŋa nembapala kararama.

Juti 1:15

Wambu Anatu suu pyaa nao koo pyuo kamba letaminyi dupwa keta Kamongome nakamana koo dokona kote lara. Lapala dokopa akali dusipa Anatu dokona lao pii koo andake leyaminyi dokona randa maiyuo larako, Inokome leya.

Orepalaisane 20:11

Enakana kiŋinya petenge isa reeko kakepamendena mendali peteyamo kandeyo. Banya lenge kambu dokona yake yuupa dolapo mee ingyuo rali piyambinyipa dee kanda narami ingiya.