Ipuru 9:15 - Anatunya Buku Baepole Ole Testamene Pii Lapo dee Nuu Tesamene

¹⁵ Anatumi sukusa ipupwape lao kyakale leyamo dupwa keta lete renge mairunya leyamo doko nyepala karalu kararami lao Koraisa baa Anatunya lalu lao lenge pii enenge dokona kanya akali ingyuo kareya. Nakama ropo pyao nyili lao baa kumapala mawa pii wambarae siyamopa koo pyuo kareyami doko nembakamiya.

Ipuru 9:15 ပူးပေါင်းရင်းမြစ်များ

Samu 37:18

Banya letamuli pyuo warombo soo pii minyingi dupwa baame mondo lao rapu pyuo kararamopa yuu doko nakamana ingyalu ingyuo ingyara.

Daniele 9:26

Ee kana 434 epo paparamopa nakamame Anatunya rombo palyisi akali mupwa doko mee langa pyao kumakarami. Dokopa wambu iso karenge akali mupwa mendena ami yanda singi dupwame epapala yuu taonepe tembole andape dupwa pyao lalyuo kokwa serami. Anatumi yanda pyuo randa epo pira lao reteyamo doko ipwa kopetame palyuo epenge dopale ingyuo lumwa pyuo epara.

Matyu 19:29

Dokona suu pyao wambu mendeme andape panda yangonge dupwape panda pemalengepe panda rakange endangipi panda wane wanakepe panda yuu rangepe nambana kingi reke lao yaki nyiyami ramo dupwame akalisa pao akalisa pyasara pyasara pyuo alo pyuo nyerami. Nyepala kyakana renge kulisa palu palenge doko nyeramiko.

Matyu 22:3

Akali dokome banya kendemande akali dupwa lamaiyuo, Enda nyakamiru dokona nenge nala eparamili dupwa epena lala pena leya. Leyamo dokopa nakama pao lamaiyaminyi dokopa, Epa narama daa, leyami.

Matyu 25:34

Dokopa Kiŋi dokome banya kingi rolaerena kararami dupwa kando dopa lara. Rakangeme nyiso elyape keta pisiyamo dupwa baa yuu kanda soo wasiyamo dokopa isingi panda keyange mende wasakayamo dokona karala ipupwa lara.

Matyu 25:36

Namba papara epeyonopa nakamame komau wapwakayami kande, namba anga piyamopa nakamame namba kandala epeyami kande, namba karapusi anda paleyonopa nakama yako lala epeyami kande lara.

Make 10:17

Yesu panya kata nyiyamopa akali mende makando epapala. Yesu peyamo dokona wapambu pii pyaro piso baa piso soo leya. Mana Lenge elyape, apa pipala namba lete kulisa renge nyerose? leya.

Luku 18:18

Leyamopa kamongo mendeme baa piso soo, Mana Lenge elyape, apa pipala namba letena renge kulisa palu palenge doko nyerose? leya.

Luku 22:20

Nakama nenge nao oteyaminyi dokopa baa dopako pyuo pee lomasi doko nyepala dopa leya. Nambana ranjama Anatunya pii enenge lalu lao lenge doko isa paa nana lao pingi pyara doko suu pyao pee dake makande pyuo minyilyu. Nambana ranjama doko nakama reke lao kulimbwakalyo doko.)

Jone 10:28

Dokopa nambame nakama letena renge kulisa palu palenge doko mailyunusa nakama kumalu kumuo kuma naraminyipa nambame minyaro kararonopa mendeme kingi raka lao nyii narami ingilyamo.

APOSELENA YULU 20:32

Anatu nakama nyisapyali lao ateŋa lakalyo. Banya mona keyange palyuo ipingi pii dokome nakama ando nyimbwarami. Ando nyimbwaraminyi dokopa Anatunya wambu banya keyange jerali dupwa kapa nyerami.

Orome 5:10

Namwa Anatunya nyisu petenge ingyuo kareyama. Dopa piyamanopape banya Ikinyingi isa mamandona kumuyamo dokome Anatu baame namwa banya puu minyingi inginyi pyambuya. Epapu Anatunya puu minyingi ingyuo karamano dokona Yesu lete karamo dokome namwa dee kamame ingyuo nyisara.

Orome 5:6

Namwa saka nao peteyamanopa Koraisa wambu koo dupwana lao Anatumi yuu gii angi rombo palyuo reteyamo dokona kumakaya.

Orome 5:8

Namwa koo paleta peteyamanopape Koraisa namwana lao kumakayamo dokona Anatumi namwa angingyuo mona reto karo lao doko lasaka piya lao silyamano.

Orome 6:23

Koona yole nyilyamano lao dokopa kumungi renge nyerami. Dopa piraminyipape Anatumi Kamongo Yesu Koraisa keta letena renge mee jera.

Orome 8:28

Yuu peparae Anatu baa mona retenge wambu dupwa pipya yulu dupwana peparae keyange inginyi pyambuo pingi doko silyamano. Nakama banya yulu pirami lao kyakale leyamo wambu dupwa pipya dopa pyuo pingi.

Orome 8:30

Dokona lao Anatumi wambu yapalyuo nyiyamo dupwa kyakale leya. Baame kyakale iki lapala kaeyande daa. Baa keta nakama rolae inginyi pyambuo nyiya. Baame keta rolae inginyi pyambuo nyiyamo doko iki daa. Banya yanga paupau lenge doko nakama keta palena lao nyiya.

Orome 9:24

Dokona lao baame namwa kyakale leyamo wambu dupwa. Juu wambu yango sukusa ikisa kando laa naya. Rara wakale dupwa opetaesa leyamo piya.

2 Korina 3:6

Anatu baame iki namwa kana minyuo lenge enenge kapa pyuo inginyi pyambuya. Kana minyuo lenge enenge doko pepana pyasi lowa daa. Imambu dokome pingi. Lowa pyasi palamo dokome kumungi renge sipuro epenge. Ipyamopape Imambu dokome lete renge minyuo epenge.

Galasia 3:20

Dopa pipyamopape wambu mendaki iki karara ramo dokona kanya karo akali mendeme yulu pira ingya nalyamo. Dokona ingyuo Anatu baako iki yeelyo karenge.

Epesasa 1:7

Koraisana ranjama kulimbuo peyamo dokome namwa kiiramo nyisi karamano. Karamwanopa baa keta namwana koo dupwa kame sakapa pingi. Banya mona keyange palyuo ipingi doko andeyamosa namwa keta kakana pyuo jiya.

2 Tesalonaika 2:14

Waili pii keyange polo langiyamano dokome Anatu nakama kee lao nyiya. Nyiyamo dokona namwana Kamongo Yesu Koraisana neta renge doko nakama keta palira.

1 Timoti 2:5

Anatu baa mendaki iki karo, dee kanya akali mendaki doko Anatu akalipa nyuo pakao pingi doko Koraisa Yesuko karo pingi.

2 Timoti 2:10

Dokona lao Anatunya rombo palyisi wambunya reke lao randa peparae nyuo karapusa pilyamo. Doko Koraisa Yesumi nakama opetae lete nyakaramopa yanga paupau lenge panda dokona karalu kararami lao randa nao karo.

Taitesa 3:7

Banya mona keyange palyuo ipingi dokome Anatu namwana koo dupwa nyuo kame sakao roleyamo dokona namwa lete karenge dokona lao nyimwali yaka lao suu pilyamano doko kapa nyerama.

Ipuru 10:34

Wambu lapo puu anda paleyami dupwa kando kondo karo dee nakama rangena bange nyakamiyami dokopa mona yaepo kareyami. Nakamame bange kulisa sulu singi doko nyerama lao soo kapa kareyami.

Ipuru 10:36

Anatu laramuli pyuo maka nao waa waa lao pyuo kararami ramo doko baa yole jeroŋo laa lasaka piyamo dupwa nyerami ingilyamo.

Ipuru 11:13

Enda akalipi dusipa Anatumi bangende nyerami leyamo dupwa nyepa nao nanesale karo mee kyanyi kandapala, Namwa dae mee sisi panda ingyuo epo karamwano pilyamo lao kareyami. Dopa pyuo nakama Anatu kapa ingingi lao suu pyao karo kumuyami.

Ipuru 12:24

Anatunya pii enenge lao kana minyuo retelyamo dokona Yesu kanya akali ingyuo karamo. Dokona banya ranjama doko akali Epolona ranjama yango yano pyuo siyamo dopale ingyuo paa napala wambu sakao silyamo.

Ipuru 13:20

Yesu kumuo ranjama isa peyamo dokome Anatunya lalu lao leyamo pii doko kapa wai wara pisi silyamo. Namwana Kamongo Yesu baa kumuyamopa Anatu baa lopo nyiya. Nyiyamopa namwana sipisipi rapu pingi mupwa ingyuo peya.

Ipuru 2:14

Banya rara doko mee isa enda akali kareyaminyi dokona Yesu baa dokona mendali ingyuo isa komba pyao kareya. Dopa pyuo karo baame Satane kumungi renge minyaro karenge doko kokwa sinyi nembaro lao kumuya.

Ipuru 3:1

Yangonemoo Anatumi nakama kee leyamopa sukusa karaminyi dokona Yesu namwana Purisi Mupwa kanya akali ingyuo karamo doko suu pyale pyale karalapape.

Ipuru 6:13

Anatumi Aporakame kando mende piru lao lalu lao leya. Pii doko wambu mendena kingi lapala lara ingya nayasa baa mupwa dokome rangena kingi dokona lapala kingi ketae nembeya.

Ipuru 6:15

Aporakame maka nao waa waa lao pyuo kareyasa Anatumi leyamuli pyuo kando nyiya.

Ipuru 7:22

Dokona ingyuo Anatumi dopa pyuo Yesu purisi karalu karare lao lalu lao leyamo doko enenge kamame keyange enenge ingyuo para.

Ipuru 8:13

Anatumi lalu lao lenge pii enenge retelyo leya doko wambarae doko isa pelyamo lao leyasa piya. Bange wambarae momo nelyamo dokopa mee isa penge kandale.

Ipuru 9:12

Yesu Koraisa mena meme bulamakaopena rajama doko minyuo andakare paa naya. Rangena ranjama yuu mendaki dokonako kumuo maiya dokome namwa ropo pyao nyulu nyuo nyiyasa piya.

Ipuru 9:16

Juu wambunya yulu pinginyili pyuo akali mendeme kumalana karo dokopa wambo moyange dupwa dopa pyuo mokwa soo nyerami lao pepana pyao retenge. Baa ene kumapa naramo dokopa bange mokwa soo nyii nange.

Ipuru 9:28

Koraisa baa wambo yuu mendaki iki wambunya koo dupwana lao Anatupa kumuo maiyuo kaeya. Dee eparamo doko koo dupwanako kumala eparande daa. Baa epelyape lao iso pisarami dupwa nyeramo dokona suu pyale pyale epara.

Jemesa 1:12

Mendeme randa eparamopa mee kalyinyi pyambuo kararamo doko baa rae maiyuo para. Baa keta makande pingi wakale wakale eparamopa mee kalyinyi pyambuo karara dokopa Anatumi baa mona retenge wambu dupwa keta kyakana renge mairu lalu lao leya doko nyera.

1 Pita 3:18

Koraisa baa range yulu koo mende pii napalape namwa koo pingi wambu dupwa Anatu dokona lanyaro lao suu pyapala dokona lao kumakaya. Baa pyuo kumakayaminyipape banya imambu dokona lete peya.

1 Pita 5:10

Nakama yuu gii mendasipa iki yaso nao kararaminyipa Anatu mona keyange palyuo ipingi renge renge kuiyuo karenge doko nyisara. Nakama Koraisapa pako karo banya yanga paupau lenge panda sulu singi dokona ipupwape leyamo doko baame nakama sukunde ingyuo kiso rolapala nakama porainyi pyambwapala paka isa ingyaro kararami.

1 Jone 2:25

Dokonako ingyuo namwa baame langyuo lalu lao leya. Nambame nakama kyakana renge kulisa palu palenge doko jeroŋo leya.

Orepalaisane 5:9

kenane enenge mende dopa lao piyami. Embame iki kapa ingyapyamopa buku rongo pisi doko nyepala bange porai upi laro palenge dupwa kapa rokwanyi nembare ingilyamo. Emba pyao kumakayamisa embena ranjama dokome wambu dupwa Anatunya lao ropo pyao nyepala kinyi rara wakale wakalepe pii wakale ingyuo lengepe dee wambu rara peparae Anatunya arapunya nyuo palyii.