Ipuru 9:14 - Anatunya Buku Baepole Ole Testamene Pii Lapo dee Nuu Tesamene

¹⁴ Dopa pyuo kareyamiko doŋo Koraisana ranjama dokona yulu dupwana manda manji naya. Koraisa koo mende pali nange doko baame Imambu lete karalu karenge doko keta Anatu dokona namwana koo dupwana lao kumuo maiya. Banya ranjama dokome namwana yulu angi kapa pali nange dupwa poo pyanyi nembaramopa Anatu lete karenge dokona yulu minyarama.

Ipuru 9:14 ပူးပေါင်းရင်းမြစ်များ

2 Kiŋi 19:16

Epapu Kamongo namwa keta mende pilyamo doko kandape. Kamongo emba lete karenge doko kando akali Senakeripi dokome kilya kando letamo pii dupwa peparae sepe.

Samu 51:2

Nambana koo dupwa peparae nyuo wate pipala elya pyuo nembakare.

Ekesetase 12:5

Mena sipisipi panda meme mende nyepala kuiyuo naramiko doŋo, mena kali ene ee kana mendaki pasi dopale anga yakane palyuope rete pyuope pii nange doko nyerami.

Aisaya 42:1

Kamongome lao, Nambana kendemande nambame baa porainyi pyambungi. Nambame baa rombo palyapala baa kando raeko maingi. Baa keta nambana imambu dokome maralyiyu. Dokopa baame wambu rara peparae yulu rolae dokona polo lamaira.

Aisaya 53:9

Baa lowa mende yalope pii kyambo mende laope pii nayamopape baa koo pingi wambu pipya role pyao malu piyami. Baa akali kamongona panda dokona malu piyamiko.

Aisaya 61:1

Kamongo Mupwa Andake Wakasa dokome banya imambu doko namba keta palyuo simbwapya. Baame wambu pendewa dupwa waili pii keyange doko boo pyao lamaiyuo karape lao namba rombo palyapya. Mona yanyi pyapyamo karaminyi dupwa pyuo nyuo puu maisi karaminyi dupwa moko nyuo wambu isare rapyamo karaminyi dupwa mokwala pupi lapyasa epelyo.

Daniele 6:26

Nambame mawa pii dake reto lalu lao leto. Yuu muu nambame isingi dupwana wambu peparaeme Danielena Anatu doko mupwa lao suu pyao pakame kumuo rape rape lao laramuli pyuo kararami ingilyamo. Baa Anatu lete karalu karenge. Dee baame iso karo puu para. Banya kiŋi yulu doko kamame kokwa see narami. Dee banya porainya renge doko kamame ote pii nara.

Matyu 12:28

Dopa piraminyipape Anatunya Imambu dokome minyapyamopa imambu koo dupwa raka lanyi nembaro ramo doko Anatunya isingi yulu doko nakama keta ipyasa pipya.

Matyu 16:16

Saimone Pitame isingi lao, Emba Koraisa, Anatu lete karalu karenge dokona Ikinyingi doko, leya.

Matyu 20:28

Doko suu pyao Ikinyingi Akalimi baa wambumi isaro pyuo karena lao epa napala baame wambu dupwa isaro pyuo karala epeya. Baa range kumuo maira dokome wambu malu kiiramo nyela epeya.

Matyu 7:11

Dokona suu pyao nakama koo ingyuo petaminyi dokome wane wanakepe dupwa bange keyange maingi doko suu pyao Rakane yake panda karenge doko wakasa ingyuo karamo dokome baa piso serami wambu dupwa renge keyange mai narase?

Luku 1:74

Doko namwana yanda pimwai dupwana kingi raka lanyi nembaramopa namwa koo soo kararama leya.

Luku 12:24

Yaka simbairapinyi dupwa suu pyalapape. Dupwame ee wara pipala jingi lyii nange, bange retenge andape nenge retenge andape pipala kara nangeko. Anatumi nenge maiyuo karenge kandale. Dokona ingyuo yaka dupwa andake ingyapala nakama mee kuki ingyuo kandelyande daa.

Luku 12:28

Dokona suu pyao isoko epapu keyange andelyamo dupwa rakya dokopa nyuo isare dokona kisingi doko Anatumi au pyuo kandalapape lao yanenge keyange maingi doko suu pyao nakama dopako pyuo komau wapwaka narase? Nakama Anatu kapa pirape lao suu pingi lama manjo karaminyi.

Luku 4:18

Kamongona Imambu doko namba maralyipyamopa karo, dokona lao wambu pendewa dupwa waili pii keyange doko boo pyao lamaiyuo karape lao rombo palyapya. Puu maisi karaminyi dupwa mokwarami laope lenge kwaelyamo dupwa lenge rao kararami lao boo pyao lamaiyala pupi lapyasa epelyo. Wambu isare rao iso karaminyi dupwa mokwala pupi lao

Jone 3:34

Dokona lao Anatumi mapanyi peeyamo epeyamo dokome Anatunyako pii lao karamo. Anatumi Imambu doko pingyapala mainginde daa.

APOSELENA YULU 1:2

baa yake panda pulyuo peyamo liti dokona pii lumwa pyuo pyao oteyo. Imambu Poo Pyasimi Yesu nyisiyamopa banya disaepole yapo nyiyamo dupwa mana lamaipala yake panda peya gii dokonasa leto.

APOSELENA YULU 10:38

Yesu Nasarete range doko Anatumi Imambu Poo Pyasipi renge porai dokope maiya. Maiyapala Anatu baa role pyapeta kareyamopa baa yuu dupwana papyuo yulu keyange pyuo imambu koo dupwa raka lanyi nembo wambu pyuo nyepa piya.

APOSELENA YULU 14:15

Nakama akali dupwa apa pipyasa dopa pilyaminyi? Nambwa mee akali nakama dopale. Nakama mee bange kingi lao karaminyi dupwa yaki nyepala Anatu lete karalu karenge dokome baa yake doko pyuo waso yuu doko pyuo waso ipwa kotape dee dokona palenge dupwa pyuo waso piya. Wasiyamo dokoko mona kapu kyuo suu pyao karalapape lao waili pii keyange doko nakama langya epelyambano.

APOSELENA YULU 15:9

Baame namwa kamame mendepale inginyi pyambuo suu pyao nakama mee mende ingyuo suu pyao piyande daa. Nakamame Yesu kapa ingingi lao suu piyamisa monarena koo dupwa pyuo poo pyao nyakamiya.

Orome 1:20

Namwa Anatu lengeme kanda nayamanopa baa yuu wasiyamo dokona piso epo dakepape neta renge ingyuo porai wakasa karalu karenge ingilyamo doko panelyamo. Baa bange peparae wasiyamo dokome baa angi apiyakale doko panelyamo. Dokona ingyuo namwa baa see nayama larama dokona kata mende pali nalyamo.

Orome 1:4

Anatu porayapala Yesu lete minyalyuo nyiyamo dokome Yesu baa Anatunya Ikinyingi isa komba pyao poo pyasi karenge doko paneyamo silyamano.

Orome 11:12

Juu dupwame renge koo piyaminyi dokona lao renge keyange andake Juu daa rara wakale dupwa keta paleyamopa Juu dupwa imambunya pendewa peyamopa menge dupwa keta renge keyange andake nyiyami. Juu wambu peparae sukusa eparami dokopa renge keyange andake wakasa doko andara.

Orome 11:24

Nakama rara menge dupwa isa olipi aeyange dokona wangya lakyuo papala wamba karengenyili pyuo kara napala olipi angi keyange dokona rambu lapala andenge dopakale. Juu rara dupwa isa angi keyange dopakale. Dokona Anatumi isa wangya lakyuo epeyamo dokonako awa awa pyuo nyuo range kimbu sakamira.

Orome 6:13

Dopako pyuo yanenge rapu pyuo kara napala koo pundao paramuli pyuo pinya suu pyaa nalapape. Doko kaepala Anatu keta pyamalyuo karalapape. Nakama wambo kumasi ingyuo kareyaminyi dokopa Anatu pyuo nyiya doko suu pyao yulu rolae pinya wangu lakapala Anatu dokona pyamalyuo karalapape.

Orome 6:22

Dopa piyamopape dakepa nakama koo dokona kiiramo epapala Anatunya kendemande ingyuo karaminyi. Dokona lao nakama Anatunya angingyuo pelyaminyi dokona yuu gii lumwa piramo dokopa letena renge nyerami.

1 Korina 15:45

Baepole dopa pyuo letamo. Wambo epeyamo Atame doko mee isa akali ingyuo epeya. Enakana epeyamo Atame doko baa Imambu lete karengena maingi ingyuo epeya letamo.

2 Korina 5:21

Koraisa baa koo mende pii nange. Koo pii nayamopape Anatumi namwana koo dupwa Koraisa keta palena leya. Dopa piyamo dokona namwa baapa pako karo Anatunya rolae pingi renge namwa keta palamo.

2 Korina 6:16

Apa pyuo Anatunya Elyambu Pingi dupwape Satanena wambu dupwape role pyao kararamisi? Namwa Anatu lete karengena tembole anda dopale karamano suu pyalapape. Anatu baa range dopa pyuo leya. Namba nakama pipya yalya kando role pyao kararo. Namba nakamana Anatu ingyaronopa nakama nambana wambu ingyarami.

Galasia 2:19

Lowa dokome namba mata rukyu piyamo kumasi ingyuo kareyo. Lowa rangeme dopa pyuo namba pyao kumuyamopa epapu Anatunya lete dokona karalu kararo. Koraisapa isa mamandona kumasi paleyo dokona epapu namba range angi kara nalyo. Koraisa banya lete renge doko namba keta palamo. Epapu yulu pyuo karo dupwa Anatunya Ikinyingi namba mona retapala kumuyamo doko baa kapa ingingi lao suu pyao pyuo karapusa pilyamoko. Anatunya mona keyange palyuo ipingi doko mata maiyuo nemba nalyo. Akali dupwa Lowa dokome Anatupa rolae ingyuo peyamili doko Koraisa baa mee kumuo paleyali.

Epesasa 5:2

Koraisa namwa mona reteyamo doko suu pyao yango mona reto karalapape. Baame mona retapala namwana lao kumuo maiyamopa rendamu kyaa keyange nyingi dopale Anatu nyiya.

Dutaronome 31:27

Nakama mona kana pokapala kambako lao parami doko silyu. Namba ene kumapa nalyo dakepa Kamongopa kamba lao karaminyi dokona kumaro dokopa angingyuo suku manjo kamba laramilyamo.

Dutaronome 33:27

Anatu baa yuu peparae nakama kyawa minyuo karenge. Banya kingi dolapome nakama paka pyao soo karalu karenge. Nakamame pyao pelyaminyi dokopa baame nakamana yanda pimwai dupwa pyao ralinyi nembakange. Dopa pyakapala nakama langyuo, Pyao kokwa selapape, lao langingi.

1 Tesalonaika 1:9

Namwa nakamana yuu dokona kanda soo epeyama dokopa nakamame yako lapala yulu andake piyami doko wambu peparae lao karaminyi. Dokona lao nakamame bange wakale anatu yaleoko kingimi waso kareyami dupwa yaki nyepala Anatu angi lete karenge dokona dokoko wambu peparae lao karaminyi.

1 Timoti 1:17

Kuma napala karalu karenge Kiŋi doko baa wambumi kapa kanda nange Anatu mendaki doko kando wambu peparaeme lakandapala kingi ketae nembo karalu kararami doko kinyi.

1 Timoti 3:15

Namba waiya lao epa naro ramo dokopa emba pepa pyao jilyu dake kando yaka lapala namwa apa pyuo Anatunya Elyambu Pingi ree palu wambu dupwa kapa rolae pinginyili pyuo pirama lao sere. Elyambu Pingi doko lete palenge Anatu dokona ingyaro karapyamopa dokome kinyinya renge dokome paka pyao sakao karamo.

Taitesa 2:14

Koraisame baa namwana koo dupwana kumuo jepala namwa baa rangena wambu kipungi poo pyasi inginyi pyambuo kiiramo nyiya dokome yulu keyange dupwa angingyuo pinya suu pyao pimana.

Ipuru 1:3

Ikinyingi doko Anatu peparae isa komba pyapala Rakangena yanga paupau lenge doko neta ranyi peenge. Banya pii porainya renge paleta dokome yuu muu dupwa peparae renge kuiyuo minyaro karenge. Baa isa wambunya koo dupwana pyuo elya pyuo nyepala yake pandana mupwa Anatu dokona kingi rolaerename pao peteya.

Ipuru 10:10

Yesu Koraisame Anatu leyamuli pyuo baa rangena yongo doko Anatu suu pyao mendakisa iki kumuo maiya dokome namwana koo dupwana elya pinyi nembo nyiya.

Ipuru 10:12

Koraisa baa yuu mendakinya kumuo maiyuo dokome mena kiso maingi yulu doko kyawa pyalu pyao piyamopa Anatunya kingi rolaerename dokona peya.

Ipuru 10:2

Dopa pyuo paa nayamosa nakama ee kana yaka lao koo dupwana mee aiya lao mena pyao kiso pyuoko kareyami. Mena pyao kiso maiyami dokopa koo dupwa angi isa pelyamo lao siyamili doko deeko pyao kisapa kisapa piyami doko kaeyamili.

Ipuru 10:22

Dokona lao suu pingi lamana palya nao Anatu baame namwa kapa nyera doko soo gisapala karo mona anda yapasi dokome koo mende range keta pali nalyamo doko monarena pyapi pyuo soo kaepala ipwa yapasi dokome yongo wate pipala Anatu dokona repe repe pyuo monale.

Ipuru 11:21

Jekope Anatu kapa ingingi lao suu pyao karapala kumalana karo dokopa Josepena wane dolapo laparae ketae pyambuo leya. Banya pangali isa dokona paa pyaro karo Anatu lao mona kando kingi lao kareya.

Ipuru 13:12

Menana yanenge dupwa taone kame netarena mee kisinyi nembenge doko suu pyao Yesu baa taone netarena dokona banya ranjama angi doko wambunya koo dupwa wate pinyi nembaro lao yaso koo nao kulimbuo maiya.

Ipuru 3:12

Yangonemoo nakama lapome mona koo palyuo lete karenge Anatu baa kapa ingya nange lao suu pyapala neta pasasarami lao waso karalapape.

Ipuru 6:1

Dokona lao Kurisene yulu dokona pii kanda sowale soo nyiyama dupwako yeelyo minyaro kara namanale. Namwa anda pinya dokopa pinginyame iki karo pyuo puu paa nange kandale. Renge mende pali napyamo mee pyuo karaminyi yulu dupwa kaeyapala mona kapu kyuo Anatu kapa lao suu pingi dokope dee koo dupwa ipwame poo pyao nyingi yulu dupwanape misi lao wambunya ayemba minyinyi piso karo rombo palyingipi wambu lopo eparami dokonape dee lapo koo dokona karalu kararami.

Ipuru 7:16

Lipaena rarame pinginyili pyuo wambunya yulu palyuo Yesu purisi ingyuo rombo palyuo kareyaminde daa. Baa lete karalu karara renge porai dokome purisi ingyuo peya.

Ipuru 7:27

Baa purisi menge dopale daa. Doloma nakama rangena koo dupwana wambo Anatu dokona lao mena pyao kiso maipala enakana wambu menge dupwana lao kiso maiyakamingi. Baa dopa pyuo pii napala yuu mendaki dokonako baa range Anatu dokona namwana lao kumuo maiya.

Ipuru 9:12

Yesu Koraisa mena meme bulamakaopena rajama doko minyuo andakare paa naya. Rangena ranjama yuu mendaki dokonako kumuo maiya dokome namwa ropo pyao nyulu nyuo nyiyasa piya.

Ipuru 9:26

Baa ee kana yaka lao kumuo maiyuo peyali doko Anatumi yuu wasiyamo dokona piso yuu malu randako pyuo ipu epeyali. Doko kaepala yuu gii repeta lumwa pira ingiyamopa Koraisa isa epo namwana koo dupwa rekya lao nyelana suu pyapala yuu mendakisa kumuo maiya.

Ipuru 9:7

Tembole anda urumu lapo pyuo dokona purisi mupwame iki papala ee kana mendena larapu karapa pingi. Banya koo dupwanape dee wambu kamenge koo piyami dupwanape lao ranjama minyuo kisala kolando papa piya.

Ipuru 9:9

Pii wamba lao ranaisa poko sereyami doko yuu mange dakepana manda manjo palamo. Lowa wambarae dokona bange mee maingi dee kiso maingipi yulu dupwa paleya. Dopa piyaminyipape mena kiso maiyaminyi dupwana monarena koo dupwa angi kwuanyi nembakamiyande daa.

1 Pita 1:19

Koraisa baa sipisipi ikyane usa mende nyisa pisa nange dopale ingyapala nakamana lao kumuo maiyamopa kiiramo epasi karaminyi.

1 Pita 2:22

Koraisa baame yulu koo mende pipala kyambo pii mende leyamo siyaminde daa.

1 Pita 2:24

Namwa yulu koo dupwa yaki nyuo kaeyapala rolae pirami dokona lao Yesumi isa mamando dokona namwana koo dupwa paleta siya. Baa piyami dokome nakama pyuo nyisi karaminyi kande.

1 Pita 3:18

Koraisa baa range yulu koo mende pii napalape namwa koo pingi wambu dupwa Anatu dokona lanyaro lao suu pyapala dokona lao kumakaya. Baa pyuo kumakayaminyipape banya imambu dokona lete peya.

1 Pita 4:2

Wamba yulu koo wangu lakapala pyulu pyuo pyuo kareyami dupwa epapu kapa kaepala Anatunya pii laramuli pyuo pipape.

1 Jone 1:7

Baa yanga paupau lasi dokona karenge doko suu pyao namwa yanga paupau lasi dokona kararama ramo dokopa namwa lao yalya kando pisiramano banya Ikinyingi Yesunya ranjama dokome namwana koo dupwa peparae kwuanyi nembapa pyakara.

1 Jone 3:5

Yesu baame namwana koo dupwa ramanyi nembala pano epeya lao soo gisilyaminyi kande. Baa koo mende pali nange.

1 Samyuele 17:26

Akali doo baa kareyamo dokona kareyami dupwa Dapitimi piso soo, Pilisitia akali dake pyapala Isaraele wambu dupwa mona rando karaminyi dokona kiiramo nyera ramo doko aki bange mende nyerase? Dee dokopa Pilisitia akali Anatu suu pyaa nange doko akipamo Anatu Lete Karengena yanda singi dupwa isa palyarase? leya.