Ipuru 4:15 - Anatunya Buku Baepole Ole Testamene Pii Lapo dee Nuu Tesamene

¹⁵ Namwana purisi mupwa dokome namwa monarena randa nyilyamano dokopa konda nao mona kana ingyapyamo karande daa. Baa koo dupwame namwa pilyamuli pyuo makande piyamo nakanjo siyamopape baa ketako koo angi pali nange.

Ipuru 4:15 ပူးပေါင်းရင်းမြစ်များ

Aisaya 53:9

Baa lowa mende yalope pii kyambo mende laope pii nayamopape baa koo pingi wambu pipya role pyao malu piyami. Baa akali kamongona panda dokona malu piyamiko.

Osia 11:8

Isaraele wambu dupwa nambame nakama apa pyuo yaki nyuo kame soo kaeyarose? Yuu taone Atama Sepoimipa pyao kokwa siyunuli pyuo nakama pyarose? Namba nakama mona retapu doko mee ketae ketae reta nange dokona nakama pyaro ingya nalyamo.

Matyu 12:20

Baame angi kwaeyamo doko kokwa see nara. Dee lambe kuki rao seramo doko kunjinyi nemba nara. Baa yulu rolae pingi doko wakasa inginyi pyambwara.

Matyu 4:1

Dokopa Imambu dokome Yesu nyuo lanyuo yuu muiyane dokona peyamopa Sataneme baa makande piya.

Luku 22:28

Namba keta randa wakale epeyamopape nakamame namba yaki nyii nayami.

Luku 4:2

Baa yuu akalisa pao kisima yuu muiyane dokona Satane dokome apa pilyape lao kandalana makande pyuo kareyamo kareya. Dokopa yuu gii dusipana nenge naa nao karapala baa lopaya.

Jone 8:46

Nakama karaminyi dokona api mendeme namba kando koo piinyi kandeyo lao kapa neta pyaramisi? Namba pii kinyi laro ramo doko akipamo nambana pii kinyilyamo lao suu pyaa nalyamisi?

Orome 8:3

Yanenge dokome poraiyuo Lowa kata dokona pira ingya nayamo dokona Anatumi piya. Baame banya Ikinyingi yeelyo pena leyamopa namwana koo yanengena palamo doko nyuo nembeya. Dopa pyuo pena leyamopa Ikinyingi doko mee isa wambu koo dopale ingyuo koo doko nembaroŋo lao epeya.

2 Korina 5:21

Koraisa baa koo mende pii nange. Koo pii nayamopape Anatumi namwana koo dupwa Koraisa keta palena leya. Dopa piyamo dokona namwa baapa pako karo Anatunya rolae pingi renge namwa keta palamo.

Ipuru 4:14

Anatunya Ikinyingi Yesu baa karamo mare angi dokona namwa nyisalana purisi mupwa ingyuo karamo. Dokona lao baa mona maingi yulu dokona sero kaeya namana.

Ipuru 5:2

Purisi doko baa range mee isa akali yulu koo pingi dokome wambu yango kamenge karo yulu koo piraminyi dokopa anjiki pyuo nyisingi.

Ipuru 7:26

Yesu baa purisi mupwa keyange dokome randa epelyamo dupwa kunjinyi nembakao angi kapa pyala paramopa nyisara. Baa yulu koo mende pii napala poo pyasi ingyuo karamo. Baa isa wambu koo pingi dokona yapo nyisinde yake panda dokona karamo.

Ipuru 9:28

Koraisa baa wambo yuu mendaki iki wambunya koo dupwana lao Anatupa kumuo maiyuo kaeya. Dee eparamo doko koo dupwanako kumala eparande daa. Baa epelyape lao iso pisarami dupwa nyeramo dokona suu pyale pyale epara.

1 Pita 2:22

Koraisa baame yulu koo mende pipala kyambo pii mende leyamo siyaminde daa.

1 Jone 3:5

Yesu baame namwana koo dupwa ramanyi nembala pano epeya lao soo gisilyaminyi kande. Baa koo mende pali nange.