Ipuru 3:9 - Anatunya Buku Baepole Ole Testamene Pii Lapo dee Nuu Tesamene

⁹ Anatu lao dokopa nakamana kauwane dupwame ee kana akalisa kisima (40). nambana yulu kando karapalape namba alyungu mambu ingyuo minyuo kui leyami leya.

Ipuru 3:9 ပူးပေါင်းရင်းမြစ်များ

Samu 95:9

Nakamame nambana yulu piyunu doko kando karapalape namba alyungu mambu ingyuo minyuo kui leyami.

Ekesetase 19:4

Namba Kamongo dokome Isipi wambu dupwa piyunu doko nakama kandeyami kande. Yaka kambe dokome banya ikyane papake dokona koko palyuo lanyuo penge dopale ingyuo nambame nakama lanyuo epeyo kande. Epapala nakama namba pipya role pyao karamano.

Emosa 2:10

Nambame nakama yuu Isipi piso neta nyuo lanyuo epeyo. Epapala ee kana akalisa pao kisima nembo yuu muiyane dokona laminyuo epeyo. Epapala dokopa Amo wambunya yuu doko nakamana inginya lao nyuo jiyu, kande.

Nambase 14:33

Nakamame namba epe kanda nao mata joo kareyaminyi dokona nakamana wane wanakepe dupwa randa nao ee kana akalisa kisima dusipana yuu muiyane dakena ralo papyuo kararami. Dopa pyuo papyuo karo pao nakama peparae kumaraminyipa wane wanakepe dupwa yuu dokona parami.

Luku 7:22

Dokopa baame nakamba isingi lamaiyuo, Kando simbinyi dupwa Jone lamaiye pupwape. Lenge kwaeyalu kwaeyo kwaenge dupwa kapa kandelyaminyi, kimbu koo dupwa kata papilyaminyi, rapa nenge dupwa rapa loo lapyamopa mee karaminyi, akali kale poenge dupwa pii silyaminyi, kumasi simi dupwa lete karaminyi, wambu pendewa dupwa waili pii keyange boo pyamwanopa soo karaminyi.

APOSELENA YULU 13:8

Leyamopa pipuli akali doko Elimasa lenge (yuu range wambu dupwame kingi dopa leyami) baame kyapo mupwa doko Yesunya pii see nana lao nakamba kando sisi nyiya.

APOSELENA YULU 7:36

Akali dokomeoko Ipuru wambu dupwa Isipi kareyami yuu doko nakama nyuo neta lanyuo peya. Baame yuu Isipi dokonape ipwa kota Kone lenge dokonape yuu muiyane ee kana akalisa kisima kareyami dokonape yulu andake wambu dupwame kando yamarangwarami dopale pyuo lasaka pyuo kareya.

Dutaronome 4:3

Yuu kyau Piyo lenge dokona Kamongome yulu mende piyamo doko nakama kandeyami kande Bealo doko anatuŋu lao lakandeyaminyi wambu dupwa peparae pyao kokwa sinyi nembeya.

Dutaronome 4:9

Nakama kandokondali pyuo karalapape. Yulu dupwa nakama rangena lengeme kandeyaminyi dupwa yuu gii kararaminyi dusipana kame see nalapape.

Dutaronome 8:2

Dokona ee kana akalisa kisima epo peyamo dusipana nakamana Kamongo Anatumi yuu muiyane dokona kata londena lanyuo epeyamo doko suu pyalapape. Baame nakama keta randa wakale wakale dupwa pyuo dee nakamana mona dokona aki mende suu pilyaminyi lao kandope banya mawa pii dupwana warombo soo minyuo karamipi lao nakama makande pyuo yulu piyamo doko suu pyalapape.

Dutaronome 8:4

Ee kana doo akalisa kisima dusipana nakamana komau dupwana mendepe kangyuo nyisa paa nao nakamana kimbu dupwa rondo lao pii naya.

Josua 24:7

Epeyaminyi dokopa nakamana rora ambasu dupwa ipwa kota Kone lenge dokona kando nyepala namba keta ateŋa lao kandokondali pyuo nyisinya lao piso soo leyami. Leyaminyi dokopa nambame Isaraele wambupi Isipi wambupi dupwana kanya dokona liti pyuo yuu doko iminjanyi pyambuyu. Pyambwapala nambame Isipi range dupwa ipwa kota dokome nyuo yambe pyapala ipwame nena leyo. Nambame Isipi wambu dupwa keta yulu piyu doko nakama soo nyilyaminyi. Nakama yuu muiyane dokona ee kana malu mee nembo paleyami.

Josua 5:6

akali kapa yanda piramili dupwame Kamongo kando kamba lao kareyamisa yuu muiyane kata papeyaminyipa peparae kumuo oteyami. Baame akali kumuyaminyi dupwa lamaiyuo, Yuu amenge pingi ee nengepe ando kamonganyi nembenge doko nakama jeroŋo lao nakamana rora ambasu dupwa pipya lalu lao lao lamaiyunu nakama doko kapa kanda narami lao lalu lao leyamuli pyuo piya.