Ipuru 3:3 - Anatunya Buku Baepole Ole Testamene Pii Lapo dee Nuu Tesamene

³ Akalimi anda keyange pilyaminyipape andana kingi doko ketae paa napala akalinya kingi ketae penge. Dokonako ingyuo Mosese kaepala Yesu neta renge ingyuo karamo.

Ipuru 3:3 ပူးပေါင်းရင်းမြစ်များ

Matyu 16:18

Dokonako ingyuo emba Pita lenge (pii doko kana dopale) doko suu pyao kana andake dokona nambame nambana Elyambu Pingi doko pyakalyinya lao elya piru. Dokopa kumunginya renge porai dokome Elyambu Pingi doko kapa pyao amasu minya nara.

1 Korina 3:9

Dokona namwa ree lao karo Anatunya yulu role pyao pyuo karamano. Dee nakama Anatunya yuu doko. Nakama Anatunya anda opetaeko ingilyamo.

2 Korina 3:7

Anatumi Lowa doko kana dolapona pyao retapala Mosese maiyamo dokopa banya yanga paupau lenge renge doko Mosesena lenge kambu dokona yanganyi peeya. Dokome lenge aumiyasa Mosesena lenge kambu kandalana saka nayami. Enakana dokopa Mosesena lenge kambu mee ingiya. Lowana yulumi kumungi renge minyuo epeya doko yanga paupau lengende epeyali

Kolosi 1:18

Elyambu Pingi doko banya yongo ingingi. Baa dokona akali kyawa ingyuo karamo. Banya yongo dokoko baa dokona piso renge kuiyuo epeya. Kumapala sipurao lete parami dupwana baa kanda soo lete epeya. Epo baa peparaena mupwa ingyapala karamo.

Ipuru 2:9

Yesumi angingyuo rapu pyuo karamo doko kandelyamano. Baa isa panda kareyamo yuu gii dusipana iki aŋala dupwana isarena ingyuo kareya. Dokona karo wambu peparae lao kumuo maiyamo dokome epapu Anatunya yanga paupau lenge panda dorena Kiŋi ingyuo petamo. Anatumi ipyapala mona keyange palyuo Yesu isa wambu dupwana lao kumala pena leya.

Ipuru 3:4

Dokona lao anda dupwa wambumi piminyi pisi karamo doko suu pyao Anatumi bange peparae wasiyamo silyamo.

Ipuru 3:6

Dopa piyamopape Koraisa baa Anatunya wambu dupwana kyawa nyuo iso kareya. Namwa kaeya napala Yesu epara lao mona kare kare kararama ramo doko Anatunya ree palu ingyuo kararama lyakande.