Ipuru 13:6 - Anatunya Buku Baepole Ole Testamene Pii Lapo dee Nuu Tesamene

⁶ Dokona lao mona porayapala, Kamongo doko nambana nyisingi karamo. Wambumi mende piraminyi lao pako kararo doko kapa daa, lamanale.

Ipuru 13:6 ပူးပေါင်းရင်းမြစ်များ

Jenesese 15:1

Yuumange lama papeyamopa Kamongome Aporame keta pii repa repa pyuo lamaiyuo lao, Aporame emba paka napipi. Namba embena konambe ingyuo karo. Embena yole andake ingyuo paramo nyere, leya.

1 Kiŋi 17:8

Dokopa Kamongo dokome Ilainja lamaiyuo lao,

Samu 124:8

Namwa nyisara doko Kamongo yake yuupi wasiya doko keta epenge.

Samu 27:9

Nambapa lao yalu pii napipi. Nambapa imbwa napipi. Embena kendemande kala pena laa napipi. O Anatu, nambana pyuo nyingi doko embame namba nyiso karapi kandapi dokona namba kyawa yaki nyuo kaeya napipi.

Samu 33:20

Namwa Kamongo keta pyamalyapala karamano lao sepala kararama. Baame namwa nyiso kingi kapeme nee pyuo minyuo papingi.

Samu 40:17

Namba mendali range palya nao mee isale karenge. Dopa pyuo karalonopape Kamongoembame namba kame see nange. Emba nambana Anatu nambana pyuo nyingi ingyuo karene dokome waiyako lao namba nyiso karape.

Samu 63:7

Renge dokona lao embame namba yuu peparae nyisingi. Embena arapu dokona karenge dokona lao rae maingi kenane dupwa pyao karo.

Ekesetase 18:4

Kiŋi Perao dokome pyao randa jii nana lapala nambana rakangena Anatu dokome namba nyiso kyawa minyiya. Lapala banya wane mende dokona kingi Eliase leya. (Kingi Eliase doko Anatumi namba nyisingi dopale lenge.)

Aisaya 41:10

Namba nakama pipya role karapunu pilyamoŋo pakame kumuo kara nalapape. Namba nakamana Anatuŋu bange mendemepe nakama keta paka mona palyinyi pyambwa nanale. Nambame nakama porainyi pyambuo nyiso kararo. Namba konambena mendeke alya isa ingyuo kyawa lete nyuo nyiso kararo.

Aisaya 41:14

Kamongo dokome lao, Isaraele wambu dupwa nakama kuki ingyapala porai ingya napyamopape namba nakama nyisaroŋo paka nalapape. Namba Isaraele wambunya Anatu poo pyasi dokome nakama kyawa lete nyuo nyisiyu kande.

Matyu 10:28

Dokona suu pyao nakamana yanenge ketae iki pyao kumakapala imambu pyao kumakalana saka narami dupwa paka nalapape. Imambu yongope laparae isare panda dokona kapa kokwa sinyi nembara doko kando pakalapape.

Orome 8:31

Dopa pyuo silyamo dokona apa laramase? Anatumi namwa tee lapala karara ramo api mendeme namwa randa jerase?

Epesasa 3:12

Yesu kapa ingingi lao suu pyao baa keta pyamalyisi karo dokopa Anatu karamo dokona eŋa nembo mee kapa parama doko silyamano.

Dutaronome 33:26

Isaraele wambu dupwa selapape. Anatu mende nakamana Anatu kamame andake neta renge dokome yake dorena piso oko soo epo dee kopa rakapana dokona piso nakama nyisala epenge kandale dopale mende kara nalyamo.

Dutaronome 33:29

Isaraele wambu nakama raeme kumulyaminyi kande. Kamongome nakama nyiso lete nyipyamo dopale ingyuo yuu liti menge dupwa Kamongome nyisapyamo kara nalyaminyi. Kamongo baa nakamana konambe wua gelape ingyuo baa nenge nyakalyamo. Dopa pipala nakamana yanda pimwai dupwame sakame kumuo karamili lao piso soo epeyami kande dokopa nakama pyao kalya pisi pisi pyuo anamo kararami.

Ipuru 10:19

Yangonemoo Yesunya ranjama namwana lao kulimbuo jiyamo dokona lao urumu kamame poo pyasi dokona mendeme kata rokwa naramopa kapa parama.

Ipuru 4:16

Dokona lao Anatu mona keyange palyuo ipyuo karamo mare dokona eŋa paramopa monale. Baa ipyapala mona keyange palyuo karamo dokome koo keta palyuo kararama gii dupwana kondo nyisapa nyisapa pyuo karara.