Ipuru 13:21 - Anatunya Buku Baepole Ole Testamene Pii Lapo dee Nuu Tesamene

²¹ Anatu mona kyuu lao singi renge maingi doko baa nakama mora pisinyi pyambwaramopa Yesu Koraisa keta namwa yulu baa pipili lao suu pilyamo dupwa pimwali yaka. Koraisa baa neta renge ingyuo karalu karara, doko kinyi.

Ipuru 13:21 ပူးပေါင်းရင်းမြစ်များ

Matyu 12:50

Nambana Rakange yake panda karamo dokome lapyamuli pyuo pyuo karaminyi dupwa nambana yangonge pemalenge endangipi ingyuo pelyaminyi leya.

Matyu 21:31

Wane lama kareyambi dokona anjukumi rakange leyamuli pyuo piyase? leya. Nakamame lao, Wane mupwa doko, leyami. Yesumi nakama lamaiyuo, Kinyi langilyu. Takisi nyingi akali dupwape enda pamuku dupwape Anatunya isingi yulu palenge dokona sukusa pao nakamba dupwa nyuo enakalyaminyi.

Matyu 28:20

Nambame nakama dopa pipwape dopa pipwape lao langyuo karenge pii dupwa peparae minyuo pyuo karena lao mana lamaipwape. Dokopa isa wambu karamano yuu gii doko ene lumwa pipa naramopa namba nakama pipya yuu peparae role pyao kararama lyakande, leya.

Matyu 6:13

Namwa makande pira ingilyamo dokona embame namwa lanyuo paa napala koo dokome maralyasara lao kyawa minyuo karape. Pii dopale lao ateŋa lalapape.

Matyu 7:21

Namba kando, Kamongo, Kamongo larami wambu dupwa peparae yake pandana isingi yulu dokona sukusa paraminde daa. Nambana Rakane yake panda karenge dokona pii warombo soo kararami dupwa yapo kapa parami.

Jone 17:23

Nakama mendaki ingyuo karamili lapala emba namba keta kararenepa namba nakama keta kararo. Dokopa isa wambu dupwame embame namba mapanyi peeyapala namba mona retenge doko suu pyao nakama mona reto kareneko lao soo gisarami.

Jone 7:17

Akali mende baa laramuli pyuo pyuo karapuli lao suu pyara ramo doko mana pii doko Anatunya panda nambame iki sisu lao letepe lao soo gisara.

Orome 11:36

Anatu baame bange peparae pyuo wasiya. Wasapala bange peparae banya kingi kapena pyuo wasisi dupwa banya ingyuo silyamo. Anatu baa neta renge ingyuo karalu karenale, doko kinyi.

Orome 16:27

Anatu baa iki karenge dokome singinya renge peparae baa keta simu pyao silyamo. Baa dokona lao neta renge yulu doko Yesu Koraisa keta Anatu baa lakando palu palena, doko kinyi.

2 Korina 9:8

Dopa pyuo pirami ramo doko Anatumi isingi bange kuki lama jii nara ingilyamo. Nyepengele dupwa kapa seramopa dee wambu lapo nyisalana suu pyarami ramo kakana pyuo seramo dokona pingyu nyepala kapa konda pyuo mairamioko.

Galasia 1:5

Dokona lao Anatunya kingi doko lakando palu palena, doko kinyi.

Epesasa 2:10

Anatu range namwa wasiya. Namwa Koraisa Yesupa pako yulu keyange pirami lao wasiya. Namwa kata rolae dupwana papyuo kararama dupwa Anatumi wamba rapa rapa piya.

Epesasa 2:18

Koraisa yulu andake piyamo dokona namwa rara laparae Imambu Poo Pyasi keta Rakange Anatu dokona repeta eparama.

Dutaronome 32:4

Kamongo baa nakamana kyawa minyuo iso karenge ama porai wakasa. Baame yulu peparae dupwana mende kyai pii nao rolae iki pingi. Nakamana Anatu baa alowa pii nao kinyi angi dokona palyuo karenge. Baame rolae ingyuo karo wambu peparae keta kapa kapa pingi.

Pilipai 1:11

Renge rolae keyange dupwa Yesu Koraisa keta iki sipurao epenge dupwa peparae nakama keta palyuo simbwanale leto. Nakama keta palira ramo doko Anatunya kingi ketae pyambuo lakando palirasa pira.

Pilipai 2:11

Lakando dokopa wambu peparaeme Yesu Koraisa doko baa Kamongo doko lao kararami. Dopa pyuo lakandarami dokome Rakange Anatunya kingi ketae pyambuo parasa pira.

Pilipai 2:13

Anatumi nakama keta yuu peparae waa waa karanyi pyambuo dee banya renge dupwana warombo serami lao pingi.

Pilipai 4:13

Koraisa baame namba porainyi pyambuyasa yulu peparaena lao mona kuki palyuo karenge.

Pilipai 4:18

Bange malu kamame konda pyuo jiminyi dokona kapa karapala sangyu lao pepa dake isingi pyao jilyu. Ipaporaitasa baame nakamana bange jiminyi dupwa peparae namba nyipunu dokome epapu mende namba yangya nara ingilyamo. Anatu kyaa pyuo rendamu pingi mailyaminyipa kando nyuo rae maiyuo pingi doko.

Kolosi 3:17

Nakama yulu pyuope pii laope Kamongo Yesunya kingi dokona suu pyao pyuo karalapape. Pyuo karo dokopa Koraisa keta Rakane Anatu sangyu larami.

Kolosi 3:20

Wanenge ikinyingipi dupwa nakama yuu peparae rakane endakinyipinya kambu moko minyuo pipape. Dokome Anatu rae mainyi pyambwara.

Kolosi 4:12

Koraisa Yesunya yulu pyakamaingi akali Ipaporasa baa nakamana ralape dokonandeme nakama yako letamo. Baame nakama porayapala suu pingi lama suu pyaa nao Anatu suu pyaramuli pyuo karo eŋa nembo karamili yaka lao yuu peparae Anatu kando loma sokonda koo pyako karamo.

1 Tesalonaika 3:13

Dopa pyuo kararami dokome baame nakamana monarena porainyi pyambwakaramopa Kamongo Yesu banya sukusa wambu pipya eparamo dokopa namwa Rakane Anatunya lenge kambu dorena koo keta pali nao yapasi ingyuo kararama.

1 Tesalonaika 4:3

Anatumi nakama enda mende mee kepo pyakami napala yapasi ingyuo karamili yaka lao suu pilyamo.

1 Tesalonaika 5:23

Anatu mona kyuu lao singi renge jingi dokome nakama banya angingyuo poo pyao nyakanale lao suu pilyu. Anatumi nakamana imambupi suu pingi yongope nyisu pisi naramopa pao Kamongo Yesu Koraisa eparamo dokona inginya lao iso karenale.

2 Tesalonaika 2:17

Nakama yulu keyange pyuope pii keyange laope mondo lao karalapa lao baame nakama porai inginyi pyambwara.

1 Timoti 1:17

Kuma napala karalu karenge Kiŋi doko baa wambumi kapa kanda nange Anatu mendaki doko kando wambu peparaeme lakandapala kingi ketae nembo karalu kararami doko kinyi.

1 Timoti 5:10

Endemo yulu rolae pingi letaminyi dupwa iki rombo palyarami. Banya wane mondo lao rapu pyuo andanyi pyambuo wambu nenge pyuo Kurisene yango pipya kendemande yulu pyuo wambu randa nyerami dokopa pyuo nyiso yuu peparae yulu keyange dopale dusipa pyuo petengende ramo doko banya kingi pepana sinya.

1 Timoti 6:16

Anatu baa iki kumungi renge doko pali nange. Baa rao yanga paupau lao karelyamo dokona mendali repeta paa nange. Baa mendemepe kanda nange dee mendeme kapa kandarami ingya nangeko. Banya kingi ketae pyambuo paliramopa wambu peparae iso karalu karena, doko kinyi.

2 Timoti 3:17

Dopa pyuo Anatunya yulu pyakamaingi wambu dupwame mana nyepala yulu keyange dupwana mora piso pyulu pyuo pirami.

2 Timoti 4:18

Kamongome namba yulu koo dupwana kingi raka lanyi nembo banya yake panda iso karenge dorena mondo lao lanyuo para. Dokona lao banya kingi doko neta renge ingyuo sulu sinya, doko kinyi.

Ipuru 10:36

Anatu laramuli pyuo maka nao waa waa lao pyuo kararami ramo doko baa yole jeroŋo laa lasaka piyamo dupwa nyerami ingilyamo.

Ipuru 12:23

Nakama peparae wane kyawa ingyuo Elyambu Pingi dokona sukusa imisa nakamana kingi doko yake pandana buku dokona pyasi palamo. Nakama Wambunya Kote Singi Mupwa Anatu dokona epapala Kurisene angi dupwana imambu angi elyape ingingi raka dokona imisa pilyamo.

Ipuru 12:28

Namwana Anatu baa isare uliyapumi mende yaparenge nyii nange dopale ingyuo karenge. Doko suu pyapala baapa mona nyerali dupwa pyuo karo mona kando pako karamanale.

Ipuru 13:16

Yulu keyange pyuo yango mendali nyisalana maka nalapape. Yulu doko Anatu rae mainyi pyambuo kumuo maiyuo karenge dopale ingilyamo.

1 Pita 2:5

Nakama opetae lete palengena kana pote isa ingyuo paraminyipa Anatumi Imambunya andaŋa lao nakama wasalana suu pilyamo. Nakama purisinya rara poo pyasi dokona yulu pyuo kararami ingilyamo. Pyuo karo Anatu rae mairali dupwa Imambunya yulu dokona suu pyao Yesu Koraisa keta rendamu pyuo kiso maiyuo karalapape.

1 Pita 4:2

Wamba yulu koo wangu lakapala pyulu pyuo pyuo kareyami dupwa epapu kapa kaepala Anatunya pii laramuli pyuo pipape.

2 Pita 3:18

Nakama Lete Wai Pyao Nyingi Kamongo Yesu Koraisa soo ando paraminyipa banya mona keyange palyuo ipingi renge doko nakama keta jokondali pinya lao leto. Mange epapu piso pao rengyanape banya kingi doko ketae palyuo puu penale, doko kinyi.

1 Jone 2:17

Isa yuunya yulu dokope isa yuunya yulu nyuowaneme kumungi dokope pyai nara ingyuo silyamo. Sipyamopape mendeme Anatu mende laramo dokona rape rape lao karara ramo doko kulisa ingyuo karalu karara.

1 Jone 3:22

Dokopa namwame banya lowa dupwa leyamuli pyuo karo baa rae mailyamuli pyuo pyuo karenge dokome baa kando mende pyakapyali lao piso silyamanuli pyuo baame pyakange.

Juti 1:25

Namwana Anatu mendaki baa lete wai pyao nyingi doko baa kiŋi ingyapala yanga paupau lenge rengepe kai wambowape dakepape dee yuu rakyamepe renge keyange dusipa Kamongo Yesu Koraisa keta sulu sinya, doko kinyi.

Orepalaisane 4:6

Petenge isa andake siyamo dae wangu ipwa pete ketapa yale kyakapae mende siya. Dee petenge dokona awali lao lee renge bange kisima mende nakamana kyawa dupwana lenge malu rao buu minyiya.

Orepalaisane 5:13

Dokopa nambame siyunupa bange wasisi yakena yuunyape dee yuu dokona isa donorena dee ipwa kotana singipi peparaeme kenane pyao dopa pyuo leyami. Kiŋinya petenge isa andake petamo dokona dee Sipisipi Ikyane dokonape yuu peparae lakandao kingi ketae pyambwaraminyi kararambi ingilyamo. Nakamba keta yanga paupau lao porainya rengepe sulu sinya.

Orepalaisane 5:9

kenane enenge mende dopa lao piyami. Embame iki kapa ingyapyamopa buku rongo pisi doko nyepala bange porai upi laro palenge dupwa kapa rokwanyi nembare ingilyamo. Emba pyao kumakayamisa embena ranjama dokome wambu dupwa Anatunya lao ropo pyao nyepala kinyi rara wakale wakalepe pii wakale ingyuo lengepe dee wambu rara peparae Anatunya arapunya nyuo palyii.