Ipuru 13:13 - Anatunya Buku Baepole Ole Testamene Pii Lapo dee Nuu Tesamene

¹³ Dokona lao taone netarena baa karamo mare dokona papala baa elya nyiyamuli pyuo nyuo karamanale.

Ipuru 13:13 ပူးပေါင်းရင်းမြစ်များ

Matyu 16:24

Lapala Yesumi banya disaepole dupwa lamaiyuo, Akali mende namba paronuli pyuo eparo lao suu pyara ramo doko baa range kame soo kaepala banya isa mamando minyalyuo nyepala soo namba paronuli pyuo epara.

Matyu 27:32

Jerusaleme yaki nyepala neta peyaminyi dokopa akali Sairini range mende kingi Saimone lenge doko katasa kandamae nyiyami. Akali doko puu maili lao Yesunya isa mamando doko soo pakaminya leyami.

Matyu 5:11

Nakama nambana wambu ingyuo kararaminyisa akali lapome nakama kilya kandalya kandana pyuo lao lekeleke ralamisi lao nakama yulu koo wakale wakale malu pingiŋi lao kyambo leyami kande dokopa nakama keta renge keyange paliramo kararami.

Luku 6:22

Ikinyingi Akali dokona reke lao karaminyi lapala wambu lapome nakama kando yulu koo pilyaminyi lao nakama awa nao mata joo kilya kando larami dokopa rae maiyuo parami.

Luku 9:23

Lapala wambu peteyami dupwa peparae lamaiyuo dopa leya. Akali mendeme namba paronoli pyuo eparo lao suu pyara ramo doko baa range kame soo kaepala yuu yangaramo yaka lao banya isa mamando minyalyuo nyepala soo namba paronuli pyuo epara.

APOSELENA YULU 5:41

Dokopa aposele dupwa wato lenge anda doko yaki nyepala pao dokopa Yesunya kingi dokona reke lao moŋo nyimwasa pilyamo lao suu pyapala ama rae maiyuo anda peyami.

2 Korina 12:10

Namba porai napunupape Koraisana reke lao dokome rae maiyuo karo. Koraisana reke lao wambu namba kando giyalya giyana piyaminyipape randa andake wakale wakale nyiyunupape rae maiyuo kararoko. Namba poraiya nange dokopa Kamongona porainya renge dokome paka pyao singi.

Ipuru 11:26

Koraisa dokona lao randa nyero lao suu pyapala banya yole keyange doko iki nyeronya lao Isipinya bange kamongonge dupwa mata maiyuo yaki nyiya.

Ipuru 12:2

Yesumi namwana Kurisene kata doko wapwakapala namwa dokonako lanyuo puu para doko baa kandaro soo monale. Baame isa mamando nyerolyamo lapala kaeyande daa. Enakana rae maiyuo kararo lao suu pyapala baa elya napala isa mamando dokona mona kuki palyuo peya. Dopa pyuo piyamopa Anatumi baa nyuo ketae pyambwapala banya kingi rolae dorena pisapyamopa epapu petamo.

Ipuru 12:3

Baa keta apa piya lao semana. Akali koo paleta dupwame baa awa nao randa maiyaminyi kareya. Dokona lao nakama maka suku suku napala yaki nyuo kaeya nalapape.

Ipuru 12:4

Nakama koopa yanda pyuo pao angi kumarami dokona ene pyaka sepa nalyaminyi.

1 Pita 4:4

Nakama opetae wambo dokopa mee langa dopa pyuo male male lao kareyaminyisa Kurisene ingya nange dupwa akipamo epapu namwa role pyao pii nalyamisi lao see napala kilya kando letaminyi.