Ipuru 12:7 - Anatunya Buku Baepole Ole Testamene Pii Lapo dee Nuu Tesamene

⁷ Kamongome emba yaso nelene doko Anatumi banya wane ingilyamo dokona mana langilyuŋu lao sukunde ingyuo kiso rolapyasa pilyamo. Wane mende rakangeme mana laa nalyamo mee karengese?

Ipuru 12:7 ပူးပေါင်းရင်းမြစ်များ

2 Samyuele 7:14

Namba banya rakange ingyaro dee baa nambana ikinyingi ingyuo para. Baa koo piramo dokopa rakangeme banya ikinyingi pyalana pyuo randa mainginyili pyuo randa mairu.

Poropepe 22:15

Wane wanake dupwame mee langa male male lao yulu kopetame pingi. Dopa piminyipape nakamame poraiyuo mana lao pyarami ramo dokopa nakama yulu rolae dupwana mana nyuo piramisa pira.

Poropepe 29:15

Mana lao pyalena pingi renge doko wane wanakepe keta keyange ingyuo pelyamo. Waneme nakama range suu pilyamano ote lao pirami ramo doko baa keta endangi elya nyera.

Poropepe 29:17

Embena wane doko mana lao pyalena pirinyipa yuu peparae embame baa kando rae maiyuo karare. Dopa pirinyipa baame emba raeko mainyi pyambuo karo elya renge nyuo jii nara.

APOSELENA YULU 14:22

Lambuo pao yuu dusipana disaepole dupwa kaeya nao Yesu mona maiyuo karalu karalapape lao, Randa bange malu nao Anatunya isingi panda dokona sukusa parama ingilyamo lao, monarena lao porainyi pyambwapa pyuo papiyambi.

1 Korina 11:32

Kamongome dakepa namwa kando kote lao randa jilyamo dokome isa wambu peparae enakana kote paliramo dokopa namwa kaki rambi rambi pali nara.

Dutaronome 8:5

Dokona rakange dupwame nakamana wane wanakepe dupwa mana lao pyalana pyuo rolenge dopale ingyuo nakamana Kamongo Anatu dokome nakama randa joo sukundi ingyuo kiso rolo mana langingi doko suu pyalapape.

1 Samyuele 2:29

Akipamo nakama yama lenge kambu nyepala nambana kisakana lapu dupwa napuli napuli lao suu pilyamisi? Akipamo nambana wambu dupwame namba pyao kiso jiminyi dokona kapa palenge angi dusa ingyuo Ilai embena wane dolapo namba lakandarenele pyuo lakanda minya minya pyuo nao karena lapala kaelese?

1 Samyuele 2:34

Dopa pyuo embena wane Opini Pineyasepa yuu gii mendaki dokonako kumarambinyi kandarene dokopa namba leto dake kinyi lalyane lao panaramo kandare.

1 Samyuele 3:13

Nambame baa wamba lamaiyuo epeyo. Doko banya wane dupwame namba kando koo laminyi dokona nambame banya ree palu dupwa randa maiyuo karalu kararo, leyo. Doo koo laminyi doko Ilai baa kando soo karapalape mende pyalana pyuo kaena laa nange.