Ipuru 12:28 - Anatunya Buku Baepole Ole Testamene Pii Lapo dee Nuu Tesamene

^28-29 Namwana Anatu baa isare uliyapumi mende yaparenge nyii nange dopale ingyuo karenge. Doko suu pyapala baapa mona nyerali dupwa pyuo karo mona kando pako karamanale.

Ipuru 12:28 ပူးပေါင်းရင်းမြစ်များ

Samu 19:14

Kamongo, namba kyawa lete nyepala lete wai pyao nyingi. Dokome nambanapii dee suu pingipi dolapo embame angi lalyane lao soo nyakape.

Samu 2:11

Kamongo baa mupwa lao suu pyao pako banya yulu pyakamyuokaralapape.

Samu 89:7

Yake pandana aŋala mupwa dupwa wato lenge dokopa emba ketae nembo lenge. Peparaeme emba mupwa lao suu pyaopako karenge.

Aisaya 9:7

Banya kiŋi yulunya iso karengena porai renge doko ando puu para. Banya isingi panda doko yuu peparae mona kyuu lao soo puu para. Baa kiŋi Dapiti kareyamo alonge dokona karara. Banya porai renge doko rolae angi dokona seramopa rolo lao karo pao yuu gii rengya lumwa piramo dokona ingyara. Anatu Porai Wakasa dokome pii lapyamo dusipana palyuo pinya suu pyalu pyao pilyamo.

Daniele 2:44

Yuu gii kiŋi dusipame iso kararaminyi dokopa Anatu yake panda karenge dokome kiŋi enenge mende rombo palyuo baa mee karalu karena lara. Kiŋi wakale dupwame baa pyao anamasi minya narami. Dopa piramopape baame kiŋi doloma peparae pyao isa palyapala baa mee iso palyuo puu para.

Daniele 7:14

Dokopa wambu yuu muu peparae palenge dupwamepe pii wakale wakale lenge dupwamepe wambu rara peparae dupwamepe banya yulu pyakamirami lao baa porainya rengepe kingi ketae pyambuo lakandenge rengepe dee kiŋinya porai rengepe dusipa maiya. Banya porainya renge doko sulu sera dee banya kiŋi yulu doko ota nara ingiya.

Daniele 7:27

Isa yuunya kiŋinya isingi yulu dokona yulu andakepe porai rengepe dupwa Anatu Mupwa Andake Wakasa dokona wambu dupwa nyuo maira. Mairamo dokopa isa yuunya akali mupwa karenge dupwame nakamana pii warombo soo yulu pyakamyuo kararaminyi dokopa kiŋinya porai renge nakama keta palira doko ota nalu nara.

Matyu 25:34

Dokopa Kiŋi dokome banya kingi rolaerena kararami dupwa kando dopa lara. Rakangeme nyiso elyape keta pisiyamo dupwa baa yuu kanda soo wasiyamo dokopa isingi panda keyange mende wasakayamo dokona karala ipupwa lara.

Luku 1:33

Mairamopa yuu peparae baa Jekopena rara doko kamongo wakasa ingyapala rapu pyuo karalu karo karara. Dokopa banya isingi yulu doko ota nara, leya.

Orome 11:20

Doko kinyi. Juu dupwa soo nyii nayami dokome lakyuo isa peyami. Dopa piyaminyipape nakama soo nyilyaminyi dokome neta lakyuo parami ingya nalyamo. Dokona lao rangena kingi lakandsaramano lao kando waso karalapape.

Epesasa 1:6

Anatumi mona keyange palyapala banya Ikinyingi mona retenge doko namwa mee jiya dokona lao banya kingi lakandamana.

Epesasa 5:10

Kamongome epe kandarali dupwa mana nyepala pyuo karalapape.

Pilipai 4:18

Bange malu kamame konda pyuo jiminyi dokona kapa karapala sangyu lao pepa dake isingi pyao jilyu. Ipaporaitasa baame nakamana bange jiminyi dupwa peparae namba nyipunu dokome epapu mende namba yangya nara ingilyamo. Anatu kyaa pyuo rendamu pingi mailyaminyipa kando nyuo rae maiyuo pingi doko.

Ipuru 10:19

Yangonemoo Yesunya ranjama namwana lao kulimbuo jiyamo dokona lao urumu kamame poo pyasi dokona mendeme kata rokwa naramopa kapa parama.

Ipuru 13:15

Anatu keta kyaa piramo karena lao namwana kambumi kaeya nao lakandamana. Dopa pyuo pirama ramo doko Yesu keta Anatunya kingi doko kulisa palyuo laramanosa pira.

Ipuru 13:21

Anatu mona kyuu lao singi renge maingi doko baa nakama mora pisinyi pyambwaramopa Yesu Koraisa keta namwa yulu baa pipili lao suu pilyamo dupwa pimwali yaka. Koraisa baa neta renge ingyuo karalu karara, doko kinyi.

Ipuru 3:6

Dopa piyamopape Koraisa baa Anatunya wambu dupwana kyawa nyuo iso kareya. Namwa kaeya napala Yesu epara lao mona kare kare kararama ramo doko Anatunya ree palu ingyuo kararama lyakande.

Ipuru 4:16

Dokona lao Anatu mona keyange palyuo ipyuo karamo mare dokona eŋa paramopa monale. Baa ipyapala mona keyange palyuo karamo dokome koo keta palyuo kararama gii dupwana kondo nyisapa nyisapa pyuo karara.

Ipuru 5:7

Wamba Yesu isa akali kareyamo dokopa Anatumi lopo lete nyipyalinya suu pyao ateŋa pyao ee andake lao piso siya. Yesu baa Anatupa lao suu pyapala range kuki ingyuo pyuo karenge dokona lao banya ateŋa doko Anatu siya.

1 Pita 1:17

Nakama ateŋa lao dokopa Anatu kando namwana Rakane lao lenge ramo doko baame rolae pyuo wambu yulu pinginyili pyuo pakana palyuo kote lenge dokona isa panda dakena kararaminyi mange dusipa peparaenape yuu gii peparaepe baapa lao pako karalapape.

1 Pita 2:20

Yulu koo pirinyipa pyarami dokopa mende laa nao kararami ramo doko mee kapa rolae ingyuo para. Doko mee kapa rolae ingyuo paramopape koo mende pii napala kopetame pyarami dokopa mende laa narami ramo doko Anatumi emba elyape keta pisara.

1 Pita 2:5

Nakama opetae lete palengena kana pote isa ingyuo paraminyipa Anatumi Imambunya andaŋa lao nakama wasalana suu pilyamo. Nakama purisinya rara poo pyasi dokona yulu pyuo kararami ingilyamo. Pyuo karo Anatu rae mairali dupwa Imambunya yulu dokona suu pyao Yesu Koraisa keta rendamu pyuo kiso maiyuo karalapape.

Orepalaisane 15:4

Api mendeme Kamongo emba kando paka napala embena kingi doko ketae minyalya narase? Emba iki poo pyasi karene. Embena yulu rolae dupwa panasi silyamo dokome wambu yuu muu peparae epapala emba suu pyao mona kando pisarami.

Orepalaisane 5:10

Embame doloma Anatunya yulu pyakamirami lao rapu pinginya rara inginyi pyambuinyipa nakama dupwame yuunya iso kararami.