Ipuru 12:27 - Anatunya Buku Baepole Ole Testamene Pii Lapo dee Nuu Tesamene

²⁷ Anatumi deeko laronya letamo pii dokona lao, Wambo dokopa wasiyamo dupwa pyuku pyuku lao bolombalo laramopa kapa pyuku laa narali dupwa mee poraiyuo sulu seraŋa letamo.

Ipuru 12:27 ပူးပေါင်းရင်းမြစ်များ

Aisaya 54:10

Yuu kyau kuki andakepe dupwa poro lao para. Dopa piramopape nambame nakama mona retelyo doko ota nalu nara. Nakama keta mona kyuu lao seraŋa lao lao kana minyuo leto pii doko minyaro. Kamongo nakama mona retelyamo dokome dopa letamo.

Aisaya 65:17

Kamongome dopa letamo. Nambame yake yuupi enenge ingyuo wasaronopa wambowana pingi dupwa dopale kandape panda dapale kandape lao suu pyaa narami, letamo.

Matyu 24:35

Yake yuupa otara ingyapyamopa nambana pii dupwa ota nara ingilyamo.

Orome 8:19

Anatunya bange wasiyamo dupwa peparaeme Anatunya ikinyingi para pyao nyiyamo dupwa pano epo nolakarami dokona kandalana kata kando isaro karaminyi.

Orome 8:21

Doko Anatunya wasisi bange dupwa yuu gii mendepa mee anjisi rumbyuo see nana lao kiiramo nyera. Dokopa bange peparae mee mondo lao sepala Anatunya wane wanake dupwa pipya yanga paupau lenge dokona kiiramo nyisi kararami.

1 Korina 7:31

Nakama bisinase yulu pirami dupwame wambu kandamili lao pii nalapape. Dakepa yuu muunya yulu dakepa silyamo dupwa rengya pana nara.

Ipuru 1:10

Dee pii mende konda pyuo leya doko, Kamongo embame kanda soo dokopa yuu muu dupwa peparae wasii. Rangena kingi dokome yake doko wasiipya.

Ipuru 13:14

Isa yuu dakena namwana taone panda mende kulisa sulu serande silyande daaŋa. Taone anginde silyamo doko koto karamwasa pilyamo.

Ipuru 9:11

Yulu enenge epelyamo dupwana Koraisa baa purisi mupwa ingyaro karamo. Tembole anda wakasa wambunya kingi mono palyuo isa panda pyuo wasiyamande daa baame dokonako pyuo karenge.

Orepalaisane 11:15

Enakana aŋala yanda ipingi nyepo dokona bikuli leyamo dokopa yake dokona piso pii rekyae lao lapala, Namwana Kamongo kandale dee banya Koraisapa yuu muu dupwana kiŋi ingyuo kaelyambinyiŋi. Dokome iso karalu karara lyakande leyami.

Orepalaisane 21:1

Enakana yake yuupa dolapo wakale enenge ingyuo alowa piyamo kandeyo. Yake yuupa wamba singi dolapo nyuo alowa piyamopa kota pete doko mee ingyuo rali piya.

Orepalaisane 21:4

Anatumi isa wambu mona minyarambu nakamana lengena ee kwuakamira. Nakama dee kuma naope sakame kumuo mona rando ee lao kara nao pirami. Yulu wambo singi dupwa pyalingi nyilyamo leya.

Orepalaisane 21:5

Kiŋinya petenge isa dokona peteyamo dokome, Nambame epapu bange dupwa peparae komba pyao enenge ingyuo nyilyu leya. Pii dake ama rolae angi ingilyamo dokona pepana pyao retape leya.